Maịka 4:2 - Ika

² Alị bu ọda k'a rị a sị ibe wẹ, “Bịa nị, nị ẹnyi jẹn Ugu Osolobuẹ; nị ẹnyi jẹn ni ụlọ Chuku Jekọpụ, n'ọ kuzi ẹnyi uche ẹ, nị ẹnyi hụn ụzọ bimẹ k'ọ chọ.” Ẹghẹẹ, makẹni nkuzi k'a gha Zayọnụ a pụha, oku Osolobuẹ k'a gha Jerusalẹm a pụha.

Maịka 4:2 ပူးပေါင်းရင်းမြစ်များ

Ẹbụ-ọma 110:2

Osolobuẹ k'e mẹ i gha obodo Zayọnụ kịgbarị: kịma nwan ndị-iṅẹnrẹn i.

Ẹbụ-ọma 119:1

Ngọzi wụ nke ndị e bi obibi nwọnlẹni nkọrịanị, ndị gi iwu Osolobuẹ e bi.

Ẹbụ-ọma 119:171

Ẹbụ k'e jun m ọnụ, makẹni ị hụ a kuzi m iwu i.

Ẹbụ-ọma 122:1

Ẹfọ sụọ m ụsụọ kẹ wẹ sị m, “Nị ẹnyi jẹn Ụlọ Osolobuẹ!”

Ẹbụ-ọma 25:12

Onyẹ wụ nwan onyẹ ahụn a tụ egun Osolobuẹ? Osolobuẹ k'e zin ẹ k'o dọn gha ụzọ ọ họtọn'a.

Azaya 2:3

Alị bu ọda jẹnkọ d'a rị a sị, “Bịa nị, nị ẹnyi shi ni Ugu Osolobuẹ, nị ẹnyi jẹn ni Ụlọ-nsọ Chuku Jekọpụ. O k'a kuzi ẹnyi ụzọ a, nị ẹnyi hụn ụzọ e sọn ụzọ a.” Iwu Osolobuẹ k'a gha Zayọnụ a pụha; oku Osolobuẹ k'a gha Jerusalẹm a pụha.

Azaya 54:13

Osolobuẹ kẹ ụmụ ị jẹnkọ d'a mụnarịn, ihiẹn jẹnkọ d'a rịnị mmụ ị mma ọda-ọda.

Azaya 56:7

m k'e wẹhẹ wẹ Ugu nsọ m, ye wẹ ịghọghọ imẹ Ụlọ m wẹ nọ e mẹ ekpere. M k'a narịn kẹ oyiye wẹ kpọ ọkụn kẹ ẹjan ndị ọzọ ile hụn wẹ k'e wẹhẹ elu ukpo nchụn-ẹjan m; makẹni wẹ k'a kpọ Ụlọ m Ụlọ alị ile a nọ e mẹ ekpere.’ ”

Jerimaya 31:6

Ogẹn lala hụn ndị a kpọ ọgwa k'e gi gha òke rịsọnmẹ ẹgbẹrẹ Ifrem a hị, ‘Pụha nị, nị ẹnyi jẹn Zayọnụ d'e fe Osolobuẹ wụ Chuku ẹnyi.’ ”

Jerimaya 42:3

Rịọ Osolobuẹ wụ Chuku i n'ọ gwa ẹnyi ebe ẹnyi jẹnkọ d'e jẹn lẹ ihiẹn ẹnyi jẹnkọ d'e mẹ.”

Hosia 6:3

Nị ẹnyi marịn nị Osolobuẹ; nị ẹnyi lịlịma nị d'a marịn a! O k'a zarịrị ẹnyi k'o dọn mẹni eki k'e fọnrịrị; k'o dọn mẹni mirin k'e zuerịrị; k'o dọn mẹni udu-mirin k'a bịarịrị.”

Zẹkaraya 14:16

Omẹgụ, ndị wẹ gbuhọdụ imẹ alị ile lụsọn Jerusalẹm agha e jẹnmẹ Jerusalẹm ahụa-ahụa d'e fe Eze, Osolobuẹ ihiẹn ile rị okpuru ẹ, lẹni wẹ d'e mẹ mmẹmmẹ Ibi-imẹ-ọdụ.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Zẹkaraya 9:10

M k'a zapụchanrịn ụgbọ-anyịnyan ile rị alị Ifrem: zapụchanrịn ẹshin-agha rị Jerusalẹm; ụta-agha arịkọzị. Eze ụnụ ahụn k'e wẹhẹni alị ichẹn-ichẹn udọn; o k'a kị ụwa ile — gha ohimin d'e ru ohimin, gha Iyi Yufretisi d'e ru njẹndemẹ ụwa!

Makị 16:20

Ya ndị nsọnmazụụn a nọ jẹnmẹ d'e kumẹ oku-Chuku ebe ile, Di-nwọnni-ẹnyi hụ e sọn wẹ a rụn, e gi ọrụn-atụmẹnya o gi rị e sọn wẹ a ghọsị nị oku wẹ wụ ezioku.]

Luku 24:47

nị wẹ jẹnkọ d'e gi ẹfan a zi ndị alị ile ozi w'e gi rogharị kẹni Osolobuẹ gbagharị wẹ njọ; nị Jerusalẹm kẹ wẹ jẹnkọ d'a gha bidọn.

Jọnụ 6:45

Wẹ de ẹ imẹ Ẹkụkwọ ndị-amụma nị, ‘Osolobuẹ sikọ d'a kuzi wẹ ile.’ Onyẹ hụn e gọn Chuku-Nẹdi ntịn, a mụnarịn a, jẹnkọ d'a bịa d'e kunrun m.

Jọnụ 7:17

Onyẹ kwademẹ obi ẹ n'o k'e mẹ uche Osolobuẹ ọ marịn kẹ nkuzi m gha ẹka Osolobuẹ bịa ra uche m kẹ m rị e ku.

Ọrụn Ndị-ozi 1:8

Kama, ụnụ jẹnkọ d'e nwọnhẹn ikẹn ogẹn Mmọn-nsọ e gi hidankwasịgụ ụnụ, ụnụ a wụrụ ndị ọshẹri m imẹ Jerusalẹm lẹ imẹ Judia ile lẹ imẹ Sameria d'e ru ebe ụwa ru.”

Ọrụn Ndị-ozi 13:42

Ogẹn Pọlụ lẹ Banabasị gi pụkọ, wẹ nọ rịọ wẹ nị wẹ gwazị wẹ ihiẹn ndịnị Ụhụọhịn Ezumikẹn lalanị.

Ndị Rom 15:19

lẹ ihiẹn ile o gi ihiẹn-nghọsị lẹ ọrụn-atụmẹnya lẹ ikẹn Mmọn Osolobuẹ rụn; nke wụ nị e zigbarịgụọ m oziọma Kraịstị ghakwọrị Jerusalẹm d'e ru Ilaịrịkọm.

Ditrọnọmi 6:1

Ihiẹn ndịnị kẹ Osolobuẹ wụ Chuku ụnụ sị ụnụ mẹ lẹ uhi ẹ lẹ iwu ẹ: ịya k'ọ sị m kuzi ụnụ nị ụnụ gi bi imẹ alị ahụn ụnụ fetukọ Iyi Jọdanị d'e weri,