Maịka 4:13 - Ika

¹³ Osolobuẹ sị, “Lihi nwan Zayọnụ, n'ị kụkpọma wẹ kẹ ọka: m k'e ye i mpịn igwe, ye i akpụkụ igwe-bronzu. Ị k'a kụkpọchanrịn alị ichẹn-ichẹn; we eje akụ-lẹ-ụba wẹ kwanị Osolobuẹ, we ihiẹn ile wẹ nwọn kwanị Onyẹ hụ nwọn ụwa ile.”

Maịka 4:13 ပူးပေါင်းရင်းမြစ်များ

Ẹbụ-ọma 24:1

Elu ụwa wụ nke Osolobuẹ, ịya lẹ ihiẹn ile rịn'a; elu-ụwa lẹ ndị ile bin'ẹ;

Ẹbụ-ọma 68:29

Ndị-nze k'e buhẹn'i oyiye wẹ gi a gbaye i imẹ Ụnọ-NSỌ ị rị Jerusalẹm,

Ẹbụ-ọma 72:10

Ndị-nze alị Tashishi lẹ alị ndị rị mkpẹnrẹn ohimin wẹ tụhan'a ụtụ; ndị-nze alị Shẹba lẹ Sẹba wẹ wẹhẹzikwọn'a oyiye.

Azaya 18:7

O ru ogẹn ahụn, ndị ahụn e wẹhẹmẹni Osolobuẹ ihiẹn ile rị okpuru ẹ ihiẹn, ndị hụ sue usue, nwọnkẹlẹni ẹṅẹnrẹn ẹhụ; ndị ahụn w'a tụ egun wẹ — kẹ ẹhụ-nsue kẹ ebe teni; ndị zegbu enwẹn wẹ hụn a zọgbusọnmẹ ndị ọzọ; ndị hụn iyi kebesọnmẹ alị wẹ. Ugu Zayọnụ, ebẹhụ ẹfan Osolobuẹ ihiẹn ile rị okpuru ẹ rị kẹ wẹ k'e wẹhẹ oyiye ndị hụ.

Azaya 21:10

Euu, ọka m wẹ kụkpụkpọ, ndị nke m hụnjungụ ẹnya ebe wẹ nọ kụkpọ wẹ! Ihiẹn m rị a gwa ụnụ wụ ihiẹn m nụ ọnụ Osolobuẹ ihiẹn ile rị okpuru ẹ, ọnụ Chuku Izrẹlụ.

Azaya 23:18

Kanị, erere-afịa a lẹ ụgwọ-ọrụn a ile k'a wụrụ ihiẹn wẹ gi kwachanrịnnị Osolobuẹ; edọnmẹkọ w'a — kama o k'a wụrụ nke ndị e bi ihun Osolobuẹ, e gi wẹ ẹ e rijun ẹfọ, e yi ẹkwa rị mma.

Azaya 5:28

Ọbara-ụta wẹ tụ nkọ, e kwọnchanrịngụọ wẹ ụta wẹ ile; akpụkụ ẹshin-agha wẹ ze kẹ ọmụma, ụkụ ụgbọ-ẹshin agha wẹ a gba fịafịafịa nọkẹ ufere.

Jerimaya 51:20

Ịyụ wụ ẹgbe m gi a lụ agha lẹ ihiẹn-ọgụn m: Ịyụ kẹ m gi a kụkpọ alị ichẹn-ichẹn; ịyụ kẹ m gi e tikpọ alị-eze ichẹn-ichẹn;

Jerimaya 51:33

“Makẹni Osolobuẹ ihiẹn ile rị okpuru ẹ, hụn wụ Chuku Izrẹlụ, sị, ‘Nwagbọọ wụ Babilọnụ jẹnkọ d'a nọ kẹ alị wẹ nọ a kụkpọ ọka, hụn wẹ rị a kwademẹ; ọ họdụ ẹkẹrẹ, e betu wẹ ọka kụkpọ.’

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Hosia 10:11

Ifrem wụ Izrẹlụ wụ okẹn-efin w'e yejun ẹfọ, ọka sụọ k'ọ zọ, ọ hụ a sụọ a; mmẹ nwẹn e yezighọ a efe. Kanị, m jẹnkọ nwan d'e yimẹ Ifrem agbụn-ọrụn olu, Juda k'a rụnrịrị ugbo. Ụmụ Jekọpụ k'e girịrị ẹka wẹ dụkpọ alị ugbo.

Maịka 5:7

Ogẹn hụ, ndị ebọn Jekọpụ k'a họdụnị k'a rị imẹ igunrun alị ndị ọzọ nọkẹ igirigi Osolobuẹ zihẹ; wẹ k'a nọ kẹ mirin zueye irurue hụn ghalẹni e cheri ịhịan, hụn ghalẹni e che ịhịan-mmaka.

Habakọkụ 3:12

Ị nọ gi iwe zọ ụwa ụkụ, gi olulu zọkpụkpọ alị ichẹn-ichẹn.

Zẹkaraya 12:3

O ru ogẹn hụ, m k'e mẹ Jerusalẹm wụrụnị alị ndị ọzọ ile ọmụma nyịngbu enwẹn ẹ: ndị ile k'a chọ nị wẹ bu ẹ k'a rụ enwẹn wẹ ẹhụ. Alị ile rị elu-ụwa k'e zugbama d'a lụsọn ẹ.

Zẹkaraya 12:6

“O ru ogẹn hụ, m k'e mẹ ebọn Juda ile wụrụ ọkụn rị imẹ ikpọn-nkụn, ẹka-nkụn rị ikpọn ọka ọkpọ-nkụn; wẹ k'e bu alị ile rị wẹ ẹka-nni ripụ, bu ndị rị ẹka-ekpẹn ripụ; kanị, Jerusalẹm nkẹ k'a rịzị ọnọdị a.

Zẹkaraya 4:14

Ya ọ nọ sị m, “Ndịnị wụ madụ ẹbụọ ahụn Osolobuẹ gi udẹn ẹ tumẹ, madụ ẹbụọ wẹ lẹ Onyẹ ahụn nwọn ụwa ile gba a rụn ọrụn.”

Zẹkaraya 6:5

Mmọn-ozi hụ nọ sị m, “Ndịnị wụ mmọn ẹnọ rị elu-igwee hụn gha ihun Osolobuẹ nwọn ụwa ile pụla kẹ wẹ jẹngụ n'ọ hụn wẹ!

Ndị Kọrẹntị Ibuzọ 16:2

ụhụọhịn ibuzọ imẹ izuka, onyẹ-onyẹ imẹ ụnụ y'a gha ihiẹn Osolobuẹ ye ẹ e wepụha, e dọnmẹ — amamgbe m'a bịa ụnụ a tụma ihiẹn.

Ditrọnọmi 33:25

Igwe-igwe kẹ w'e gi fidọn ọnụ-mgbọn i, kẹ igwe mmaka kẹ igwe-bronzu; ndụn k'a rịferi i y'e we nwụn.

Joshụa 6:19

Kẹ siliva lẹ goru ile kẹ ihiẹn igwe-bronzu lẹ igwe-mmaka ile k'a wụchanrịn ihiẹn rị nsọ wẹ sikọ d'a latọnị Osolobuẹ, wẹ k'e burịrị wẹ che ebe w'e dọnmẹ ihiẹn Osolobuẹ.”