Maịka 3:5 - Ika

⁵ Lee ni ihiẹn Osolobuẹ ku banyeni ndị-amụma hụn rị e dufie ndị nke m: onyẹ ye wẹ ihiẹn, e buni w'ẹ amụma rị mma. Kanị onyẹ yelẹni wẹ ihiẹn e bu wẹ nụman'a.

Maịka 3:5 ပူးပေါင်းရင်းမြစ်များ

Itẹn 28:21

Igbeyeni ịhịan ajọka njọ: bụ ịhịan e mẹdẹ eje-ihiẹn makẹni a ghagụọ wẹ azụụn ye wẹ ẹkẹrẹ brẹdi.

Azaya 3:12

Ụmụ-ndu hụ a kị ndị nke m nkịgbu, ikpoho hụzịd'a kị wẹ. Euu, ndị nke m, ndị-ndu ụnụ rị e duhuhu ụnụ; e wepụ ụnụ ụzọ rị mma.

Jerimaya 23:27

Ndịnị hụn rị a chọ nị wẹ gi nrọ ndị ahụn w'e ziẹnni ibe wẹ mẹ ndị nke m zọ ẹfan m, nọkẹ kẹ ndị nẹdi wẹ dọn zọ ẹfan m ebe wẹ rị a rụa Baalụ.

Jerimaya 23:32

Mmẹ lẹ ndị-amụma gi ihiẹn wẹ rọhụn hụn wụlẹni oku m e bu amụma rọ. Wẹ hụ e ziẹn nrọ ndị ahụn, e gi ihiẹn ile wụlẹni nke m wẹ rị e mẹ e dufie ndị nke m, ihiẹn ile wẹ rịlẹni a jụ m e mẹ; ezini m wẹ, etumẹni m wẹ. Onwọnni ẹka wẹ rị e yeni ndị nke m kaka.’

Jerimaya 6:14

Wẹ hụ a zụọ ndị nke m rụ eje-ẹhụ nọkẹ sị arụkanị wẹ ẹhụ: a sị, ‘Nsọngbu arịa! Nsọngbu arịa!’ bụ nsọngbu e jun.

Jerimaya 6:4

Wẹ k'a sị, “Kọnrin ni d'a lụ a agha! Lihi ni nị ẹnyi d'e gi efinnaị maye ẹ! Kanị, ọ jọka njọ nị eki e gimẹgụọlẹ, nị ọhịhị a gbamagụzịghọ.

Ẹkwan 2:14

Ọhụn ndị-amụma ị hụnnị ị wụhụ ọhụn ntụ lẹ ọhụn nwọnlẹni isi, agwapụnị wẹ i njọ ị, gi ẹ napụ ị ẹgbụnnị kunrunn'i nwan. Oku wẹ gwa ị nị ya kẹ Osolobuẹ ku wụhụ ntụ lẹ ndufie.

Izikẹlụ 13:9

Ẹka m k'e bitụ ndị-amụma hụ rị a hụn ọhụn ntụ, a gba-ẹfa ntụ; arịkọzị wẹ imẹ ozuzu ndị nke m; ẹfan wẹ arịkọzị ẹkụkwọ ndị Izrẹlụ; abankọzịdẹ wẹ alị Izrẹlụ. Ogẹn hụ, ụnụ a marịn nị m wụ Osolobuẹ nwọn ihiẹn ile.

Hosia 4:5

Ọhanfie ọhanfie kẹ ụnụ a hanfiesọnmẹ ụkụ kẹ efinaị kẹ uhinhin; ndị-amụma hụzị e sọn ụnụ a hanfie; m sikọ nwan d'e tikpọ nnẹ ụnụ wụ alị Izrẹlụ.

Juwẹlụ 3:9

Manị nị alị ndị ọzọ ile ọkwanị: Kwademẹ ni agha! Kpọli ni ndị agha ụnụ! Ndị agha ile wẹ gbakikomẹ, pụha d'a lụ agha!

Maịka 2:11

nọkẹ sị onyẹ-amụma ntụ te pụha a sị ndịnị, ‘Manya lala — kẹ hụn a tụnị,’ onyẹ-amụma nọ ẹrịra ya nwọn a sụọ ndịnị!

Maịka 3:11

Onyẹ ye ndị-isi egho-azụụn, o ri eṅẹn! Onyẹ kụ ndị nchụn-ẹjan ụgwọ, a kuzi w'ẹ. Ndị-amụma ebukọ amụma mmanị egho ban wẹ ẹkpa; kanị wẹ ile hụkwọ a hị ẹfan Osolobuẹ, a sị, “Osolobuẹ nọyeni ẹnyi anọyeni, onwọnni ihiẹn jẹnkọ d'e mẹni ẹnyi.”

Malakaị 2:8

“Kanị ụnụ nwẹn a ghagụọ ụzọ pụ; ụnụ e gigụọ eje-ihiẹn ụnụ rị a kuzi mẹ ndị bu ọda kpọgburu; ụnụ e tikpọgụọ iwu hụn m ye ndị Livaị. Ya kẹ Osolobuẹ ihiẹn ile rị okpuru ẹ ku.

Matiu 15:14

Hatu ni wẹ, wẹ wụ ndị-ndu ẹnya-ishi: onyẹ ẹnya-ishi dumẹ onyẹ ẹnya-ishi, wẹ ẹbụbụọ k'a danye mgbugbu.”

Matiu 7:15

“Kpachanpụ nị nị ndị amụma-ntụ ẹnya: w'e kọnrin kẹ atụnrụn, a bịa d'e kunrun ụnụ, kanị, eje-ẹwọrọ kẹ wẹ wụ imẹ.

Ndị Rom 16:18

Makẹni ndị nọ ẹrịra arị e fe Di-nwọnni-ẹnyi wụ Kraịstị, kanị ẹfọ wẹ lẹ ihiẹn a gụnnị wẹ kẹ wẹ rị e fe. W'e gi ọnụ-ọma lẹ oku ọnụnụ-ire e dufie ndị marịnlẹni ihiẹn.