Maịka 3:9 - Ika

⁹ Gọnkwọ nị ntịn, ụnụ ndị-isi ebọn Jekọpụ! Ụnụ ndị-ọkịkị Izrẹlụ! Ụnụ ndị ezigbo eṅẹn e ze ize, hụn e bu ihiẹn ile kụrụ ọtọ isi a kpọma alị,

Maịka 3:9 ပူးပေါင်းရင်းမြစ်များ

Nehemiah 13:17

M nọ du ndị-isi Juda kpemẹ, sị wẹ, “Elee eje-ihiẹn wụ hụnnị ụnụ rị e mẹ, e mẹrụ Ụhụọhịn Ezumikẹn?!

Ọpụpụ 3:16

“Jẹn d'a kpọkikomẹ ndị isi Izrẹlụ, y'a sị wẹ, ‘Osolobuẹ, Chuku ndị nẹdi ụnụ kanị, Chuku Ebraham lẹ Aziki lẹ Jekọpụ e mẹgụọ m hụn a, ọ nọ sị m: a hụngụọ m kẹ ọ rị ụnụ lẹ ihiẹn ndị Ijiptu rị e mẹ ụnụ.

Itẹn 17:15

Ịsị nị ikpe amanị onyẹ mẹ njọ lẹ ịma onyẹ mẹlẹni njọ ikpe — wẹ ẹbụbụọ wụ arụ ẹnya Osolobuẹ.

Itẹn 17:23

Onyẹ eje-omumẹ a narịn ihiẹn nzuzue, kẹn'o bu ezioku isi kpọma alị.

Itẹn 18:5

Ọrịnị mma nị wẹ nị onyẹ mẹ njọ ri eṅẹn mọbụ nị wẹ ma onyẹ mẹlẹni njọ ikpe.

Itẹn 21:7

Ẹka-ikẹn ndị eje-omumẹ k'a dọkpụnpụ wẹ lẹ enwẹn wẹ, makẹni ekweni wẹ mẹ ihiẹn rị mma.

Azaya 1:23

Ndị-ọkịkị ị wụ ndị nnupụ-isi, uwẹ lẹ ndị ohin gba a wị; egho-azụụn a sụọ wẹ ile a sụọ; w'a chọsọnmẹ onyẹ k'e ye wẹ ihiẹn. W'a ra kuni ndị nwọnlẹni nẹdi ọnụ wẹ; w'a ra buchedẹ ẹnya oku ikpoho di wẹ nwụn.

Jerimaya 5:28

tutu, e dẹn. Ẹfọ eje-ihiẹn ara jun wẹ; w'a ra kuni ndị nwọnlẹni nẹdi ọnụ wẹ ru isi ẹ. W'a ra shi ọnwụn nị ihiẹn ogbẹnnyẹ ru ẹ ẹka.

Izikẹlụ 44:23

Ndị nchụn-ẹjan nwọn kuzi ndị nke m ihiẹn rị ichẹn ẹgbata ihiẹn rị nsọ lẹ ihiẹn-mmaka lẹ ẹgbata ihiẹn rụnị lẹ ihiẹn rụlẹni.

Hosia 5:1

“Nụ nị ọnwan, ndị nchụn-ẹjan! Gọn ni ntịn, ndị Izrẹlụ! Gọn ni ntịn, ikpụlọ eze! Makẹni ikpe a magụọ ụnụ! Ụnụ wụ ọnyan wẹ gi a nwụn ndị nke m imẹ Mizpa; ọga wẹ gi a nwụn wẹ imẹ Tabọ;

Lẹvitikọsụ 26:15

nị ụnụ a jụ iwu ndị hụ m ye ụnụ, jụ uhi m yisọnmẹ, jụ nị ụnụ e mẹkọ ihiẹn ndị hụ ile m sị ụnụ mẹ, gi ẹrịra tikpọ nkwerigbama m tumẹ ẹgbata mmẹ lẹ ụnụ,

Emọsụ 5:7

Ụnụ! Ụnụ ndị rị e mẹ ezigbo eṅẹn e lugbu enwẹn ẹ ilu, a tụ ezi-omumẹ e ye alị!

Maịka 1:1

Ọnwan wụ oku Osolobuẹ, hụn bịanị Maịka onyẹ obodo Morẹshẹti ogẹn Jọtam lẹ Ahazị lẹ Hezikaya gisọnmẹ kị alị Juda; ihiẹn ndịnị kẹ Maịka hụn banyeni obodo Sameria lẹ obodo Jerusalẹm.

Maịka 3:1

M nọ sị: Gọnkwọ nị ntịn, ụnụ ndị-isi ebọn Jekọpụ, ụnụ ndị-ọkịkị alị Izrẹlụ! Ụnụ te furu hụn a marịn ihiẹn rị mma.

Ditrọnọmi 27:19

“Ịbụ-ọnụ ya rịnị onyẹ k'a napụ ndị abịamabịa, ndị nwọnlẹni nẹdi lẹ nnẹ lẹ ikpoho di wẹ nwụnhụn ihiẹn runi wẹ.” Ịhịan ile sị, “Isẹẹ!”