Maịka 6:15 - Ika

¹⁵ Ụnụ jẹnkọ d'a kụn ihiẹn ugbo, kanị ẹlẹ ụnụ k'a ghọrị a: ụnụ k'a pịnpụha udẹn-olivu, kanị ẹlẹ ụnụ k'a kwọ udẹn ahụn; ụnụ k'a pịnpụha manya vaịnị, kanị, ụnụ ahụnkọ manya vaịnị ra.

Maịka 6:15 ပူးပေါင်းရင်းမြစ်များ

Jobu 31:8

onyẹ ọzọ ya ri nwan ihiẹn m kụn, wẹ huepụ ihiẹn rị ugbo m.

Jerimaya 12:13

“Ịhịan k'a kụn ọka alịnị kanị ogun kẹ w'a hụn ghọrị; wẹ k'a rụngbu enwẹn wẹ, kanị onwọnni ihiẹn wẹ k'a rụnpụha. Ụya ya ri ụnụ makẹni ugbo ụnụ emẹni ihiẹn — makẹni Osolobuẹ e gigụọ ọnụma sọn ụnụ.”

Lẹvitikọsụ 26:16

lee ni ihiẹn m k'e mẹ ụnụ: m k'e zihẹni ụnụ ihiẹn-egun idẹnmizi, eje-emu hụn k'e sekpọ ụnụ lẹ ẹhụ-ọkụn hụn k'e mẹ ụnụ eleghazịlẹ ụzọ, gi ẹkẹrẹ-ẹkẹrẹ weri ndụn ụnụ. Ụnụ k'a kụn mkpụrụ la iwi, makẹni ndị iṅẹnrẹn ụnụ nwọn ri ẹ.

Lẹvitikọsụ 26:20

Ụnụ k'a rụngbu enwẹn ọnụ mmaka makẹni alị ụnụ emẹkọ ihiẹn ọwụlẹ, osisi ụnụ amịkọ mkpụrụ.

Emọsụ 5:11

Ebe ụnụ rị a zọ ndị igbẹnnyẹ ụkụ isi, a sị wẹ tụnị ụnụ ọka, ụnụ ebikọ ezigbo ụlọ ndị ahụn ụnụ gi ọmụma wẹ chọ mma tụn! Ụnụ arakọ manya alị-vaịnị ndị ahụn rịgbu enwẹn ẹ mma hụn ụnụ rụn;

Habakọkụ 3:17

Ya wụ, ọsụọn'a nị figi amịnị mọbụ nị vaịnị amịnị; ọsụọn'a nị olivu amịnị mọbụ nị onwọnni ihiẹn rị ugbo; ọsụọn'a nị atụnrụn arịzị mọbụ nị ewu lẹ efin a gụgụọ; ọsụọn'a nị onwọnzini ihiẹn ọwụlẹ rịnị,

Zẹfanaya 1:13

Wẹ k'a kwanarịn wẹ akụ-lẹ-ụba wẹ, tikpọchanrịn ụlọ wẹ. Wẹ k'a tụn ụlọ, kanị ebikọ w'a; wẹ k'a rụn alị vaịnị, kanị arakọ wẹ manya a.

Hagaị 1:6

Ụnụ ahụnnị nị ụnụ kụngụ ọda, ẹkẹrẹ sụọ kẹ ụnụ a hụn a ghọrị; ụnụ hụ e ri, kanị ụnụ arị a hụn hụn e jun ụnụ ẹfọ; ụnụ hụ a ra, kanị ụnụ arị a hụn hụn e jun ụnụ ẹfọ; ụnụ hụ e yi ẹkwa, kanị ụnụ arị a hụn hụn e zu ụnụ a chụ oyi; ụnụ hụ a kpa egho a kpaye ẹkpa e hini.

Jọnụ 4:37

O mẹgụọ nwan kẹ wẹ dọn e ku ẹ: ‘Onyẹni kụn; onyẹni ghọ.’ ”

Ndị Han Eṅẹn 6:4

Wẹ bịa, e ziẹntọ wẹ alị Izrẹlụ, wiwimẹ ihiẹn-ugbo wẹ d'e rukwọrị Gaza, onwọnni ihiẹn ọwụlẹ e kwọnni w'a latọnị ndị Izrẹlụ, kẹ atụnrụn kẹ efin kẹ jaki.