Maịka 3:6 - Ika

⁶ Ọhịhị k'a gbakin ụnụ ẹnya, ụnụ ahụnkọzị ọhụn; ishi k'a gbakin ụnụ ẹnya, ụnụ eleghakọzị ẹfa gba; anwụn k'a rọnahịn ndị-amụma hụ, eki e ginahịn wẹ.

Maịka 3:6 ပူးပေါင်းရင်းမြစ်များ

Ẹbụ-ọma 74:9

Ẹnyi arịzị a hụn ọrụn-atụmẹnya ndị ẹnyi gi marịn ị; onwọnzini onyẹ-amụma họdụnị; onwọnzikwọnị onyẹ nke ẹnyi marịn kẹ ụyanị k'e biehan!

Azaya 29:10

Osolobuẹ a tụgụọ ụnụ okẹn-ụran; o kpumẹgụọ ụnụ ẹnya — ụnụ ndị-amụma, kpumẹ ụnụ isi — ụnụ ndị a hụn ụzọ.

Azaya 59:10

Ẹnyi e bisọnmẹ ẹka ẹhụ-ẹjan jẹnkọ lekẹ ẹnya-mpịn e bisọnmẹ ẹka nọkẹ ndị nwọnlẹni ẹnya; a kpọgburu ebe eki rị elu, lekẹ sị ọhịhị a gbamagụọ. Imẹ igunrun ndị ẹhụ rị ikẹn, ẹnyi nọhụ kẹ ozun ndụn rịlẹni.

Jerimaya 13:16

Kwerikwọ nị hụn Osolobuẹ wụ Chuku ụnụ ku gi ye ẹ ọghọ — o gini d'e mẹ ishi gbakpumẹ ụnụ, ụnụ gini d'a kpọgburumẹ lekẹ onyẹ-ijẹn ghakọ elu òke ebe eki rị e gi. Ụnụ rị a tụ ẹnya ukpẹ, kanị Osolobuẹ k'e mẹ ẹ wụrụ ẹkpa-ishi; o k'e mẹ ẹ wụrụ okẹn ishi.

Jerimaya 15:9

Okpoho te gi ụmụ ẹsa k'a sọhị, kwọnbepụ, anwụn a rọn'a ebe eki rị elu; ọ fa, ụya e ri ẹ. “ ‘M k'e gi ọpịa-agha gbuzi ndị k'a họdụnị — ghahanị ndị-iṅẹnrẹn wẹ.’ ” Ya kẹ Osolobuẹ ku.

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Izikẹlụ 13:9

Ẹka m k'e bitụ ndị-amụma hụ rị a hụn ọhụn ntụ, a gba-ẹfa ntụ; arịkọzị wẹ imẹ ozuzu ndị nke m; ẹfan wẹ arịkọzị ẹkụkwọ ndị Izrẹlụ; abankọzịdẹ wẹ alị Izrẹlụ. Ogẹn hụ, ụnụ a marịn nị m wụ Osolobuẹ nwọn ihiẹn ile.

Izikẹlụ 7:26

Ọdakin k'a gha a bịanị wẹ ọbịbịa-ọbịbịa; wẹ k'a nụsọnmẹ oku nsọngbu. Wẹ k'a chọ uche Osolobuẹ mmaka ẹka onyẹ-amụma; ndị nchụn-ẹjan asakọ ẹka kuzi Iwu Osolobuẹ; ndị-ichẹn asakọ ẹka dụn ọdụn.

Emọsụ 8:11

Di-nwọnni-ẹnyi Osolobuẹ sị, “Ogẹn lalarịrị hụn m k'e gi zi ụnwụn ye alịnị: ẹlẹ ụkọ ihiẹn-oriri mọbụ ụkọ mirin, kanị ụkọ oku-Osolobuẹ.

Maịka 2:6

Kanị, ụnụ hụ a sị, “Ekuzilẹ! Ebuzilẹ amụma nọ ẹrịra! Ụya erikọ ẹnyi.