Maịka 3:12 - Ika

¹² Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Maịka 3:12 ပူးပေါင်းရင်းမြစ်များ

Ẹbụ-ọma 107:34

O wiwi alị te e mẹ ihiẹn ọhụnma, o họnrin alị-nnu e gbu ihiẹn-ugbo, ufiri eje-obibi ndị bin'ẹ.

Ẹbụ-ọma 79:1

Chuku, ndị alị ọzọ a banhangụọ alị ị; e mẹrụgụọ wẹ Ụlọ-NSỌ ị, e tikpọgụọ wẹ Jerusalẹm, o họnrin mkpọkọ-mkpọkọ!!

Azaya 32:14

Ẹghẹẹ, obi-eze jẹnkọ d'a gba okpokoro, obodoni ịhịan jun a gba okpokoro; kẹ isi-obodo kẹ ụlọ-nche uku rịn'a jẹnkọ d'a wụrụ ebe wẹ latọ — ebe jaki-ọfịa lẹ anụmanụ ndị ọzọ nọ a kpa nni, wụrụ a jẹnrin ejẹn.

Jerimaya 17:3

Ufiri ẹ, kẹ ugu m rị alịnị kẹ ihiẹn ile ụnụ nwọn lẹ ihiẹn ụnụ dọnmẹ, m k'e wechanrịn wẹ ye ndị-ọzọ kwarị, wẹ lẹ ukpo-mmọn ụnụ ndị ahụn yeni njọ ile ụnụ mẹ imẹ alịnị.

Jerimaya 22:5

“ ‘Kanị omẹni ụnụ emẹni ihiẹn ndịnị m sị ụnụ mẹ, ma isi m, obi-ezeni jẹnkọ d'e họnrin mkpọkọ-ụlọ.’ ”

Jerimaya 22:6

Lee ihiẹn Osolobuẹ ku banyeni obi-eze Juda: “Ọsụọn'a nị obi-ezeni ma mma kẹ alị Gilẹdị, ọsụọn'a n'ọ rị m kẹ osisi Lẹbanọnụ mẹ gwoza-gwoza, ma isi m, m k'e mẹ i gba okpokoro nọkẹ atụ, ebe ịhịan bilẹni!

Jerimaya 26:18

“Kẹ Hezikaya wụ eze alị Juda, Maịka onyẹ obodo Morẹshẹti e bughọ amụma. Ọ sị ndị Juda ile, ‘Osolobuẹ ihiẹn ile rị okpuru ẹ sị: “Obodo Zayọnụ jẹnkọ d'e họnrin ọfịa, a rụndẹ w'a ugbo; Jerusalẹm jẹnkọ d'a wụrụ ikpọn ọmụma lẹ osisi wẹ te gi tụn ụlọ, uguni ụlọ-nsọ rị jẹnkọ d'e họnrin ọfịa ọfịa kin ẹnya.” ’

Jerimaya 35:17

“Ufiri ẹ, Osolobuẹ ihiẹn ile rị okpuru ẹ, hụn wụ Chuku Izrẹlụ, rị nwan a sị, ‘Gọn nị ntịn! M jẹnkọ d'e mẹ alị Juda lẹ ndị ile bi imẹ Jerusalẹm eje-ihiẹn ile m sị nị m jẹnkọ d'e mẹ wẹ. Makẹni kẹ m gwa wẹ oku, egọnni wẹ ntịn; a kpọ m wẹ oku, azanị wẹ.’ ”

Jerimaya 44:2

Osolobuẹ ihiẹn ile ri okpuru ẹ, hụn wụ Chuku Izrẹlụ, sị, “Ụnụ e gigụọ ẹnya ụnụ hụn eje-ihiẹn ile m mẹ obodo Jerusalẹm lẹ obodo ọzọ ile rị alị Juda, nke wụnị wẹ ile gba nwan okpokoro tannị, mẹ mkpọkọ-mkpọkọ;

Jerimaya 52:13

Ọ dụn ụlọ-nsọ Osolobuẹ lẹ obi-eze lẹ ụlọ ile rị Jerusalẹm ọkụn — dụnkwama ụlọ ile rị mkpa ọkụn.

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Ẹkwan 5:18

a kwan nị Ugu-Zayọnụ gbagụ nwan okpokoro, hụn nkitẹ-ọfịa wụ jakalụ rị nwan imẹ ẹ a kpahunmẹ.

Maịka 1:6

M jẹnkọ d'e tikpọ Sameria, o họnrin mkpọkọ-ụlọ mkpọkọ-ụlọ, họnrin ọfịa wẹ nọ a rụn vaịnị; e kpọn m ọmụma a ile ye imẹ ọdanmgbugbu, a hụnchanrịn wẹ iyetọ a.

Matiu 24:2

Kanị Jizọsị nọ sị wẹ, “Ụnụ a hụn ihiẹn ndịnị? M rị a gwa ụnụ ezioku, onwọnni ogbe ọmụma ohu jẹnkọ d'a họdụ elu ibe ẹ; wẹ k'a kụtuchanrịn wẹ ile.”