Maịka 3:7 - Ika

⁷ Ndị ahụn rị a hụnnị ụnụ ụzọ k'a fa; ifẹnrẹn k'e mẹgbu ndị rị a gbanị ụnụ ẹfa. Wẹ ile jẹnkọ d'e kpumẹ ihun wẹ, makẹni onwọnni ihiẹn Osolobuẹ ghọsị wẹ.

Maịka 3:7 ပူးပေါင်းရင်းမြစ်များ

Ẹbụ-ọma 74:9

Ẹnyi arịzị a hụn ọrụn-atụmẹnya ndị ẹnyi gi marịn ị; onwọnzini onyẹ-amụma họdụnị; onwọnzikwọnị onyẹ nke ẹnyi marịn kẹ ụyanị k'e biehan!

Ọpụpụ 9:11

Ndị ahụn a gwọ ọgụn asanị ẹka turu ihun Mozizi, makẹni ẹsusue ahụn suesọnmẹ wẹ nwẹn ẹhụ — kẹ wẹ kẹ ndị Ijiptu ile.

Azaya 44:25

Mmẹ haịn ndị-amụma ntụ gi e ku ọzọ, ọzọ e mẹ, e mẹ ndị a hụn-ụzọ a nọ kẹ ndị ẹwobi; mmẹ haịn o gi arụnahịn ndị marịn ihiẹn, ihiẹn wẹ marịn e họnrin ihiẹn nwọnlẹni isi.

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Izikẹlụ 24:17

A sụnhụ udẹn, kanị ẹlẹ hụn w'a nụ; akwankwọlẹ onyẹni jẹnkọ d'a nwụnnị, afụpụlẹ isi i, agbụpụlẹ akpụkụ ị; ekpumẹlẹ ihun; erilẹ ihiẹn-oriri w'e buhẹni onyẹ umẹ mẹ.”

Izikẹlụ 24:22

Ụnụ nwẹn sikọ d'e mẹ kẹ m dọn nwan mẹ. Ụnụ ekpukinkọ ẹtu-ọnụ; ụnụ erikọ ihiẹn-oriri hụ ndị umẹ mẹ e ri.

Lẹvitikọsụ 13:45

“Onyẹ bu eje-emu akpụkpọ-ẹhụ k'e yirirịrị nkanka ẹkwa, na isi ẹ tọ ya-ya-ya, kpumẹ ihun — gha imi lụa alị, e yi ‘Onyẹ rụnị rọ! Onyẹ rụnị rọ!’

Emọsụ 8:11

Di-nwọnni-ẹnyi Osolobuẹ sị, “Ogẹn lalarịrị hụn m k'e gi zi ụnwụn ye alịnị: ẹlẹ ụkọ ihiẹn-oriri mọbụ ụkọ mirin, kanị ụkọ oku-Osolobuẹ.

Maịka 3:4

O ru ogẹn hụ, ụnụ jẹnkọ d'a kwanghọsị Osolobuẹ, kanị ọ zakọ ụnụ; o k'e fepụ ụnụ ẹnya yeni eje-ihiẹn ụnụ rị e mẹ.

Maịka 7:16

Alị ndị ọzọ jẹnkọ d'a hụn a, ifẹnrẹn e mẹgbu wẹ nị ikẹn ile wẹ kpa enwọn ihiẹn ọ wụ, e gi wẹ ẹka kpumẹ ọnụ, ntịn a kụkin wẹ;

Zẹkaraya 13:4

Ifẹnrẹn ibu-amụma k'a rị e mẹ ịhịan ogẹn ahụn; eyikọzi wẹ akpụkpọ-anụ nọkẹ ndị amụma amamgbe ịhịan a marịn wẹ.

Samuẹlụ Nke Ibuzọ 14:37

Ya Sọlụ nọ jụ Osolobuẹ sị, “Nị ẹnyi chụ ndị Filistia? Nị i we wẹ ye ẹnyi mẹri?” Kanị Osolobuẹ ashịarịn'a ụhụọhịn hụ.

Samuẹlụ Nke Ibuzọ 28:15

Samuẹlụ nọ sị Sọlụ, “K'ị kpọpụhanị m? K'i rị e yeni m nsọngbu?” Sọlụ nọ sị a, “M rị okẹn nsọngbu. Ndị Filistia rị a lụsọn m agha, kanị Osolobuẹ a gbakitọgụọ m azụụn. Ọ rịzịnị a za m — kẹ ndị-amụma kẹ nrọ — onwọnzini hụn o gi a za m. Ịya kẹ m kpọnị ị nwan, n'ị hụn ụzọ gwa m ihiẹn m k'e mẹ.”

Samuẹlụ Nke Ibuzọ 28:6

Ọ nọ jụ Osolobuẹ ihiẹn o k'e mẹ, kanị Osolobuẹ ashịarịn'a: o gini nrọ shịarị a, o gini utẹn-Osolobuẹ wẹ gi a marịn uche ẹ shịarị a, o gini ndị-amụma shịarị a.

Samuẹlụ Nke Ibuzọ 9:9

(Ogẹn mbụ imẹ Izrẹlụ, onyẹ chọ n'o jẹn d'a chọpụha uche Osolobuẹ, o ru ọ sị, “Nị ẹnyi d'e kunrun ‘Onyẹ a hụn ọhụn’ makẹni ihiẹn w'a kpọ ‘Onyẹ-amụma’ ogẹn mbụ wụ Onyẹ a hụn ọhụn.)”