Maịka 4:9 - Ika

⁹ K'ị rị e yini nwan, a kwan ụya? Eze i arịzịa? Onyẹ hụn a dụn ị ọdụn a nwụnhụngụọ ra, o gi a fụ ị ẹnịna, nọkẹ onyẹ imẹ rị e mẹ?

Maịka 4:9 ပူးပေါင်းရင်းမြစ်များ

Azaya 13:8

Okẹn egun k'e kwọndọn wẹ, ụfụ lẹ afụnfụn k'e kwọndọn wẹ; wẹ k'a marịrị nọkẹ okpoho imẹ rị e mẹ. Wẹ k'a rị e lee ibe wẹ egun-egun; ẹnya k'e turu wẹ.

Azaya 21:3

Ihiẹnni m hụn hụ a ta m ẹfọ, ọ tụrụ m kẹ ebe imẹ rị e mẹ okpoho; ihiẹn m nụ ọnụ Osolobuẹ rị a gụ m ndụn, ihiẹn ọ ghọsị m tụ m egun ọda-ọda.

Azaya 26:17

Kẹ okpoho imẹ rị e mẹ dọn a kwan, a fịkọ, makẹni ọ rị a tụrụ a, ẹrịra kẹ ẹnyi te nọ ebe ị rị, Osolobuẹ.

Jerimaya 22:23

Yụ hụn bi obi-eze ahụn ị kpọ Lẹbanọnụ, hụn ẹhụ rị e fu imẹ ụlọ osisi sida nọkẹ nnụnụ rị ẹkụ; i k'a sụn udẹn sụnjun ẹfọ mgbe ihiẹn lalanị e gi kunrun i; ụfụ a k'e kunrun i kẹ okpoho imẹ rị e mẹ!”

Jerimaya 30:10

“Odibo m wụ Jekọpụ, atụkwọlẹ egun; ẹghẹẹ, Izrẹlụ anịlẹ ndụn gụ ị. M jẹnkọ d'a gha alị hụ teni zụọpụha ụnụ; m jẹnkọ d'a zụọpụha ụmụ ị ẹka alị hụ gini wẹ. Ẹghẹẹ, Jekọpụ jẹnkọ d'e bi udọn lẹ ndọnkwa; onwọnzini onyẹ k'e rọn ẹ egun.

Jerimaya 4:21

Elee mgbe m'a hụnbehi ẹkwa-ahịma ndị-agha? Elee mgbe m'a nụbehi opi agha?

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 48:41

Ẹka ndị iṅẹnrẹn k'a dụ alị Kẹriọtụ rị Mụabụ; ebẹhụ zegbu enwẹn ẹ w'a gbaban k'a bandẹ ndị iṅẹnrẹn ẹka. Ogẹn hụ obi k'a nọ ndị-agha alị Mụabụ kẹ nke okpoho imẹ rị e mẹ.

Jerimaya 50:43

Eze Babilọnụ k'a nụ nị wẹ lala d'a maye ẹ, ndụn a gụ a. Uhue e huegbu ẹ lekẹ okpoho imẹ rị e mẹ.

Jerimaya 8:19

Lee ihiẹn ndị nke m rị a kwan ẹkwan imẹ alịnị ile: ‘Osolobuẹ arịzịdẹ nwan Zayọnụ ra? Osolobuẹ Eze Zayọnụ arịzị ebahụn?’ ” Osolobuẹ nkẹ sị, “Kị wẹ gini nwan ihiẹn ndịnị wẹ kpụ kpasu m iwe — ya lẹ mmọn alị ndị-ọzọ nwọnlẹni isi wẹ kpụsọnmẹ?”

Ẹkwan 4:20

Onyẹ hụn Osolobuẹ tumẹ — eze ẹnyi, hụn wụdẹ uzun ẹnyi e kun nọ dan ọnyan we — bụ ẹnyi te ro ni ẹnyi k'a nọ ẹka a, hụn isi imẹ alị ndị ọzọ!

Hosia 10:3

O biekọ, a kwanma wẹ, “Ẹnyi enwọnzi eze, makẹni ẹnyi ara gbaye Osolobuẹ! O te mẹdẹ nị ẹnyi e nwọnghọ eze, k'o k'e mẹdẹni ẹnyi?”

Hosia 13:13

Imẹ w'e gi mụdọnzi wẹ e bidọngụọ, Kanị nwa nwọnlẹni uche rọ, ogẹn ẹ ru, ọ ma bịa ọnụ ẹkpa-nwa ẹgwa, nị wẹ mụpụha a.

Hosia 3:4

Ẹrịra kẹ ndị Izrẹlụ k'a nọbie — eze arịkọ, onyẹ-ndu arịkọ; ịchụn-ẹjan arịkọ, ihiẹn wẹ e zumẹni mmọn arịkọ; ẹfọdụ wẹ gi jụ Osolobuẹ ihiẹn arịkọ, nwa-mmọn arịkọ.

Maịka 5:3

O jẹnkọ nwan d'a lagụ wẹ tọ d'e ru mgbe okpoho hụ imẹ rị e mẹ mụ, umunẹ ẹ họdụnị a lụaburu ndị Izrẹlụ.

Jọnụ 16:21

“Imẹ gha e mẹ okpoho, ọ tụrụ a atụrụ makẹni ọmụmụ e rugụọ a; kanị ọ mụgụ, ọ nyanhankọzị afụnfụn hụ makẹni ọ rị a ghọghọ n'ọ mụgụọ nwa.

Rẹvẹleshọnụ 12:2

Ọ rị imẹ; ọ hụ a kwan makẹ imẹ rị e mẹn'ẹ — imẹ ahụn hụ e mẹ e mẹshi ẹ ikẹn.