Maịka 4:4 - Ika

⁴ Onyẹ-onyẹ k'e gi udọn lẹ ndọnkwa biri iwe ẹ, nwọnrin vaịnị lẹ figi nke ẹ; onwọnni onyẹ k'e rọn wẹ egun. Osolobuẹ ihiẹn ile rị okpuru ẹ e kugụọ a!

Maịka 4:4 ပူးပေါင်းရင်းမြစ်များ

Ndị-nze Nke Ibuzọ 4:25

Ogẹn hụ ile Solomọnụ gi rị ndụn, ndị Juda lẹ Izrẹlụ, gha Danị d'e ru Biẹshẹba, bi udọn lẹ ndọnkwa — onyẹ-onyẹ bi ụlọ nke ẹ, nwọn alị vaịnị lẹ figi nke ẹ.

Ndị-nze Nke Ibuzọ 5:5

M chọ nwan nị m tụnnị Osolobuẹ wụ Chuku m Ụlọ-nsọ wẹ nọ a kpọku Ẹfan a nọkẹ kẹ Osolobuẹ dọn gwa nẹdi m wụ Defidi, ogẹn o gi sị, ‘Nwa ị hụn m jẹnkọ d'e buche ukpo i jẹnkọ d'a tụnnị m ụlọ w'a nọ a kpọku Ẹfan m.’

Jobu 11:19

I k'e dinẹ alị, onwọnni onyẹ k'e rọn i egun, ndị bu ọda k'a rị a rịọ ị ihiẹn.

Ẹbụ-ọma 72:3

Ugu alịnị, wẹ wẹhẹ aghamihun, elu òke ndị rịn'a, wẹ wẹhẹzi ihiẹn rị mma.

Itẹn 3:25

Atụlẹ egun nsọngbu idẹnmuzi mọbụ egun ntikpọ hụn e kunrun ndị e mẹ eje-ihiẹn.

Azaya 1:20

kanị ụnụ jụ, nupụ isi, ọpịa-agha jẹnkọ d'e bu ụnụ ri.” Osolobuẹ e gigụọ ọnụ a ku ẹ.

Azaya 17:2

Ịhịan arịkọzị obodo ndị rị imẹ Arụa; anụ sụọ k'a họdụ imẹ wẹ — anụ ndị ahụn k'e ri, makpuru, onwọnni onyẹ k'e rọn wẹ egun.

Azaya 22:25

Osolobuẹ ihiẹn ile rị okpuru ẹ sịzị, “O ru ogẹn hụ, mkpụkpọ hụ wẹ te dụye ọhụnma-ọhụnma jẹnkọ d'e hueri; wẹ k'e bepụ a, ọ dan, ihiẹn ile wẹ kọnye elu ẹ a danpụ. Osolobuẹ e kugụọ a.”

Azaya 26:16

Osolobuẹ, wẹ buruhẹ i kẹ wẹ rị imẹ nsọngbu — nsọngbu hụn i gi rị a dọ wẹ ẹka-ntịn, wẹ hụ e ku ẹkẹrẹ-ẹkẹrẹ, e mẹ ekpere.

Azaya 32:17

Ezi-omumẹ sikọ d'e wẹhẹ udọn lẹ obi-erumalị; ezi-omumẹ k'e wẹhẹ ẹhụ-ufu lẹ igi Osolobuẹ dọn ẹnya jẹnrin ejẹn.

Azaya 36:16

Egọnkwọlẹ ni Hezikaya ntịn. Eze Asiria sị: ‘Kweyeni ni m, ụnụ a pụha d'e we enwẹn ụnụ che okpuru m; ogẹn ahụn, onyẹ ọwụlẹ imẹ ụnụ a hụn ụzọ biri iwe ẹ — e ri mkpụrụ-osisi vaịnị lẹ figi ọ kụn, a ra mirin ọmị a —

Azaya 40:5

ọghọ Osolobuẹ a pụha ifọn, ịhịan ile a hụn a! Osolobuẹ e giọlẹ ọnụ a ku ẹ!”

Azaya 54:14

I k'e gi ezi-omumẹ turu: Onwọnni onyẹ k'a kịgbun'i, onwọnni ihiẹn i k'a tụ egun ẹ. Ihiẹn k'a tụ ị okẹn egun anọkunmẹkọ ị kaka; ọ nọkunmẹkọ ị.

Azaya 58:14

Ogẹn ahụn kẹ ịghọghọ Osolobuẹ e gi ru i ẹka, e mẹ m i wụrụ onyẹ w'a gbaye ụzọ ile imẹ alịnị, mẹ i ri ukuu nẹdi ụnụ wụ Jekọpụ. Osolobuẹ e gigụọ ọnụ a ku ẹ!

Jerimaya 23:4

M k'e ye wẹ ndị-ndu k'e lepụ wẹ ẹnya, a tụbehi wẹ egun, mabehi piripiri. Onwọnni hụn k'e huni imẹ wẹ. Mmẹ wụ Osolobuẹ ku ẹ.”

Jerimaya 30:10

“Odibo m wụ Jekọpụ, atụkwọlẹ egun; ẹghẹẹ, Izrẹlụ anịlẹ ndụn gụ ị. M jẹnkọ d'a gha alị hụ teni zụọpụha ụnụ; m jẹnkọ d'a zụọpụha ụmụ ị ẹka alị hụ gini wẹ. Ẹghẹẹ, Jekọpụ jẹnkọ d'e bi udọn lẹ ndọnkwa; onwọnzini onyẹ k'e rọn ẹ egun.

Izikẹlụ 34:25

“ ‘M k'e kwe wẹ nkwa hụn m k'e gi mẹ n'ọ rịnị wẹ mma; m k'a chụpụ eje-anụ alị wẹ, nkewụnị wẹ k'a sadẹ ẹka biri imẹ atụ, sazị ẹka ranhịn imẹ ẹgboko — ihiẹn emẹkọ wẹ.

Izikẹlụ 34:28

Alị ndị ọzọ egbukọzị wẹ a kwarị, eje-anụ egburikọzị wẹ. Wẹ k'e biri udọn-lẹ-ndọnkwa, onwọnni onyẹ k'e rọn wẹ egun.

Izikẹlụ 38:11

Ị k'a sị, “M sikọ d'a maye alị Izrẹlụ: ụmụ-alị mgbọn rịlẹni jun ẹ; wẹ nọdịhụ nke wẹ, e bi udọn-lẹ-ndọnkwa; atụnhunmẹni wẹ wẹ mgbọn, ọnụ-mgbọn w'a kpọkin arịa.

Izikẹlụ 39:26

Ogẹn hụ, wẹ hụn nị wẹ bizi udọn-lẹ-ndọnkwa imẹ alị wẹ, ifẹnrẹn enwẹn wẹ e mẹgbu wẹ hụn wẹ gi la m tọ bu ẹnya che ogbe.

Lẹvitikọsụ 26:6

“M k'e ye ụnụ udọn imẹ alị hụ: ọnụ k'e dinẹ udọn lẹ ndọnkwa onwọnni onyẹ k'e rọn ụnụ egun; m k'e wepụchanrịn eje-anụ rị alị hụ; agha erukọ alị ụnụ.

Maịka 5:3

O jẹnkọ nwan d'a lagụ wẹ tọ d'e ru mgbe okpoho hụ imẹ rị e mẹ mụ, umunẹ ẹ họdụnị a lụaburu ndị Izrẹlụ.

Zẹfanaya 3:13

Ndị Izrẹlụ k'a họdụnị emẹkọ eje-ihiẹn; atụkọ wẹ ntụ; anụkọ wẹ ihiẹn wụlẹni ezioku ọnụ wẹ. Wẹ rigụ, e dinẹ wẹ kẹ atụnrụn ẹhụ fu; onwọnni onyẹ k'e rọn wẹ egun.”

Zẹkaraya 3:10

O ru ogẹn ahụn, onyẹ-onyẹ imẹ ụnụ k'e nwọnrin alị vaịnị lẹ figi, a kpọdẹ ibe ẹ d'e du ẹ ri, ra.’ Ya kẹ Osolobuẹ ihiẹn ile rị okpuru ẹ ku.”