Maịka 4:10 - Ika

¹⁰ A fịkọkwọ nwan, obodo Zayọnụ; nọkẹ onyẹ imẹ rị e mẹ, makẹni ụnụ k'a pụgụ nwan obodoni, ranhịngụ ogbe, gha ebẹhụ shi alị Babilọnụ. Ebẹhụ kẹ w'a nọ gbapụha ụnụ; ebẹhụ kẹ Osolobuẹ k'a nọ gbapụha ụnụ ẹka ndị-iṅẹnrẹn ụnụ.

Maịka 4:10 ပူးပေါင်းရင်းမြစ်များ

Ndị-nze Nke Ẹbụọ 20:18

Wẹ k'a ghadẹ ẹbozo i, ụmụ ẹfọ ị, ẹdeke i, weri ịhịan, wara wẹ, a rụnmanị wẹ wẹ ọrụn imẹ obi-eze Babilọnụ.”

Ndị-nze Nke Ẹbụọ 25:4

Ya wẹ nọ tipu mgbọn obodo ahụn, ndị agha Izrẹlụ ile nọ gi imẹ abalị gha ọnụ-mgbọn rị ẹgbata mgbọn ẹbụọ wẹ gi gbehunmẹ obodo hụ gbapụ. Ọnụ-mgbọnni nọkunmẹ ụgba-obobo eze a nọdị e zu ikẹn. Etuni wẹ ndị-agha Kal'di Babilọnụ kehunmẹchanrịn obodo ahụn. Wẹ nọ dọn ihun ibẹka Araba, Ọdanmgbugbu Iyi-Jọdanị.

Ihiẹn Mẹni Nke Ẹbụọ 33:11

Ya Osolobuẹ nọ wẹhẹni wẹ ndị-isi agha eze Asiria lẹ ndị-agha wẹ d'e mẹ wẹ ihiẹn; wẹ nọ nwụnrụn Manasẹ, bu ukpo che ẹ imi, gi aba igwe-bronzu kpọdọn ẹ, we ẹ shi Babilọnụ.

Ihiẹn Mẹni Nke Ẹbụọ 36:20

Ọ nọ kpọnrin ndị ile họdụ imẹ Jerusalẹm, ndị hụn wanahịn ọpịa-agha, kpụn wẹ shi Babilọnụ, wẹ nọ femẹ ya lẹ ụmụ a d'e ru mgbe alị-eze Pẹshịa gi kịma.

Ihiẹn Mẹni Nke Ẹbụọ 36:23

“Ọnwan wụ ihiẹn Saịrọsị eze Pẹshịa ku: Ọ sị, ‘Osolobuẹ, Chuku rị elu-igwee, e yegụọ m alị-eze ile rị ụwa. O tumẹgụọ m nị m tụnn'a Ụlọ-nsọ imẹ Jerusalẹm hụn rị Juda. Onyẹ nke ẹ ọwụlẹ hụn rị imẹ ụnụ, Osolobuẹ wụ Chuku ẹ ya nọyen'ẹ; ya lashi nwan ebẹhụ.’ ”

Ẹbụ-ọma 106:10

Ọ zụọpụha wẹ ẹka ndị rị e we iwe wẹ; ọ gbapụha wẹ ẹka eṅẹnrẹn.

Azaya 43:14

Lee ihiẹn Osolobuẹ ku — Osolobuẹ Onyẹ-mgbapụha ụnụ, Onyẹ-nsọ Izrẹlụ: “M k'e gi ufiri ụnụ zi ndị-agha jẹn Babilọnụ, mẹ ndị Babilọnụ gi ụgbọ-mirin ndị ahụn wẹ gi a nyan isi gbapụ.

Azaya 45:13

Mmẹ kpọli Saịrọsị — makẹni m'e mẹ ihiẹn furuni; m k'e mẹ ihiẹn ile o buche ẹka ghan'a. O k'a tụndọnzi obodo m wụ Jerusalẹm, mẹ wẹ hatu ndị nke m wẹ nwụnshi alị ndị ọzọ. Ẹlẹ nị wẹ kụ a ụgwọ mọbụ ye ẹ ihiẹn. Ya kẹ Osolobuẹ ku.’ ”

Azaya 48:20

Gha nị Babilọnụ pụ, gbapụnị nị ndị Babilọnụ gini ụnụ! Gi oro ịghọghọ hị ọnwan — ku ẹ nị ịhịan ile nụ; ku ẹ n'ọ ghagbarị ụwa ile; sị, ‘Osolobuẹ a gbapụhagụọ odibo ẹ wụ Jekọpụ!’

Jerimaya 13:4

“Weri nwan nwa-mpe hụ i ṅọn hụn i je ukun jẹn Peratị, Iyi Yufretisi, d'e bu ẹ zuemẹ oghe rị ọmụma.”

Jerimaya 15:21

M k'a zụọpụha ị ẹka ndị-ejẹ; m k'a gbapụha ị ẹka ndị ẹfọ-njọ.’ ”

Jerimaya 29:20

“ ‘Ụnụ ile m gha Jerusalẹm kpụnshi alị Babilọnụ, lee ni nwan ihiẹn Osolobuẹ rị a gwa ụnụ.’

Jerimaya 4:31

M rị a nụ olu rị a kwan lekẹ okpoho imẹ rị e mẹ, lekẹ okpoho rị a mụ nwa ibuzọ! M rị a nụ kẹ Nwagbọọ wụ Zayọnụ rị e kwọn elu-elu, a tịnpụ ẹka, e yi, “Heuu, m'e d'a nwụnhụn; e we wẹ ndụn m ye ndị-izighẹ!”

Jerimaya 48:41

Ẹka ndị iṅẹnrẹn k'a dụ alị Kẹriọtụ rị Mụabụ; ebẹhụ zegbu enwẹn ẹ w'a gbaban k'a bandẹ ndị iṅẹnrẹn ẹka. Ogẹn hụ obi k'a nọ ndị-agha alị Mụabụ kẹ nke okpoho imẹ rị e mẹ.

Jerimaya 52:27

Eze Babilọnụ nọ gbu wẹ ebẹhụ, imẹ Ribla rị alị Hamatị. Ẹrịra kẹ wẹ dọn wepụ ndị azụụn Juda alị wẹ, kpụn wẹ shi alị ọzọ.

Hosia 1:10

“K'osilẹrị, o ru ihun, ndị Izrẹlụ k'a barahị kẹ ẹjan rị ohimin, hụn wẹ ghalẹni a s'ẹka a gụnmarịn mọbụ a ma. Ezioku-ezioku, uwẹ kẹ Osolobuẹ rị nwan a sị, ‘ụnụ ẹlẹ ndị nke m.’ Kanị o ru ogẹn ahụn, uwẹ k'o k'a sịzị, ‘Ụmụ Osolobuẹ, Chuku hụn rị ndụn, kẹ ụnụ wụ!’

Hosia 13:13

Imẹ w'e gi mụdọnzi wẹ e bidọngụọ, Kanị nwa nwọnlẹni uche rọ, ogẹn ẹ ru, ọ ma bịa ọnụ ẹkpa-nwa ẹgwa, nị wẹ mụpụha a.

Hosia 2:14

“M k'a rẹrẹrị a, we ẹ shi imẹ atụ ịhịan rịlẹni, gi ọnụ-ọma gwa a oku.

Maịka 5:2

Kanị, ịyụ, Bẹt'lẹhẹm Ẹfrata, hụn nwọnlẹni ihiẹn ọ wụ imẹ ebọn ndị rị Juda, imẹ i kẹ onyẹ-ọkịkị a gha pụhanị m, d'a kị ndị Izrẹlụ, Onyẹ hụn rị ẹdẹi, rị kete-kete.

Maịka 5:3

O jẹnkọ nwan d'a lagụ wẹ tọ d'e ru mgbe okpoho hụ imẹ rị e mẹ mụ, umunẹ ẹ họdụnị a lụaburu ndị Izrẹlụ.

Rẹvẹleshọnụ 12:14

Kanị, e ye wẹ okpoho hụ nku ẹbụọ, nku ugọn uku, kẹni ọ gha ebe agwọ hụ rị fepụ, shi imẹ atụ, ebe wẹ jẹnkọ d'a nọ e ye ẹ ihiẹn-oriri ahụa ẹtọ lẹ ifọn isin.