Maịka 5:6 - Ika

⁶ Wẹ k'e gi ọpịa-agha du alị Asiria, alị Nimrọdụ, d'e rudẹ ọnụ-mgbọn ẹ. Eze ẹnyi hụ lalanị jẹnkọ d'a gbapụha ẹnyi ẹka ndị Asiria, omẹni ndị Asiria a banhan alị ẹnyi mọbụ zọdẹ ụkụ ye ẹ.

Maịka 5:6 ပူးပေါင်းရင်းမြစ်များ

Ndị-nze Nke Ẹbụọ 15:29

Ogẹn Pẹka gi wụ eze Izrẹlụ Ẹbamịn ugu kẹ eze Asiria — hụn wụ nwan Tiglatị-Pilesa — gizi bịa, weri obodo ndịnị wẹ: Ijọnụ lẹ Ebẹlụ-Bẹt-Maaka lẹ Janụa lẹ Kẹdẹshi lẹ Hazọ. Ọ nọzị weri Gilẹdị lẹ Galili (o weri alị Naf'tali ile rị Galili). Ọ nọ kpụnrụn ndị bini wẹ, shi alị a wụ Asiria.

Ihiẹn Mẹni Nke Ibuzọ 1:10

Kushi mụzị Nimrọdụ. Nimrọdụ, odogun-agha hụn bu ụzọ kpama ikẹn agha elu-ụwa.

Ihiẹn Mẹni Nke Ẹbụọ 33:11

Ya Osolobuẹ nọ wẹhẹni wẹ ndị-isi agha eze Asiria lẹ ndị-agha wẹ d'e mẹ wẹ ihiẹn; wẹ nọ nwụnrụn Manasẹ, bu ukpo che ẹ imi, gi aba igwe-bronzu kpọdọn ẹ, we ẹ shi Babilọnụ.

Jobu 29:22

M kugụ, w'a ra kuzi — m kugụ ẹhụ e mẹ wẹ jụụ.

Ẹbụ-ọma 110:3

Ndị nke i k'e wepụhachanrịn obi sọnjẹn i agha ụhụọhịn i k'a kpa ikẹn; yụ lẹ ọghọ rị nsọ rị ị ẹhụ, eki fọn ụhụọhịn hụ, ndụn-okorọbịa ị e ziẹntun'i nọkẹ igirigi.

Ẹbụ-ọma 72:6

Ya rị kẹ mirin rị e zueye ihiẹn-ugbo; ya rị kẹ mbụmbụ mirin rị a bụye alị.

Azaya 14:2

Ndị alị ichẹn-ichẹn k'e duru wẹ, dulụa wẹ alị wẹ. Ndị Izrẹlụ e nwọnrin ndị alị ichẹn-ichẹn, awụrụnị wẹ wẹ igbọn ikẹnnyẹ lẹ ikpoho imẹ alị Osolobuẹ. Wẹ k'e kwọndọn ndị te gini wẹ, a kịma wẹ ndị te rị a kịgbuni wẹ.

Azaya 14:25

M jẹnkọ d'a nọ alị m tikpọ alị Asiria; elu ugu m rị ichẹn-ichẹn kẹ m k'a nọ zọ a ye alị. M k'a tọpụ ndị nke m ẹgbụn a, ziẹn wẹ ibu ẹ hụn rị wẹ uvun.”

Azaya 33:1

Nsọngbu rị e che i, yụ hụn e tikpọnị wẹ kelẹni tikpọ; ịyụ hụn e re ndị ọzọ bụ wẹ eke re i! I tikpọgụ, e tikpọ wẹ ịyụ nwẹn! I regụ ndị ọzọ, ndị ọzọ k'e rezikwọ ịyụ nwẹn.

Azaya 37:36

Ya Mmọn ozi Osolobuẹ nọ jẹn ebe ndị-agha Asiria ziẹntọ, gbupụ ndị-agha nnụ-uku isẹn-kwasị-ọgụn-itenẹi (185,000). Eki e fọn, ndị alị a hụn ozun ndị hụ ile kẹ wẹ jun ụzọ ile!

Azaya 37:37

Ya kẹ eze Asiria wụ Sẹnakẹribụ nọ kịrị ndị agha họdụnị la, lakin isi-alị a wụ Ninivẹ d'a nọdị.

Azaya 6:13

Ọsụọkwọn'a ohu imẹ iri sụọ họdụ alịnị, wẹ k'a dụn wẹ ọkụn. “Kanị, kẹ okẹn-osisi dọn a latọ mkpọgụn alị wẹ gbutugụ wẹ, ẹrịra kẹ mkpụrụ rị nsọ k'a dọn họdụ alịnị, wụrụ mkpọgụn hụ wẹ latọ.”

Jerimaya 14:22

Mmọn ndị ahụn nwọnlẹni isi ndị alị ọzọ e fe, elee hụn asadẹ nwan ẹka e mẹ mirin e zue? Igwere nkẹ e gidẹ nwan ihiẹn ẹka a e zihẹ mirin ra? Mba, ịyụ sụọ e mẹ ẹ — ịyụ Osolobuẹ, Chuku ẹnyi. Ịyụ kẹ ẹnyi rị nwan e lee ẹnya, makẹni ịyụ e mẹ ihiẹn ndịnị ile.

Nahum 2:11

Kị mẹzi Ninivẹ, ụlọ-ẹwọrọ nwẹn? Ebe nwẹn ụmụ ẹwọrọ nọ e ri; ebe nwẹn okẹn lẹ onyẹnnyẹ ẹwọrọ nọ a kpa; nwa-ẹwọrọ a kpadẹ ebẹhụ onwọnni ihiẹn e rọn ẹ egun?

Zẹfanaya 2:13

Osolobuẹ jẹnkọ d'a tịnpụzịkwọ ẹka mẹ ndị rị ẹbamịn-ugu ihiẹn: o k'e tikpọ alị Asiria hụn rị ebẹhụ. O k'a gba isi-alị wẹ wụ Ninivẹ okpokoro, mẹ ẹ wụrụ alị ọkpọ-nkụn nọkẹ atụ.

Zẹfanaya 3:12

M k'a latọnị ụnụ ndị nwọnlẹni ihiẹn wẹ kpọ wẹ lẹ ndị w'e legberi; wẹ k'e gi ẹfan Osolobuẹ dọn ẹnya.

Luku 1:71

n'o jẹnkọ d'a zụọpụha ẹnyi ẹka ndị iṅẹnrẹn ẹnyi ile lẹ ndị iwe ẹnyi rị e we;

Luku 1:74

n'o sikọ d'a gbapụha ẹnyi ẹka ndị iṅẹnrẹn ẹnyi, ẹnyi a tụbehi egun wẹ, fe ẹ;

Luku 24:27

Ya Jizọsị nọ gha ihiẹn Mozizi de imẹ Ẹkụkwọ-nsọ lẹ ihiẹn ndị-amụma ile de kọwachanrịn nị wẹ ihiẹn ile Ẹkụkwọ-nsọ ku banyeni enwẹn ẹ.

Ditrọnọmi 32:2

Nkuzi m jẹnkọ nwan d'e zue kẹ mirin, oku-ọnụ m jẹnkọ d'e ziẹn kẹ igirigi, nọkẹ mbụmbụ-mirin bụye elu irurue ọhụn, nọkẹ ezigbo mirin zueye elu ihiẹn pu nke ọhụn.