Maịka 3:4 - Ika

⁴ O ru ogẹn hụ, ụnụ jẹnkọ d'a kwanghọsị Osolobuẹ, kanị ọ zakọ ụnụ; o k'e fepụ ụnụ ẹnya yeni eje-ihiẹn ụnụ rị e mẹ.

Maịka 3:4 ပူးပေါင်းရင်းမြစ်များ

Jobu 27:9

Nị Chuku gọndẹ nwan ntịn ẹkwan a ogẹn nsọngbu?

Jobu 35:13

Ẹkwan nwọnlẹni isi rọ, Chuku ara gọn ẹ ntịn; Onyẹ Nwọn Ikẹn Ile ara feyedẹ ẹ ẹnya.

Ẹbụ-ọma 18:41

A kwan wẹ, a hụnnị wẹ onyẹ a zụọpụhanị wẹ; a hịdẹ wẹ Osolobuẹ, ọ zanị wẹ.

Itẹn 1:28

Ogẹn ahụn, ụnụ jẹnkọ d'a kpọ m, kanị azakọ m; ụnụ k'e gi akpak'alị obi ụnụ chọ m kanị ụnụ ahụnkọ m —

Itẹn 28:9

Onyẹ sị o gọnkọ ntịn Iwu-Osolobuẹ, ekpere ẹ wụdẹ arụ ebe Osolobuẹ rị.

Azaya 1:15

Ụnụ kịshidẹ ẹka elu mẹ ekpere, e bupụ m ụnụ ihun; ụnụ mẹkẹnmẹdẹ ekpere, egọnkọ m ụnụ ntịn. Ẹdeke jun ụnụ ẹka;

Azaya 3:11

Ọ masịkọnị ndị eje-omumẹ! Wẹ k'e mẹgwarị wẹ ihiẹn wẹ mẹ.

Jerimaya 11:11

Ya haịn Osolobuẹ gi nwan rị a sị, ‘M jẹnkọ d'e mẹ wẹ tikpọ wẹ hụn wẹ jẹnkọlẹni d'a s'ẹka wanahịn. Ọsụọn'a wẹ kwanghọsị m, egọnkọ m wẹ ntịn.

Jerimaya 14:12

Ọsụọn'a wẹ bu ọnụ, egọnkọ m ntịn ẹkwan wẹ; ọsụọn'a wẹ chụn ẹjan w'a kpọ ọkụn lẹ ẹjan ọka, ewekọ m. Hụn nkẹ m'e gi narịn wẹ, m k'e gidẹ ọpịa-agha lẹ ẹgụn lẹ eje-emu gbu wẹ.”

Jerimaya 33:5

Ebe wẹ rị a lụsọn ndị Babilọnụ agha, ozun ndị alịnị k'e jun ụlọ ndịnị, ozun ndị m k'e gi iwe lẹ ọnụma m gbu, makẹni a gbakitọgụọ m alịnị azụụn yeni eje-ihiẹn wẹ rị e mẹ.

Jerimaya 5:31

Ndị-amụma rị e bu amụma-ntụ, ndị nchụn-ẹjan hụ e gi ọrụn wẹ a kpa ikẹn — bụ ọ hụdẹ a sụọ ndị nke m ẹrịra! Kị ụnụ k'e mẹ nwan ogẹn ikpanzụụn?

Izikẹlụ 8:18

Mmẹ nwẹn jẹnkọ nwan d'e gi olulu mẹ wẹ ihiẹn; elekọ m wẹ ẹnya ihun; emẹkọ m omikẹn wẹ. Wẹ k'a kwanghọsị m ọda-ọda, egọnkọ m wẹ ntịn.”

Maịka 3:7

Ndị ahụn rị a hụnnị ụnụ ụzọ k'a fa; ifẹnrẹn k'e mẹgbu ndị rị a gbanị ụnụ ẹfa. Wẹ ile jẹnkọ d'e kpumẹ ihun wẹ, makẹni onwọnni ihiẹn Osolobuẹ ghọsị wẹ.

Maịka 7:13

Kanị ụwa k'e mẹ mkpọkọ-mkpọkọ, yeni ihiẹn ndị rịn'a rị e mẹ.

Zẹkaraya 7:13

Ebe o mẹni azanị wẹ m kẹ m kpọ wẹ oku, a kpọ wẹ m, m nọ jụ n'a zakọ m wẹ. Ya kẹ mmẹ wụ Osolobuẹ ihiẹn ile rị okpuru ẹ ku.

Matiu 7:22

Ụhụọhịn hụ, ndị bu ọda jẹnkọ d'a sị m, ‘Di-nwọnni-ẹnyi, Di-nwọnni-ẹnyi! Ẹlẹ ẹfan ị kẹ ẹnyi gi bu amụma? Ẹlẹ ẹfan ị kẹ ẹnyi gi chụpụ eje-mmọn, rụn okẹn ọrụn-atụmẹnya rị ichẹn-ichẹn?’

Luku 13:25

“Makẹni, onyẹ nwọn ụlọ ma ama gụnma ụzọ, ụnụ e turu ezi ebahụn dụma ẹka ọnụmụzọ, a sị, ‘Di-nwọnni-ẹnyi, dodo gụnpụnị ẹnyi ụzọ!’ O jẹnkọ d'a za ụnụ, sị, ‘Amarịn m ebe ụnụ gha bịa!’

Jọnụ 9:31

Ẹnyi a marịnghọ nị Osolobuẹ ara gọn onyẹ-njọ ntịn, nị onyẹ e fen'ẹ lẹ onyẹ e mẹ uche ẹ k'o gọn ntịn.

Jemisi 2:13

onyẹ ghalẹni e mẹ omikẹn, emẹkọnị w'a omikẹn wẹ gha e kin ẹ ikpe. Omikẹn e mẹri ikpe-ọmụma.

Samuẹlụ Nke Ibuzọ 8:18

Ogẹn hụ, ụnụ jẹnkọ d'a kwanma ẹkwan, rịọma nị wẹ d'a zụọpụha ụnụ ẹka eze hụ ọnụ hanrịn, kanị ụhụọhịn hụ, Osolobuẹ azakọ ụnụ.”