Maịka 2:13 - Ika

¹³ Onyẹ hụn e tikpọnị wẹ mgbọn sikọ d'e buruni wẹ ụzọ; wẹ k'a gha ọnụ-mgbọn alị gini wẹ zụnkpọpụha, la alị hụ tọ. Eze wẹ k'e buruni wẹ ụzọ, Osolobuẹ k'a rị wẹ ihun.

Maịka 2:13 ပူးပေါင်းရင်းမြစ်များ

Ọpụpụ 14:19

Ya kẹ Mmọn-ozi Osolobuẹ hụn rị ihun ndị-agha Izrẹlụ nọ nwan gha ihun wẹ pụ, shi wẹ azụụn, orukpu ahụn e duni wẹ a gha ihun wẹ pụ, shi wẹ azụụn,

Azaya 42:7

kẹn'i shịapụ ndị ẹnya-ishi ẹnya, wepụha ndị rị imẹ ngan, wepụhazịkwọ ndị ishi kpọma ẹgan.

Azaya 51:12

“Mmẹ, mmẹ lẹ enwẹn, mmẹ a rọkọ ị obi. Onyẹ k'ị wụdẹ nwan i gi a tụ egun ịhịan mmaka ịhịan mmaka hụn a nwụnhụ kẹ ẹfịfịa?

Azaya 52:12

Kanị ẹlẹ hụn ụnụ k'e gi hụhụ pụ, ẹlẹ hụn ụnụ e gi gi ọsọ pụ. Makẹni, Osolobuẹ sikọ d'e buruni ụnụ ụzọ; Osolobuẹ wụ Chuku Izrẹlụ sikọ d'a kpanrịnzịkwọnị ụnụ azụụn.

Azaya 55:4

Lee ẹ, e gigụọ m'a họnrin ọshẹri jẹnni ndị alị ichẹn-ichẹn, onyẹ-ndu lẹ ọkị-agha alị ichẹn-ichẹn.

Daniẹlụ 2:44

“Ogẹn ndị-nze ndịnị k'e gi rị a kị, Chuku hụn rị elu-igwee k'e pumẹ alị-eze hụn wẹ jẹnkọlẹni d'e tikpọ mọbụ latọnị ndị ọzọ. O k'e tipịpịa alị-eze ndị hụ ile — arịkọzị wẹ; kanị ya nwẹn sikọ d'a rị jẹnrin ejẹn.

Hosia 1:11

Ndị Juda lẹ ndị Izrẹlụ Ẹbamịn-ugu k'a kịgbama, a họrị wẹ onyẹ-isi ohu jẹnkọ d'a kịnị wẹ, a palizi wẹ, ghamazị ihun imẹ alịnị. Eziẹ, ụhụọhịn Jezriẹlụ k'a wụ okẹn ụhụọhịn!

Hosia 13:14

Nị m gbapụha wẹ nwan ẹka ọnwụn? Nị m gbapụha wẹ nwan ẹka ili! Ọnwụn! Wẹhẹchanrịn ihiẹn ile i gi e gbu! Alị-mmọn! Wẹhẹchanrịn ihiẹn ile i gi e tikpọ! Emẹkọzị m omikẹn ndịnị!

Hosia 2:2

“Ụmụ m, gwakwọ nị nnẹ ụnụ Izrẹlụ-o! Ẹlẹzidẹ nwan nwunyẹ m; ẹlẹzi m di ẹ! Rịọkwọ n'a n'o bu ẹnya che ụzọ ohu, rebehi ẹhụ a!

Hosia 3:5

Kanị, omẹgụ, ndị Izrẹlụ k'a lụahazị, chọmazị Osolobuẹ wụ Chuku wẹ lẹ onyẹ ebọn Defidi ahụn k'a wụ eze wẹ. Wẹ k'a ma piripiri bịa d'e kunrun Osolobuẹ lẹ ngọzi ẹ — ogẹn ikpanzụụn.

Maịka 2:12

“Omẹgụ, m sikọ d'e wegbamazịrịrị ụnụ, ụmụ Jekọpụ; m jẹnkọ d'e wegbamazị ndị k'a hụn isi. M k'e wegbama wẹ ile, a nọ wẹ kẹ atụnrụn rị ebe wụ nke wẹ, nọkẹ igunrun atụnrụn rịchanrịn ebe wẹ nọ a kpa nni hụn wụ nke wẹ; ụzụn k'e jun alịnị yeni ndị bu ọda rịn'a.”

Maịka 3:1

M nọ sị: Gọnkwọ nị ntịn, ụnụ ndị-isi ebọn Jekọpụ, ụnụ ndị-ọkịkị alị Izrẹlụ! Ụnụ te furu hụn a marịn ihiẹn rị mma.

Maịka 4:7

E gi m ndị te wụ ngụrọ pumẹzi alị wẹ, gi ndị nwẹn m te jụ họnrin okẹn alị; mmẹ wụ Osolobuẹ a nọ Ugu Zayọnụ kị wẹ jẹnrin ejẹn.”

Zẹkaraya 10:12

M k'e mẹ ndị nke m wụrụ ndị hụn Osolobuẹ wụ ikẹn wẹ, e gi wẹ ẹfan m e jẹn. Ya kẹ Osolobuẹ ku.

Hibru 6:20

ebẹhụ Jesu burugụnị ẹnyi ụzọ banye makẹ ọrịrịmma ẹnyi, makẹni ọ wụrụgụọ onyẹ-isi nchụn-ẹjan jẹnrin ejẹn, ụdị nke Mẹkizẹdẹkị.

Joshụa 3:6

Joshụa nọzị sị ndị nchụn-ẹjan, “Buru ni Ẹkpẹti-nkwerigbama, ụnụ e buruni ndị Izrẹlụ ile ụzọ.” Ya wẹ nọ buli, buruni ndị Izrẹlụ ile ụzọ.

Rẹvẹleshọnụ 17:14

Wẹ k'a lụsọn Nwa-ebulu hụ agha, kanị Nwa-ebulu hụ k'e mẹri wẹ, makẹni ịya wụ Nna ndị wụ nna lẹ Eze ndị-nze lẹzi makẹni ndị ya lẹ wẹ wị wụ ndị ọ kpọ oku, ndị ọ họrị, ndị furu wẹ gi e dọn ẹnya.”

Rẹvẹleshọnụ 7:17

Makẹni Nwa-ebulu ahụn rị etintinnaị ebẹhụ ukpo hụ rị k'a wụrụ onyẹ-ndu wẹ: o k'e du wẹ shi isi-mirin mirin e ye ndụn. Chuku jẹnkọ d'e finchanpụ wẹ ẹnya-mirin ile.”