Maịka 4:3 - Ika

³ Osolobuẹ k'a rị a hannị alị lẹ alị eṅẹn, e dọnzidẹni okẹn alị ndị tegbu enwẹn wẹ oku. Alụbehi wẹ agha: gi ọpịa agha mẹmẹrin ọpịa ọka, gi obo wẹ mẹmẹrin ọpịa ẹkụ. Alị ebukọzịnị ibe ẹ ọpịa-agha, amụkọzi wẹ agha!

Maịka 4:3 ပူးပေါင်းရင်းမြစ်များ

Ẹbụ-ọma 46:10

Ọ sị, “Kụsị nị! Gi n'ẹ dọn nị mmẹ wụ Chuku! Alị ile sikọ d'a gbaye m; Elu-ụwa ile k'a gbaye m!”

Ẹbụ-ọma 46:9

Ọ mẹ wẹ a lụbehi agha imẹ ụwa ile; ọ kpagisọnmẹ ụta, e gungwọnpụ obo, a dụn akpaịn ọkụn.

Ẹbụ-ọma 72:3

Ugu alịnị, wẹ wẹhẹ aghamihun, elu òke ndị rịn'a, wẹ wẹhẹzi ihiẹn rị mma.

Ẹbụ-ọma 72:7

Ezi-omumẹ ya ghachanrịn ihun ogẹn nke ẹ; ihiẹn ya rị mma ọhụnma-ọhụnma, d'e ru mgbe ifọn tibehi.

Ẹbụ-ọma 82:8

Chuku dodo, d'a kịma ụwa, makẹni alị ile wụ nke i.

Ẹbụ-ọma 96:13

wẹ ghọghọma ihun Osolobuẹ, makẹni ọ lala d'e kin ụwa ikpe. O k'e kin ụwa ikpe furuni; o k'a hannị ndị alị ile ezigbo eṅẹn.

Ẹbụ-ọma 98:9

wẹ yimẹni Osolobuẹ oro ịghọghọ n'ọ lala d'e kin ụwa ikpe. O k'e kin ụwa ikpe ọhụnma, o k'a hannị alị ile ezigbo eṅẹn.

Azaya 2:4

O k'a hannị alị lẹ alị eṅẹn, e dọnzini ndị alị bu ọda oku. Wẹ k'e gi ọpịa-agha wẹ mẹmẹrin omumọ wẹ gi a dụkpọ alị, gi obo wẹ mẹmẹrin ọpịa wẹ gi e befọn osisi. Alị alụsọnkọzị ibe ẹ agha, ọzụnzụn ndị-agha arịkọzị.

Azaya 25:3

Alị ichẹn-ichẹn zeni jẹnkọ nwan d'e ye i ọghọ; obodo ndị alị ichẹn-ichẹn w'a tụdẹ egun wẹ k'a tụ egun i.

Azaya 51:5

M lala d'e mẹni ụnụ ihiẹn furuni, nzụọpụha m lala alala, ẹka m k'a kị alị ile. Alị ndị teni rị ohimin k'a rịzịdẹ e lee ẹnya m; wẹ k'a rị e che m nị m d'a tụnị wẹ ụya.

Azaya 60:12

Ẹghẹẹ, alị mọbụ alị-eze ọwụlẹ hụn jụ n'o fekọ ụnụ k'a la iwi — wẹ k'e gbuchanrịn ndị rịn'a.

Azaya 65:25

Eje-anụ wụ wofu lẹ atụnrụn k'a kpagbama nni; ẹwọrọ k'a gha e ri ẹfịfịa nọkẹ efin; agwọ nkẹ k'a gha e ri ẹjan; arụkọ wẹ onyẹ ọwụlẹ ẹhụ mọbụ wiwi ihiẹn ebe ọwụlẹ elu Ugu nsọ m.” Ya kẹ Osolobuẹ ku.

Azaya 9:7

Ọkịkị a lẹ Ọrịrịmma o k'e wẹhẹ agụkọ. O k'a nọ ukpo-eze Defidi kị alị-eze Defidi, e gi ezigbo-eṅẹn lẹ ezi-omumẹ a kwadọn ẹ, e kwọndọn ẹ — gha ogẹn ahụn jẹnmẹ, jẹnrin ejẹn. Adụdụ Osolobuẹ Onyẹ nwọn ikẹn ile k'a han ihiẹnni mẹ.

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Hosia 2:18

“M k'e tini anụ-ọfịa lẹ nnụnụ iwu tini ihiẹn ndị a rịnị iwu, makẹ wẹ gha a rụ wẹ ẹhụ. M k'e wepụ ụta lẹ ọpịa-agha alịnị ịhịan ile e biri udọn-lẹ-ndọnkwa.

Hosia 2:20

M k'e mẹ i wụrụ nwunyẹ m, gi mẹzu nkwa m; yụ nwẹn k'e kweyeni Osolobuẹ.

Juwẹlụ 3:2

m k'e wegbama alị ile, e wẹhẹ m wẹ Ọdanmgbugbu Jehoshẹfatị, nọ ebahụn hangbu wẹ eṅẹn yeni ihiẹn ile wẹ mẹ ndị nke m, hụn wụ ukuu m: e kpọnyịyagụọ wẹ Izrẹlụ ye alị ndị-ọzọ, keri alị m;

Maịka 5:15

M k'e gi iwe lẹ olulu mẹgwarị alị ndị ahụn humẹlẹnini m isi.”

Zẹkaraya 14:3

Ogẹn ahụn kẹ Osolobuẹ k'e gi lihi d'a lụsọn alị ndị hụ agha k'o dọn e mẹ ụhụọhịn agha.

Zẹkaraya 8:20

Osolobuẹ ihiẹn ile rị okpuru ẹ, sị: “Ịhịan lala! Ndị bidẹ obodo ndị ọzọ rị ichẹn-ichẹn lala!

Zẹkaraya 9:10

M k'a zapụchanrịn ụgbọ-anyịnyan ile rị alị Ifrem: zapụchanrịn ẹshin-agha rị Jerusalẹm; ụta-agha arịkọzị. Eze ụnụ ahụn k'e wẹhẹni alị ichẹn-ichẹn udọn; o k'a kị ụwa ile — gha ohimin d'e ru ohimin, gha Iyi Yufretisi d'e ru njẹndemẹ ụwa!

Ọrụn Ndị-ozi 17:31

Makẹni, ọ kayegụọ ụhụọhịn o gi kin ụwa ikpe zinrinni ghahanị okẹnnyẹ ohu o tumẹ. Ọ ghọsịgụọ onyẹ okẹnnyẹ hụ wụ ghahanị iweli ẹ ogẹn o gi nwụnhụngụ.”

Rẹvẹleshọnụ 19:11

Ya m nọ hụn kẹ elu-igwee kpupụ, a hụn m ẹshin ọchan ebẹhụ; ẹfan onyẹ rị e nyinn'ẹ wụ “Onyẹ-wẹ-gi-dọn-ẹnya lẹ Ezioku.” Ọ han ezigbo eṅẹn, a lụ agha furuni.

Samuẹlụ Nke Ibuzọ 2:10

ndị a nụsọn Osolobuẹ ọgụn k'a la ntikpọ. Ọ k'a gha elu-igwee gan wẹ rịkẹ akpara. Osolobuẹ k'e kin ụwa ile ikpe. “O ye eze o tumẹ ikẹn — ẹghẹẹ, o ye onyẹ o te udẹn-ntumẹ ẹ mmẹri!”