Maịka 3:8 - Ika

⁸ Kanị, o mẹ nke m, m nwọn ikẹn ọda-ọda, ịya lẹ Mmọn Osolobuẹ lẹ ezioku lẹ ndụn, hụn m gi a gwapụ ebọn Jekọpụ nị wẹ rị a dan iwu, hụn m gi a gwa ndị Izrẹlụ nị wẹ rị e mẹ njọ.

Maịka 3:8 ပူးပေါင်းရင်းမြစ်များ

Jobu 32:18

Oku jun m ọnụ; mmọn m rị e nu m ‘ku, ku’;

Azaya 58:1

Gi ẹ yi oro! Agbakwọlẹ nkịtịn! Yi ẹ n'ọ han — nọkẹ opi! Gwapụ ndị nke m nnupụ-isi wẹ, gwapụ ikpụlọ Jekọpụ njọ wẹ!

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Azaya 61:2

o zi m d'a hị nị ahụa Osolobuẹ e gi mẹni ndị nke ẹ ọhụnma e rugụọ, nị ụhụọhịn Chuku ẹnyi e gi mẹgwarị ndị kwọndọnni wẹ e rugụọ; o zi m d'a rọkọ ndị ile rị a kwannị obi,

Jerimaya 1:18

Tannị, e mẹgụọ m'ị wụrụ obodo wẹ tụnhunmẹ mgbọn zeni lẹ adansụn igwe lẹ mgbọn wẹ gi igwe-bronzu mẹmẹ, hụn k'e turu sọn ndị alịnị ile dọ — kẹ ndị-nze k'a kịsọnmẹ alịnị wụ Juda kẹ ndị-isi ẹ kẹ ndị nchụn-ẹjan a kẹ ndị alịnị ile.

Jerimaya 20:9

M sị ‘Ekukọzị m banyeni Osolobuẹ, Egikọzị m ẹfan a ku,’ oku ẹ a dụnma m kẹ ọkụn imẹ obi, ọkụn hụn rị m imẹ ọkpụkpụ, ẹhụ a rọ m m gi e kwọndọn ẹ — ọ nịkọ m kwọndọn!

Jerimaya 6:11

Kanị olulu hụn rị e bu Osolobuẹ junzikwọ mmẹ nwẹn obi, nkewụnị asa m ẹka dinzi ẹ. Osolobuẹ nọ sị Jerimaya, “Hu ẹ nwan kẹ mirin kpu mmụ-ẹka rị ọgbara-ogbe, y'e hu ẹ kpu ikorọbịa ebe wẹ rị e zu; huzikwọ a kpu di lẹ nwunyẹ, y'e hudẹ ẹ kpu ndị ẹgẹdi kakpụkpọgụnị.

Ẹkwan 2:14

Ọhụn ndị-amụma ị hụnnị ị wụhụ ọhụn ntụ lẹ ọhụn nwọnlẹni isi, agwapụnị wẹ i njọ ị, gi ẹ napụ ị ẹgbụnnị kunrunn'i nwan. Oku wẹ gwa ị nị ya kẹ Osolobuẹ ku wụhụ ntụ lẹ ndufie.

Izikẹlụ 16:2

“Nwa-ịhịan, gwapụ Jerusalẹm obibi ile rụnị ọ rị e bi.

Izikẹlụ 20:4

Y'a hangbukọ wẹ eṅẹn? Nwa-ịhịan, y'a hangbukọ wẹ eṅẹn? Nyanhannị wẹ arụ ile ndị nẹdi wẹ mẹ;

Izikẹlụ 22:2

“Nwa-ịhịan, y'a makọ a ikpe? Y'a makọ obodoni wẹ nọ e gbu ịhịan ikpe?! Gwapụchanrịn wẹ nwan arụ ile wẹ rị e mẹ imẹ ẹ.

Izikẹlụ 23:36

Osolobuẹ sị m, “Nwa-ịhịan, y'a makọ Ohola lẹ Oholiba ikpe, gwapụ wẹ arụ wẹ mẹ?

Izikẹlụ 3:14

Mmọn-Osolobuẹ nọ buli m elu, weri m, mmẹ lẹ ẹfọ rịlẹni a sụọ m ụsụọ lẹ olulu jun m obi; ẹka Osolobuẹ kwọndọn m ọda-ọda.

Izikẹlụ 43:10

“Yụ nwẹn, Nwa-ịhịan, kọwanị ndị Izrẹlụ kẹ Ụlọ-nsọnị nọ, kẹni ifẹnrẹn njọ wẹ mẹ wẹ. Wẹ lele ihiẹn haịn o gi sikọ d'a rị ẹrịra.

Matiu 7:29

Makẹni ọ kuzi wẹ kẹ onyẹ oku rị ẹka a, ẹlẹ nọkẹ ndị-nkuzi Iwu wẹ.

Makị 3:17

Jemisi nwa Zẹbẹdi lẹ Jọnụ nwẹnẹ Jemisi. Uwẹ k'o tu Bonagẹsị, ya wụ Ụmụ akpara (akpabọ);

Ndị Kọrẹntị Ibuzọ 2:4

Kẹ ebe m nọ e ku oku kẹ ebe m nọ e ku oku-Chuku, ekuni m kẹ ndị marịn ihiẹn, ekuni m n'ọ sụọ ịhịan ụsụọ ntịn, o kweyeni m. Kama, m hụ e ku ẹ, a ghọsị ụnụ nị ẹka Mmọn-nsọ lẹ ikẹn ẹ rị a.