Maịka 5:2 - Ika

² Kanị, ịyụ, Bẹt'lẹhẹm Ẹfrata, hụn nwọnlẹni ihiẹn ọ wụ imẹ ebọn ndị rị Juda, imẹ i kẹ onyẹ-ọkịkị a gha pụhanị m, d'a kị ndị Izrẹlụ, Onyẹ hụn rị ẹdẹi, rị kete-kete.

Maịka 5:2 ပူးပေါင်းရင်းမြစ်များ

Jẹnẹsisi 35:16

Ya Jekọpụ lẹ ikpụlọ a nọ gha Bẹtẹlụ pụ. W'e ke jẹndẹ Ẹfratị e jẹn, imẹ nọ mẹmẹ Rechẹlụ; ọmụmụ nọ fụ a ọrụn ọda-ọda.

Jẹnẹsisi 35:19

Rechẹlụ a nwụnhụn, wẹ nọ li ẹ ye ụzọ wẹ gha e jẹn Ẹfratị (hụn wụzị Bẹt'lẹhẹm).

Jẹnẹsisi 48:7

makẹ ufiri nnẹ i wụ Rechẹlụ hụn nwụnnahịn m ụzọ imẹ alị Kenaanị kẹ ẹnyi gha Padanị lala, ogẹn ẹnyi gi rumẹ Ẹfratị; ya m nọ li ẹ ye mkpẹnrẹn ụzọ Ẹfratị ebẹhụ.” (Hụn wụ Bẹt'lẹhẹm.)

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ihiẹn Mẹni Nke Ibuzọ 2:54

Ụmụ Sal'ma wụ ndị Bẹt'lẹhẹm, ndị Netofa, ndị Atrọtụ-Bẹt-Jụabụ, ndị Azụụn hụn ẹbọ rị Manahatị, ndị Zo

Ihiẹn Mẹni Nke Ibuzọ 4:4

Pẹniẹlụ wụ nẹdi Gẹdọ, Ẹza wụ nẹdi Husha. Uwẹ ile wụ ẹbozo Họ nwa-ibuzọ Ẹfrata; ịya wụzị nẹdi Bẹt'lẹhẹm.

Ihiẹn Mẹni Nke Ibuzọ 5:2

K'o mẹlẹru nị Juda wụ nwan ndị ka ọda imẹ umunẹ wẹ ile lẹni ẹka wẹ kẹ eze gha pụha, ọnọdị nwa-ibuzọ wụkwọ nwan nke Josẹfụ.)

Ẹbụ-ọma 132:6

Ẹfrata kẹ ẹnyi nọ nụ ukwere Ẹkpẹti Osolobuẹ, ẹnyi nọ hụn a ugbo rị obodo Jaarị:

Ẹbụ-ọma 90:2

N'i d'e ke ugu ọwụlẹ, n'i d'e ke ụwa lẹ ndị rịn'a, ịyụ wụ Chuku; ị wụ Chuku ẹdẹi; ịyụ wụzịkwọ Chuku jẹnrin-ejẹn.

Ọpụpụ 18:21

Ka gha imẹ wẹ ile họrị ndị k'a saẹka kị — ikẹnnyẹ hụn a tụ egun Chuku, ikẹnnyẹ wẹ gi e dọn ẹnya hụn ghalẹni e ri egho azụụn; y'e tumẹsọnmẹ wẹ nị wẹ kị wẹ; ndị k'a kị madụ nnụ-uku nnụ-uku, ndị k'a kị ọgụn-isẹn ọgụn-isẹn, ndị k'a kị iri-kwasị-ọgụnnaị iri-kwasị-ọgụnnaị lẹ ndị k'a kị iri-iri.

Ọpụpụ 18:25

Ọ gha imẹ ndị Izrẹlụ ile họrị ikẹnnyẹ k'a saẹka kị, tumẹ wẹ nị wẹ kị, ndị k'a kị madụ nnụ-uku, nnụ-uku, ndị k'a kị ọgụn-isẹn ọgụn-isẹn, ndị k'a kị iri-kwasị-ọgụnnaị iri-kwasị-ọgụnnaị lẹ ndị k'a kị iri-iri.

Azaya 11:1

Mkpọgụn Jese họdụ alị k'a gbọrị, mkpọgụn a họdụ alị k'a gbọrị, wapụha agalaba; agalaba hụ k'a mị mkpụrụ.

Azaya 53:2

Ẹka Osolobuẹ kẹ odibo ẹ nọ sue nọkẹ osisi pupụhanị, nọkẹ mkpọgụn rị alị-ọkpọnkụn. Onwọnni mma mọbụ ọghọ rị a ẹhụ a lanị ẹnyi ẹnya; onwọnni ihiẹn rị a ẹhụ hụn a sụọ ịhịan.

Azaya 55:4

Lee ẹ, e gigụọ m'a họnrin ọshẹri jẹnni ndị alị ichẹn-ichẹn, onyẹ-ndu lẹ ọkị-agha alị ichẹn-ichẹn.

Azaya 7:14

Osolobuẹ lẹ enwẹn ẹ jẹnkọ nwan d'a ghọsị ụnụ ahịma: Lee ẹ, nwagbọọ kelẹni marịn okẹnnyẹ jẹnkọ d'a tụrụ imẹ, mụ okẹnnyẹ, a gụn w'a Imanuẹlụ

Jerimaya 30:21

Onyẹ nke wẹ jẹnkọ d'a kị wẹ; imẹ igunrun wẹ kẹ onyẹ k'a kịnị wẹ k'a gha pụha. M k'e wezụnhan a, ọ nọkunmẹ m — makẹni onwọnni onyẹ k'a sa ẹka nọkunmẹ m sokpan mmẹ wezụnhan a. Ya kẹ Osolobuẹ ku.

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Emọsụ 9:11

“O ru ogẹn hụ, m jẹnkọ d'e weli ụlọ Defidi dannị, tụnkinchanrịn ebe ile oghe rị; a rụndọnzi m ebe ile tikpọnị, a tụn m'a, ọ rịzị k'ọ rị mbụ,

Maịka 4:10

A fịkọkwọ nwan, obodo Zayọnụ; nọkẹ onyẹ imẹ rị e mẹ, makẹni ụnụ k'a pụgụ nwan obodoni, ranhịngụ ogbe, gha ebẹhụ shi alị Babilọnụ. Ebẹhụ kẹ w'a nọ gbapụha ụnụ; ebẹhụ kẹ Osolobuẹ k'a nọ gbapụha ụnụ ẹka ndị-iṅẹnrẹn ụnụ.

Zẹkaraya 13:7

“Ọpịa-agha, tẹnhin! Tẹnhin n'i mẹ onyẹ-ndu atụnrụn m ihiẹn; n'i mẹshi okẹnnyẹ mmẹ lẹ ịya gba a wị ikẹn. Ya kẹ Osolobuẹ ihiẹn ile rị okpuru ẹ ku; Gbu onyẹ ndu atụnrụn hụ kẹni atụnrụn gbayịya: m k'e gidẹ ẹka m mẹshi ụmụ-atụnrụn rịn'a ikẹn.

Zẹkaraya 9:9

Zayọnụ, ghọghọma ọda-ọda! Obodo Jerusalẹm, yi oro ịghọghọ! Lee ẹ, eze i lala d'e kunrun i! Onyẹ ezi-omumẹ lẹ onyẹ-mmẹri k'ọ wụ; o welụa enwẹn ẹ alị, nyinla okẹn jaki, nwa Jaki!

Matiu 2:1

Wẹ mụ Jesu imẹ Bẹtilẹhẹm hụn rị Judia ogẹn Hẹrọdụ gi wụ eze. Ogẹn hụ, ndị marịn ẹnya kokisẹ nọ gha alị rị azụụn ọwụwa-ẹnyanwụn bịa Jerusalẹm,

Matiu 2:6

‘Bẹtilẹhẹm hụn rị imẹ Juda, ẹlẹ yụ kachanrịn ntịn imẹ obodo ndị rị a kị Juda; makẹni onyẹ-ọkịkị jẹnkọ d'a gha imẹ i pụha, hụn k'a kị ndị nke m wụ Izrẹlụ.’ ”

Matiu 28:18

Jizọsị nọ jẹnzụnhan, sị wẹ, “E yeọlẹ wẹ m ikẹn ile rị elu-igwee lẹ elu-ụwa.

Luku 23:2

Wẹ nọ kinmẹ, sị, “Ẹnyi nwụn okẹnnyẹni k'ọ rị e dufie ndị alị ẹnyi, a sị wẹ akụzịlẹ eze-kanị wụ Siza ụgwọ-isi, a kpọ enwẹn ẹ Kraịstị hụn wụ eze.”

Luku 23:38

O nwọnzikwọ ihiẹn wẹ deye obe hụ. Ihiẹn wẹ de wụ, “Ọnwan wụ eze ndị Ju.”

Jọnụ 7:42

Ẹkụkwọ-nsọ e kugụọn'a nị Kraịstị k'a wụ onyẹ ebọn Defidi, n'o sikọ d'a wụ onyẹ Bẹtilẹhẹm, obodo Defidi?”

Ditrọnọmi 1:15

Ya m nọ tumẹ ndị sikọ d'a kị ebọn ụnụ ile, ndị nwọn uche lẹ ezigbo ẹfan, tumẹsọnmẹ wẹ ndị a kị madụ nnụ-uku nnụ-uku, ndị a kị ọgụn-isẹn ọgụn-isẹn, ndị a kị madụ iri kwasị ọgụnnaị, iri kwasị ọgụnnaị lẹ ndị rị a kị madụ iri-iri.

Ndị Kolosị 1:17

Ọ rị arị nị ihiẹn ọwụlẹ d'e bidọn; ịya gi ihiẹn ile.

Hibru 13:8

Jizọsị Kraịstị wụkwọ ihiẹn ọ wụ ụnyanhụn, tannị lẹ jẹnrin ejẹn.

Hibru 7:14

Makẹni, o we ẹnya nị Onyẹ-nwọnni-ẹnyi wụ onyẹ ebọn Juda, lẹ ni Mozizi akpọnị ebọn hụ ẹfan ogẹn o gi ku oku ndị nchụn-ẹjan.

Jọnụ Ibuzọ 1:1

Ihiẹn ahụn rị gha mbidọn lala kẹ ẹnyi rị a gwa ụnụ oku ẹ, ihiẹn ẹnyi gi ntịn nụ, gi ẹnya ẹnyi hụn; ihiẹn ẹnyi lekpọgụ, mẹtụ ẹka. Ẹnyi rị e ku oku onyẹ ahụn wụ ndụn.

Rẹvẹleshọnụ 19:16

Nzere wẹ deye elu ẹwuru ẹ lẹ ọgbọdọgbọ a wụ, “Eze ndị-nze lẹ Nna ndị wụ nna.”

Rẹvẹleshọnụ 2:8

“Dejẹnni onyẹ-isi ụka Sụmẹna, sị a: ‘Lee ihiẹn onyẹ hụ wụ Ibuzọ lẹ Ikpanzụụn ku, onyẹ ahụn nwụnhụnnị hụn rịzị nwan ndụn: ọ sị,

Rẹvẹleshọnụ 21:6

Ya ọ nọ sị m, “O mẹgụọ! Mmẹ wụ Ibuzọ lẹ Ikpanzụụn, Mbidọn lẹ Ọgụgụ. Onyẹ ọwụlẹ ẹgụn-mirin rị a gụn, m k'a gha isi-mirin e ye ndụn ye ẹ mirin ọfẹ.

Ndị Han Eṅẹn 17:7

O nwọn okorọbịa ohu, onyẹ ebọn Livaị ndị ọrụn Osolobuẹ rọ; obodo Bẹt'lẹhẹm alị Juda k'ọ gha bịa — o te bi alị ebọn Juda.

Rutu 1:1

Ogẹn hụ ndị ọhan-eṅẹn wụlẹni ndị-nze gi rị a kị, o nwọn ogẹn ụnwụn gi rị alị Izrẹlụ. Ya kẹ okẹnnyẹ ohu, onyẹ obodo Bẹt'lẹhẹm alị Juda nọ kwashi alị Mụabụ d'e biri, ịya lẹ nwunyẹ ẹ lẹ ụmụ a ikẹnnyẹ ẹbụọ.

Rutu 4:11

Ebẹhụ kẹ ndị hụ ile rị ọgwa ọnụ-mgbọn obodo hụ lẹ ndị-chẹn nọ shịarị a, sị, “Ẹghẹẹ, ẹnyi wụ ọshẹri. Osolobuẹ ya mẹ okpohoni lala iwe i n'ọ rị kẹ Rechẹlụ lẹ Lia, hụn wẹ ẹbụọ gba mụ ikpụnọ Jekọpụ ile, alị Izrẹlụ ile. Mụba, mụtọ ụmụ imẹ obodo ẹnyi wụ Ẹfrata; ẹfan ị ya rịsọnmẹ imẹ alị ẹnyi wụ Bẹt'lẹhẹm;

Samuẹlụ Nke Ibuzọ 10:19

Kanị, ụnụ a jụtọgụọ nwan Chuku ụnụ hụn a zụọpụha ụnụ imẹ ọdakin lẹ nsọngbu. Ụnụ sị, ‘Mba, tumẹni ẹnyi eze!’ Nọdịsọnmẹ ni nwan ebọn-ebọn lẹ ikp'ụlọ-ikp'ụlọ.”

Samuẹlụ Nke Ibuzọ 17:12

Defidi wụ nwa onyẹ w'a kpọ Jese, onyẹ alị Ẹfratị, obodo Bẹt'lẹhẹm alị Juda. Ikẹnnyẹ ẹsatọ kẹ Jese mụ; ọ kaọlẹ ẹgẹdi ogẹn hụ Sọlụ gi rị a kị.

Samuẹlụ Nke Ibuzọ 17:18

We ọkpụkpụ mirin-ẹran irini ye onyẹ-ndu itu-agha wẹ. Lele kẹ umunẹ i nọ, y'a nahannị m wẹ ozi m'e gi marịn nị wẹ hụghọ mma.

Samuẹlụ Nke Ibuzọ 23:23

Chọpụha nị ebe ile ọ nọ a warị, ụnụ e kinhẹn d'a gwa m kẹ ihiẹn rịchanrịn. Ogẹn ahụn, mmẹ lẹ ụnụ a wịrị; ọ rịọlẹ ẹgbẹrẹ hụ a rị, m k'a chọ a nchọgbu imẹ igunrun ndị Juda ile, nwụndọn ẹ!”

Samuẹlụ Nke Ibuzọ 8:12

o sikọ d'e tumẹ ụfọdụ nị w'a kịn'a ndị-agha: ndị k'a kị madụ nnụ-uku lẹ ndị k'a kị madụ iri kwasị ọgụnnaị; o tumẹ ụfọdụ nị w'a rụnn'a ugbo, a ghọn'a ihiẹn-ugbo; ndị ọzọ jẹnkọ d'a wụrụ ndị a rụnn'a ihiẹn-agha lẹ ihiẹn ụgbọ-ẹshin;