Maịka 5:8 - Ika

⁸ Ẹghẹẹ, ebọn Jekọpụ hụn k'a họdụnị, hụn k'a rị imẹ igunrun alị ndị ọzọ bu ọda, k'a rị kẹ ẹwọrọ hụn rị imẹ anụmanụ ndị ọzọ rị ẹgboko; Wẹ k'a rị kẹ nwa-ẹwọrọ rị imẹ igunrun atụnrụn, ọ ghakọnị imẹ igunrun atụnrụn, ọ hụ a zọgbu wẹ, a dọrinrin wẹ, onwọnni onyẹ a saẹka a zụọpụha wẹ ẹka a.

Maịka 5:8 ပူးပေါင်းရင်းမြစ်များ

Jẹnẹsisi 49:9

Juda, okoro ẹwọrọ k'ị wụ, nwa m: o gbu, o ri, o lihi; ọ tịn ẹhụ, makpuru nọkẹ onyẹnnyẹ-ẹwọrọ; onyẹ kẹ egun a nị kpọtiẹn ẹ?!

Ẹbụ-ọma 104:20

Y'e mẹ eki e gi e họnrin uhinhin, hụn anụ ile rị ọfịa gi a kpa:

Ẹbụ-ọma 44:5

Ịyụ haịn ẹnyi gi e mẹri ndị-iṅẹnrẹn ẹnyi; ẹfan ị kẹ ẹnyi gi a zọgbu ndị bunụmanị ẹnyi.

Ẹbụ-ọma 50:22

Rokwọ nị nwan ihiẹnni, ụnụ ndị rị a zọ Chuku, amamgbe m'a dọkịka ụnụ, ụnụ ahụnkọ onyẹ k'a zụọpụhanị ụnụ.

Itẹn 30:30

ẹwọrọ hụn ka anụ ndị ọzọ ndụn enwọn, hụn nwọnlẹni ihiẹn ọ gbanị ọsọ;

Azaya 5:29

Oro wẹ nọ kẹ ebe ẹwọrọ rị e dẹn; wẹ hụ e dẹn kẹ ikoro ẹwọrọ; wẹ hụ a nwụndọn ihiẹn wẹ chụha, e dẹn; e bu ẹ a la, onwọnni onyẹ a saẹka a gbapụha a ẹka wẹ.

Izikẹlụ 39:10

Ẹlẹzi hụn w'e gi e jẹn ugbo d'a kpa nkụn mọbụ jẹn ẹgboko d'e gbugiri nkụn, makẹni wẹ k'a gha e gi ihiẹn-ọgụn ndị hụ a fiye ọkụn. Wẹ k'e gbukwarị ndị gbu wẹ kwarị ihiẹn wẹ, kpọnrin ihiẹn ndị kpọnnarịn wẹ ihiẹn wẹ. Ya kẹ Osolobuẹ Nwọn Ihiẹn Ile ku.

Hosia 5:14

M k'e mẹ ndị Ifrem ihiẹn ẹwọrọ e mẹ anụ, e mẹ m ndị Juda ihiẹn okoro-ẹwọrọ e mẹ anụ: mmẹ lẹ enwẹn m k'a dọkịka wẹ; e buru m wẹ pụ, onwọnni onyẹ k'a sa ẹka zụọpụha wẹ.

Maịka 2:12

“Omẹgụ, m sikọ d'e wegbamazịrịrị ụnụ, ụmụ Jekọpụ; m jẹnkọ d'e wegbamazị ndị k'a hụn isi. M k'e wegbama wẹ ile, a nọ wẹ kẹ atụnrụn rị ebe wụ nke wẹ, nọkẹ igunrun atụnrụn rịchanrịn ebe wẹ nọ a kpa nni hụn wụ nke wẹ; ụzụn k'e jun alịnị yeni ndị bu ọda rịn'a.”

Maịka 4:13

Osolobuẹ sị, “Lihi nwan Zayọnụ, n'ị kụkpọma wẹ kẹ ọka: m k'e ye i mpịn igwe, ye i akpụkụ igwe-bronzu. Ị k'a kụkpọchanrịn alị ichẹn-ichẹn; we eje akụ-lẹ-ụba wẹ kwanị Osolobuẹ, we ihiẹn ile wẹ nwọn kwanị Onyẹ hụ nwọn ụwa ile.”

Maịka 4:7

E gi m ndị te wụ ngụrọ pumẹzi alị wẹ, gi ndị nwẹn m te jụ họnrin okẹn alị; mmẹ wụ Osolobuẹ a nọ Ugu Zayọnụ kị wẹ jẹnrin ejẹn.”

Maịka 5:3

O jẹnkọ nwan d'a lagụ wẹ tọ d'e ru mgbe okpoho hụ imẹ rị e mẹ mụ, umunẹ ẹ họdụnị a lụaburu ndị Izrẹlụ.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Zẹkaraya 10:5

Wẹ k'a lụ agha kẹ odogun-agha, zọgbusọnmẹ ndị-iṅẹnrẹn imẹ ịkpọtọ rị ọgbara-ogbe; wẹ k'a lụshi ikẹn makẹni Osolobuẹ k'a nọyeni wẹ, e gbe wẹ ifẹnrẹn ye ndị gidẹ ẹshin-agha ihun — ndị gi ẹshin-agha a lụsọn wẹ agha.

Zẹkaraya 11:6

“M gi ẹ e ku ni emẹkọzị m omikẹn ndị alịnị! M k'e mẹ onyẹ-onyẹ kpaban ibe ẹ ẹka, mẹ onyẹ ọwụlẹ kpaban eze ẹ ẹka. Wẹ k'e wiwi alịnị, agbapụhakọ m'a ẹka wẹ. Ya kẹ Osolobuẹ ku.”

Zẹkaraya 12:3

O ru ogẹn hụ, m k'e mẹ Jerusalẹm wụrụnị alị ndị ọzọ ile ọmụma nyịngbu enwẹn ẹ: ndị ile k'a chọ nị wẹ bu ẹ k'a rụ enwẹn wẹ ẹhụ. Alị ile rị elu-ụwa k'e zugbama d'a lụsọn ẹ.

Zẹkaraya 14:18

Omẹni alị Ijiptu ejẹnni, Osolobuẹ a tụ wẹ emu hụ Osolobuẹ k'a tụ alị ndị jẹnlẹni d'e mẹ mmẹmmẹ Ibi-imẹ-ọdụ.

Zẹkaraya 9:15

Osolobuẹ ihiẹn ile rị okpuru ẹ k'e che wẹ nche, e mẹri wẹ ndị-iṅẹnrẹn wẹ: a zọgbu wẹ ndị a gba araba, bu wẹ ri, e yi oro-agha nọkẹ ndị manya nwunye ẹnya, ẹdeke e jun k'o jun afẹrẹ nchụn-ẹjan, jun wẹ ẹhụ nọkẹ mpịn ukpo nchụn-ẹjan.

Malakaị 4:3

Ụnụ a zọkpụkpọ ndị-njọ, makẹni wẹ k'a rị kẹ ntụn okpuru ụkụ ụnụ ụhụọhịn m k'e mẹ ihiẹn m k'e mẹ. Ya kẹ Osolobuẹ ihiẹn ile rị okpuru ẹ ku.

Ọgụngụn 24:9

Izrẹlụ a makpuru, o dinẹ, nọkẹ ẹwọrọ, rịkẹ onyẹnnyẹ-ẹwọrọ: onyẹ kẹ egun a nị kpọtiẹn ẹ?! Ngọzi ya rịnị ndị gọzini ụnụ, ịbụ-ọnụ ya rịnị ndị bụ ụnụ ọnụ!”

Matiu 10:14

Onyẹ ọwụlẹ mọbụ obodo ọwụlẹ nabanhanlẹni ụnụ mọbụ jụ n'o gọnkọ ozi ụnụ ntịn, gha nị iwe onyẹ hụ mọbụ obodo hụ pụ, ụnụ e tichanpụ ẹjan rị ụnụ ụkụ tọn'a.

Ọrụn Ndị-ozi 18:6

Ogẹn ndị Ju gi bunụman'a, kparimẹ ẹ, ya kẹ ọ nọ zinzinpụ uzunzun rị a ẹkwa tọnị wẹ gi gwa wẹ n'e mẹọlẹ wẹ eje-ihiẹn, ọ sị wẹ, “Ẹdeke ụnụ rị ụnụ isi! Ẹka m rị ọchan! Gha kikẹnni jẹnmẹ, e buru m ndị wụlẹni ndị Ju.”

Hibru 12:25

Hụnkwọ n'a nwan nị ụnụ enupụnị isi okpuru onyẹ hụn rị nwan e kuni. Makẹni, omẹni ndị mbụ awanahịnnị ogẹn ahụn wẹ gi nupụ isi okpuru onyẹ nọ elu-ụwanị a dọ wẹ ẹka-ntịn, nanị ẹnyi a dọn nwan wanahịn, omẹni ẹnyi e nupụ isi okpuru onyẹ hụn gha nwan elu-igwee e ku.

Hibru 2:3

nanị ẹnyi a dọn nwan wanahịn omẹni ẹnyi a jụ okẹn nzụọpụhanị nọ ẹnịna, hụn Di-nwọnni-ẹnyi lẹ enwẹn ẹ bu ụzọ zimẹ ozi ẹ; hụn ndị gha ọnụ a nụ a shịa ẹri, ghọsị ẹnyi nị ezioku rọ,