Maịka 4:1 - Ika

¹ Kanị o ru ogẹn ikpanzụụn, ugu ụlọ-nsọ Osolobuẹ sikọ d'e weri ọnọdị, nwọnnahịn ugu lẹ òke ile ọghọ; ndị alị ichẹn-ichẹn jẹnkọ d'a rị e rujẹn ẹ.

Maịka 4:1 ပူးပေါင်းရင်းမြစ်များ

Jẹnẹsisi 49:1

Omẹgụ, Jekọpụ nọ kpọkikomẹ ụmụ a ile, sị wẹ, “Nọhunmẹni m, nị m gwa ụnụ ihiẹn jẹnkọ d'e mẹ imẹ igunrun ụnụ ihun.

Jẹnẹsisi 49:10

Ọkpọ-eze aghakọ Juda ẹka pụ, ọkpọ onyẹ-ọkịkị aghakọ a ngadan pụ — d'e ru mgbe onyẹ nwọn ọkpọ ahụn e gi bịa. Ndị alị ichẹn-ichẹn k'a gha e buhẹ ihiẹn d'a chann'a ẹnya, e sekpun'ẹ alị.

Ẹbụ-ọma 110:3

Ndị nke i k'e wepụhachanrịn obi sọnjẹn i agha ụhụọhịn i k'a kpa ikẹn; yụ lẹ ọghọ rị nsọ rị ị ẹhụ, eki fọn ụhụọhịn hụ, ndụn-okorọbịa ị e ziẹntun'i nọkẹ igirigi.

Ẹbụ-ọma 22:27

Ndị rị ebe ile rị elu-ụwa jẹnkọ d'a nyanhan, femẹ Osolobuẹ; ndị alị ile rị ichẹn-ichẹn k'e fe ẹ.

Ẹbụ-ọma 48:1

Osolobuẹ e hikẹ ogbe, o furu hụn w'a ja mma ọda-ọda imẹ obodo Chuku ẹnyi, elu Ugu ẹ rị nsọ wụ Zayọnụ.

Ẹbụ-ọma 86:9

Ịyụ ke alị ile, Osolobuẹ, wẹ k'a bịa d'a kụnị ị isi-alị; wẹ k'a gha a ja ẹfan ị mma.

Azaya 27:13

O ru ogẹn ahụn, okẹn opi k'a han, ndị Izrẹlụ ile hụn rị alị Asiria a la iwi lẹ ndị ile wẹ kpụnshi alị Ijiptu k'a lụa d'a nọ elu ugu nsọ hụ rị Jerusalẹm fe Osolobuẹ.

Azaya 43:6

M k'a sịzịkwọ ẹbamịn ọwụwa-ẹnyanwụn, ‘Hapụ wẹ nị wẹ la!’ sị ndịdan-mirin, ‘Egbọndọnkwọlẹ wẹ!’ Welụa nị ụmụ m ikẹnnyẹ rị ebe teni, lẹ ụmụ m ikpoho rị ebe ụwa ru —

Azaya 49:6

ọ sị: “Onwọnni ihiẹn ọ wụ n'ị wụhụ odibo m hụn k'e wekinhẹn ebọn Jekọpụ ọnọdị wẹ, hụn k'e wekinhẹn ndị Izrẹlụ m dọnmẹ ndụn; m k'e mẹzi i wụrụnị alị ndị ọzọ ile ukpẹ, kẹni i we nzụọpụha m ru ebe ile ụwa ru.”

Azaya 54:2

Tụnshịa ebe i bi, behẹzidẹ ẹkwa-ọnụmụzọ lẹ ẹkwa-windo; elekwọlẹ ẹnya azụụn, behẹzi ụdọ cheni ndị i gi limẹ ọdụ ị;

Azaya 56:7

m k'e wẹhẹ wẹ Ugu nsọ m, ye wẹ ịghọghọ imẹ Ụlọ m wẹ nọ e mẹ ekpere. M k'a narịn kẹ oyiye wẹ kpọ ọkụn kẹ ẹjan ndị ọzọ ile hụn wẹ k'e wẹhẹ elu ukpo nchụn-ẹjan m; makẹni wẹ k'a kpọ Ụlọ m Ụlọ alị ile a nọ e mẹ ekpere.’ ”

Jerimaya 16:19

Euu, Osolobuẹ, Ikẹn m lẹ Ebe m'a gbaban, Onyẹ m'e gbọnni ogẹn nsọngbu! Ndị alị ile rị elu-ụwa jẹnkọ d'e buruhẹ i, sị ị, “Mmọn ndị ahụn ndị nẹdi ẹnyi fe ẹlẹ Chuku nke-esi, ihiẹn wẹ kpụhụ kẹ wẹ wụ o nwọnni erere wẹ bannị wẹ.

Jerimaya 26:18

“Kẹ Hezikaya wụ eze alị Juda, Maịka onyẹ obodo Morẹshẹti e bughọ amụma. Ọ sị ndị Juda ile, ‘Osolobuẹ ihiẹn ile rị okpuru ẹ sị: “Obodo Zayọnụ jẹnkọ d'e họnrin ọfịa, a rụndẹ w'a ugbo; Jerusalẹm jẹnkọ d'a wụrụ ikpọn ọmụma lẹ osisi wẹ te gi tụn ụlọ, uguni ụlọ-nsọ rị jẹnkọ d'e họnrin ọfịa ọfịa kin ẹnya.” ’

Jerimaya 3:17

O ru ogẹn ahụn, wẹ k'a kpọ Jerusalẹm Ukpo-eze Osolobuẹ, alị ile k'a gha e zu imẹ Jerusalẹm ebẹhụ d'e ye ẹfan Osolobuẹ ọghọ. Esọnkọzị wẹ eje-obi wẹ hụn wẹ gi a gba isi-akwanran.

Jerimaya 31:12

Wẹ k'a bịa d'a nọ elu Ugu Zayọnụ yi oro ịghọghọ, e nwọn anwịnrịn ọda-ọda nị Osolobuẹ e yekẹ wẹ ihiẹn — kẹ ọka kẹ manya-ọhụn a sụọ ụsụọ kẹ ofugbọn-olivu kẹ mmụ ewu lẹ atụnrụn lẹ efin. Wẹ k'a rị e dẹn kẹ ugbo mirin rị ọhụnma. Akwankọzị wẹ ụya.

Jerimaya 48:47

“Kanị, o mẹgụ, m jẹnkọ d'e mẹ n'ọ rịzịnị alị Mụabụ mma. Mmẹ wụ Osolobuẹ ku ẹ.” Ebeni kẹ ikpe Chuku ma alị Mụabụ jẹndemẹ.

Izikẹlụ 38:16

Ụnụ jẹnkọ d'a maye ndị nke m wụ Izrẹlụ, rukpumẹ alị wẹ nọkẹ orukpu. Ihun-ihun k'o k'e mẹ. M k'e wẹhẹ i d'a maye alị m ọgụn, kẹni ndị alị ichẹn-ichẹn gi ihiẹn m k'e mẹ i marịn onyẹ m wụ ogẹn m'e gi nọ idẹnya wẹ gi i ghọsị nị m rị nsọ.

Izikẹlụ 40:2

Imẹ ọhụn hụ gha ẹka Osolobuẹ bịa, Osolobuẹ nọ we m shi alị Izrẹlụ, bu m che elu-ugu jẹngbu enwẹn ẹ elu. O nwọn ebe nọ kẹ obodo elu ẹ ebẹhụ, ẹbamịn ndịdan.

Izikẹlụ 43:12

“Ọnwan wụ iwu Ụlọ-nsọnị: ebe ile fihunmẹn'ẹ elu ugu ahụn ọ rị k'a rịchanrịn nsọ. Ịya wụ iwu Ụlọ-nsọnị.

Daniẹlụ 10:14

M bịa nwan d'a gwa ị ihiẹn k'e mẹ ndị nke i ihun, makẹni ogẹn ihiẹn ị hụn imẹ ọhụnnị e gi mẹ eke ru.”

Daniẹlụ 2:28

kanị, o nwẹghọ Chuku rị elu-igwee hụn e wepụha ihiẹn zuerini ifọn. Ọ ghọsịgụọ yụ wụ Eze wụ Nebukadineza ihiẹn k'e mẹ ihun. Lee nwan nrọ ị, ihiẹn ị rọhụn ebe i dinẹ elu bẹdi i:

Daniẹlụ 2:35

Wẹ ile, kẹ igwe-mmaka kẹ ụrụa kẹ igwe-bronzu kẹ siliva kẹ goru nọ kụkpọpụ, nọchanrịn kẹ ẹfịfịa-ọka rị alị ebe wẹ nọ a kụkpọ ọka imẹ ọhọhị; ya kẹ ufere nọ fepụ wẹ, kaka akpụ-ohu ahọdụnị. Kanị ọmụma nwẹn ti ihiẹn ahụn wẹ kpụ nọ họnrin ẹregede ugu, shịagbarị ụwa ile.

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Daniẹlụ 7:14

Wẹ nọ ye ẹ ikẹn lẹ ọghọ lẹ ọkịkị hụn ihiẹn ile gi a rị okpuru ẹ; ndị ile rị ichẹn-ichẹn, ndị alị ile lẹ asụsụ ile hụ e fe ẹ. Ọkịkị a wụ ọkịkị jẹnrin ejẹn hụn jẹnkọlẹni d'a gụ. Alị-eze ẹ wụ hụn wẹ jẹnkọlẹni d'e tikpọ.

Daniẹlụ 7:18

Kanị omẹgụ, ọkịkị lẹ alị-eze jẹnkọ d'a ban ndị-nsọ Onyẹ hụ Kachanrịnnị ẹka, ọ wụrụ nke wẹ, wụrụchanrịn, jẹnrin ejẹn.’

Daniẹlụ 7:22

d'e ru mgbe Onyẹ hụ Nwọnlẹni Mbidọn gi bịa d'a hanyeni ndị-nsọ Onyẹ hụ kachanrịnnị eṅẹn, ogẹn nọ ru hụn wẹ gi nwọnrin ọkịkị lẹ alị-eze.

Daniẹlụ 7:27

Ogẹn ahụn kẹ wẹ jẹnkọ d'e gi we ọkịkị ile lẹ ikẹn lẹ ọghọ alị-eze ile rị okpuru igwere ye ndị-nsọ, ya wụ, ndị nke Onyẹ hụ Kachanrịnnị. Anị-eze lẹ ọkịkị a k'a tọ jẹnrin ejẹn, ndị ọkịkị ile k'e fe ẹ, e mẹ ihiẹn o ku.’

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Zẹkaraya 14:10

Alịnị ile k'e hutọ, wụrụ alị aradan: ghakwọrị Gẹba d'e ru Rimọnụ hụn rị ebe Jerusalẹm ru ẹbamịn ndịdan-mirin. Kanị, Jerusalẹm nkẹ k'a rị elu, ebe ọ rị ushin: O k'a gha Ọnụ-mgbọn Bẹnjamini pụ ọnụ-mgbọn Ibuzọ, pụzị ọnụ-mgbọn rị Ntugi, pụzị Ụlọ-nche Hananẹlụ, pụzị ebe w'a nọ a pịnpụhanị eze manya-vaịnị.

Zẹkaraya 2:11

O ru ogẹn hụ, alị bu ọda jẹnkọ d'a banyeni mmẹ wụ Osolobuẹ, e họnrin wẹ ndị nke m — e sọn m ụnụ biri.” Ogẹn hụ, ụnụ a marịn nị Osolobuẹ ihiẹn ile rị okpuru ẹ lẹ enwẹn ẹ zi mmẹ wụ Zẹkaraya d'a gwa ụnụ oku.

Zẹkaraya 8:3

“Osolobuẹ ihiẹn ile rị okpuru ẹ sị: e kinhẹngụọ m Zayọnụ; ẹghẹẹ, m sikọ d'e biri imẹ Jerusalẹm, a kpọma wẹ Jerusalẹm ‘Obodo ezioku’, kpọma ugu Osolobuẹ ihiẹn ile rị okpuru ẹ, ‘Ugu rị nsọ.’

Malakaị 1:11

“Alị ndị ọzọ a gbaye ẹfan m — gha ebe anwụn nọ a wa d'e ru ebe ọ n'a dan; ndị ile rị ebe ọwụlẹ a mụnị m nsẹnsi e gi a chụnyeni m ẹjan rụlẹni, makẹni ẹfan m nwọn ọghọ ọda-ọda imẹ alị ndị ọzọ.

Ọrụn Ndị-ozi 2:17

‘Osolobuẹ sị, “Ogẹn ikpanzụụn, m jẹnkọ d'e hu Mmọn-nsọ m kpu ịhịan ile. Ụmụ ụnụ ikẹnnyẹ lẹ ikpoho k'e bu amụma; ikorọbịa ụnụ k'a hụn ọhụn; ikẹnnyẹ-ọba ụnụ k'a rọ nrọ.

Hibru 1:2

Kanị, ogẹn ikpanzụụnnị, ọ gwaọlẹ ẹnyi oku ghahanị Nwa a, onyẹ hụn o yechanrịn ihiẹn ile, onyẹ hụn ọ gha ẹka a ke ụwa ile lẹ ihiẹn ile rịn'a.

Pita Nke Ẹbụọ 3:3

Nke ibuzọ, ghọta nị nị ndị-nlelịa hụn e bi k'ọ sụọ wẹ k'a pụha ogẹn ikpanzụụn, a mụ ẹmụ,

Rẹvẹleshọnụ 11:15

Ya mmọn-ozi nke ẹsa nọ gbu opi ẹ, m nọ nụ okẹn olu rịsọnmẹ elu-igwee rị a sị, “Alị-eze ụwa a wụrụọlẹ nke Di-nwọnni-ẹnyi lẹ Kraịstị a; o k'a kị jẹnrin ejẹn!”

Rẹvẹleshọnụ 15:4

Euu Osolobuẹ, onyẹ k'a sị n'ọ tụkọ egun i, n'ọ jakọ ẹfan ị mma? Ịyụ sụọ rị nsọ. Alị ile k'a bịa d'e fe i, makẹni y'a ghọsịọlẹ n'ị y'e mẹ ihiẹn furuni.”

Rẹvẹleshọnụ 20:4

Ya m nọ hụn ukpo-eze ndị rị ebẹhụ. Wẹ nọ tumẹ ndị rịsọnmẹ ukpo ndị hụ ndị ọkịkị. M nọ hụnzịkwọ umẹ-ndụn ndị wẹ gi ufiri ozi Jizọsị lẹ oku Osolobuẹ bepụ isi. Ndịnị jụ nị efekọ wẹ eje-anụ hụ lẹ enwẹn ẹ mọbụ hụn wẹ leri ẹ kpụ, jụzị nị anarịnkọ wẹ ahịma eje-anụ hụ ezimezi ihun wẹ mọbụ ẹka wẹ. Wẹ nọ nwan gha ọnwụn lihi, rịzị ndụn, sọn Kraịstị kị ahụa nnụ-uku hụ.