Maịka 4:5 - Ika

⁵ Ndị alị ọzọ ile nwọn ikẹn gi ẹfan mmọn wẹ e bi, ẹnyi nwẹn k'e gi ẹfan Osolobuẹ wụ Chuku ẹnyi bi jẹnrin ejẹn.

Maịka 4:5 ပူးပေါင်းရင်းမြစ်များ

Jẹnẹsisi 17:1

Ogẹn Ebram gi rị ahụa ohu arịa ọgụn-isẹn, Osolobuẹ nọzị we enwẹn ẹ ghọsị Ebram, sị a, “Mmẹ wụ Chuku Hụn nwọn ikẹn ile; bi kẹ m dọn chọ; emẹkwọlẹ ihiẹn wẹ e gi kọrịanị ị —

Ndị-nze Nke Ẹbụọ 17:29

Kanị, alị ichẹn-ichẹn imẹ wẹ a kpụrụnzịghọ mmọn wẹ imẹ obodo ndị wẹ bi, kọma wẹ ye ụlọ-mmọn ndị Sameria rụnyesọnmẹ ebe jẹn elu.

Ndị-nze Nke Ẹbụọ 17:34

Kẹ w'e mẹ alị wẹ ghasọnmẹ wẹhẹ wẹ kẹ wẹ mẹkọ d'e ru tannị. W'a ra fe Osolobuẹ mọbụ sọn uhi lẹ ọdịnalị lẹ iwu ndị hụ Osolobuẹ ye ụmụ Jekọpụ, onyẹ hụn ọ gụn Izrẹlụ, lẹ ihiẹn ndị ọ sị ụmụ Jekọpụ e mẹ.

Ẹbụ-ọma 20:6

A marịngụọ m nwan nị Osolobuẹ a zụọpụha onyẹ ọ họrị tumẹ azụọpụha; ọ gha elu-igwee ẹ rị nsọ a za a ghahanị nzụọpụha ẹka a e wẹhẹ.

Ẹbụ-ọma 48:14

Makẹni, Chukuni wụ Chuku ẹnyi jẹnrin ejẹn; ịya k'e duzikwọ ẹnyi jẹnrin ejẹn.

Ẹbụ-ọma 71:16

M k'a pụha d'e ku okẹn ihiẹn ndị Osolobuẹ wụ Chuku mẹ; m k'a nyanhannị wẹ nị y'a rịka mma, ịyụ sụọ.

Azaya 2:5

Izrẹlụ wụ ikpụlọ Jekọpụ, nị ẹnyi gi ni ukpẹ Osolobuẹ e bi.

Azaya 26:13

Euu Osolobuẹ wụ Chuku ẹnyi, ndị ọzọ a kịzịghọ ẹnyi, kanị ẹfan ịyụ sụọ kẹ ẹnyi e ye ọghọ.

Azaya 26:8

Ẹghẹẹ, Osolobuẹ, eṅẹn i kẹ ẹnyi marịn; ẹnyi rị e che i; ẹfan ị lẹ ọghọ ị kẹ ẹnyi chọkọ.

Jerimaya 32:40

M k'e tumẹ Iwu k'a tọ jẹnrin ejẹn ye ẹgbata mmẹ lẹ wẹ — emẹbehikọ m wẹ mma; m k'e mẹ wẹ tụ egun m, makẹ wẹ gha a gbakitọzị m azụụn.

Zẹkaraya 10:12

M k'e mẹ ndị nke m wụrụ ndị hụn Osolobuẹ wụ ikẹn wẹ, e gi wẹ ẹfan m e jẹn. Ya kẹ Osolobuẹ ku.

Ọrụn Ndị-ozi 14:16

Ogẹn mbụ, ọ nị alị ile rị ichẹn-ichẹn bi k'ọ sụọ wẹ.

Ditrọnọmi 27:10

Humẹni ni Osolobuẹ wụ Chuku ụnụ isi, ụnụ e mẹ ihiẹn ndị ọ sị ụnụ mẹ lẹ iwu ndị m rị e ye ụnụ tannị.”

Ndị Kolosị 2:6

Ebe o mẹ ni ụnụ a nabanhangụọ Jizọs Kraịstị nọkẹ Di-nwọnni ụnụ, e bi ni nwan kẹ ndị nke ẹ;

Ndị Kolosị 3:17

Ihiẹn ile ụnụ e mẹ, kẹ omumẹ kẹ oku-ọnụ, e gi ni ẹfan Di-nwọnni-ẹnyi wụ Jizọsị e mẹ ẹ, a gha ẹka a e ye Chuku Nẹdi ekele.

Joshụa 24:15

Kanị, omẹni ife Osolobuẹ a sụọnị ụnụ, hanrịn nị nwan tannị onyẹ ụnụ sikọ d'e fe: kẹ mmọn-lẹ-iyi ndị nẹdi ụnụ kanị fe nfetu Iyi Yufretisi kẹ ụnụ k'e fe ra mmọn-lẹ-iyi ndị Amọ hụn ụnụ bi alị wẹ. Kanị, nke mmẹ lẹ ezi-lẹ-ụlọ m, Osolobuẹ kẹ ẹnyi k'e fe.”