Maịka 2:2 - Ika

² Wẹ chọ alị mọbụ ugbo ịhịan, a narịn w'a ya; omẹni ụlọ rọ, e weri w'ẹ; wẹ hụ a bịangbu ịhịan, e weri ụlọ a; a bịangbu ịhịan, e weri ukuu ẹ.

Maịka 2:2 ပူးပေါင်းရင်းမြစ်များ

Ndị-nze Nke Ibuzọ 21:1

Ihiẹn ndịnị e mẹgụ, oku alị vaịnị Nabọtụ onyẹ Jezriẹlụ nọ pụha. Alị vaịnị hụ nọkunmẹ obi-eze Ehabụ nọ a kị imẹ Sameria.

Ndị-nze Nke Ẹbụọ 9:26

‘M hụn ẹdeke Nabọtụ lẹ ẹdeke ụmụ a ikẹnnyẹ ụnyanhụn; m k'a nọ imẹ alị Nabọtụnị gbugwarị ị ogbugbu i gbu wẹ: ịya kẹ Osolobuẹ ku.’ Buru ẹ nwan; tụ a ye alị hụ kẹ Osolobuẹ dọn ku.”

Jobu 31:38

“Omẹkwọnị alị ugbo m rị a kwanye m ẹkwan olu a ma m ikpe, nke wụnị ẹnya-mirin e jundẹ ote ile rịn'a;

Ọpụpụ 20:17

“Anịlẹ ụlọ ibe i la ị ẹnya, mọbụ nwunyẹ ibe i mọbụ nwata-okẹnnyẹ rị iwe ẹ mọbụ nwata-okpoho rị iwe ẹ mọbụ efin ẹ mọbụ jaki ẹ — mọbụ ihiẹn ọwụlẹ wụ nke ibe i.”

Azaya 3:14

Osolobuẹ a mama ndị-ichẹn lẹ ndị-ndu ndị nke ẹ ikpe: “Ụnụ haịn alị vaịnị m wụ Juda gi wiwi; ihiẹn ụnụ kwanarịn ndị-igbẹnnyẹ jun iwe ụnụ.

Azaya 5:8

Nsọngbu rị e che ụnụ ndị rị e nwọnrin ụlọ e cheni ụlọ, e nwọnrin ọfịa e cheni ọfịa d'e ru n'o nwọnzini ebe họdụnị ndị ọzọ, ụnụ sụọ e biri nwan alị nwẹn.

Jerimaya 22:17

“Kanị ẹnya ị lẹ obi i rịhụ ihiẹn i k'a narịn ịhịan, igbu ndị nwọnlẹni ihiẹn wẹ mẹ, ịbịangbu ịhịan lẹ ịtụnarịn wẹ ihiẹn wẹ.”

Izikẹlụ 18:12

omẹni ọ bịangbu ndị igbẹnnyẹ lẹ ndị elu rị a fụ; omẹni o zun ohin; omẹni ara wekinni ịhịan ihiẹn wẹ gi gbama ibe ẹka a; omẹni o fe mmọn, e mẹ arụ;

Izikẹlụ 22:12

“Ịhịan hụ imẹ i a narịn ọgị-azụụn lẹ egho-azụụn e gbu ibe ẹ; a na okẹn-ọmụnịnwa a chọ okẹn erere, e ri ibe ụnụ erere, e mẹgbu wẹ, ụnụ a zọ mmẹ nwẹn. Ịya kẹ Osolobuẹ Nwọn Ihiẹn Ile ku.

Izikẹlụ 22:13

“Eje-ẹnya kẹ m rị e lee i makẹ eje-erere ị rị e ri lẹ ẹdeke ndị wẹ gbu imẹ i!!

Izikẹlụ 33:26

Ụnụ hụ e gi ọpịa-agha ụnụ e bi, e mẹ arụ, onyẹ-onyẹ lẹ nwunyẹ ibe ẹ hụ e mẹ arụ. Nanị ụnụ e dọn nwan nwọnrin alịnị?’

Izikẹlụ 45:9

“ ‘Osolobuẹ nwọn ihiẹn ile sị: O highọnị ụnụ ndị-ọkịkị Izrẹlụ! Kụsị nị ẹka-ikẹn lẹ mmẹgbu ụnụ! E mẹ ni ihiẹn rị mma lẹ ihiẹn furuni. Anapụzịlẹ ni ndị nke m ihiẹn wẹ. Ya kẹ Osolobuẹ Nwọn Ihiẹn Ile ku.

Izikẹlụ 46:18

Onyẹ-ọkịkị anarịnkọ ịhịan ihiẹn ọwụlẹ wụ ukuu ẹ, ọ bịangbukọ wẹ napụ wẹ ihiẹn wẹ. Alị a sụọ k'o k'a nọ ye ụmụ a, amamgbe o nwọn onyẹ wẹ chụpụ alị a imẹ ndị nke m.’ ”

Izikẹlụ 8:17

Ọ nọ sị m, “Nwa-ịhịan, y'a hụn? Arụ ndịnị ile ndị Juda rị e mẹ ebeni e hini nwan? Wẹ hụzịdẹ e gizi egbu-lẹ-egbu mẹjun alịnị ile, e mẹsọnmẹ ihiẹn we gi a kpasu m iwe? Enwẹn wẹ kẹ wẹ rị a kpa nsịn e ye ọnụ — ẹlẹ mmẹ!

Emọsụ 2:7

Wẹ hụ a zọ ndị igbẹnnyẹ ụkụ isi, a zọdẹ wẹ e ye imẹ uzunzun; e nu ndị rị e ri ụya e ye ụsụọ; nẹdi lẹ nwa hụ e mẹ mgba okpoho ohu, e gi ẹ e wiwi ẹfan-nsọ m.

Emọsụ 4:1

Gọn ni ntịn, nị onyẹnnyẹ efin Bashanị kẹ ụnụ wụ, ụnụ, ikpoho bi ugu Sameria. Ụnụ ndị a bịangbu igbẹnnyẹ, e gwekpọ ndị ẹka wẹ rulẹni. Ụnụ ndị a sị ndị di ụnụ, “Wẹhẹ manya nị ẹnyi ra!”

Emọsụ 8:4

Nụ nị ọnwan, ụnụ ndị hụn a zọgbu ndị ẹka rulẹni, e nutu ndị igbẹnnyẹ rị alịnị,

Maịka 3:9

Gọnkwọ nị ntịn, ụnụ ndị-isi ebọn Jekọpụ! Ụnụ ndị-ọkịkị Izrẹlụ! Ụnụ ndị ezigbo eṅẹn e ze ize, hụn e bu ihiẹn ile kụrụ ọtọ isi a kpọma alị,

Maịka 6:12

Ndị mmẹgbu lẹ ẹka-ikẹn kẹ ndị ịdanfịn ụnụ wụ; ntụ a mụmarịngụọ ndị obodo ụnụ; ntụ-ntụ jun wẹ ọnụ.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Matiu 23:13

“Kanị nsọngbu rị e che ụnụ ndị-nkuzi Iwu lẹ ndị Itu-Farisi, ndị ihunnaị! Makẹni ụnụ a kpọkin ụzọ Alị-eze elu-igwee: ụnụ abanyeni, ụnụ eyekọ ndị chọ nị wẹ banye efe banye.

Timoti Ibuzọ 6:10

Makẹni, ẹkpịrị-egho wụ mkpọgụn ụdị eje-ihiẹn ile gha a suepụha. O nwọngụọ ndị latọ ofufe-Kraịstị ebe wẹ rị a chọ nị wẹ hi ọdanfịn, mẹsọnmẹ ihiẹn bu ọda obi gi e gbu wẹ mgbu.