Maịka 2:12 - Ika

¹² “Omẹgụ, m sikọ d'e wegbamazịrịrị ụnụ, ụmụ Jekọpụ; m jẹnkọ d'e wegbamazị ndị k'a hụn isi. M k'e wegbama wẹ ile, a nọ wẹ kẹ atụnrụn rị ebe wụ nke wẹ, nọkẹ igunrun atụnrụn rịchanrịn ebe wẹ nọ a kpa nni hụn wụ nke wẹ; ụzụn k'e jun alịnị yeni ndị bu ọda rịn'a.”

Maịka 2:12 ပူးပေါင်းရင်းမြစ်များ

Jẹnẹsisi 36:33

Bẹla a nwụnhụn, Jobabụ nwa Zẹra onyẹ Bozra nọ rikin eze ẹ.

Ihiẹn Mẹni Nke Ibuzọ 1:44

Bẹla a nwụnhụn, Jobabụ nwa Zẹra onyẹ Bozra nọ rikin ẹ eze.

Azaya 11:11

Ogẹn hụ, Osolobuẹ jẹnkọ d'a tịnpụ ẹka nke mgbe ẹbụọ, wekinhẹnzi ndị nke ẹ họdụnị hụn rịsọnmẹ Asiria, Ijiptu ndịdan Iyi Naịlị, Ijiptu Ibe-elu wụ Patrọsị, Ẹtiopịa, Ẹlam, Shina wụ Babilọnụ, Hamatị lẹzi alị ndị teni rị mkpẹnrẹn ohimin.

Azaya 27:12

O ru ogẹn hụ, Osolobuẹ k'a kụkpọchanrịn alị-eze ile rị gha Iyi Yufretisi d'e ru Iyi udu-mirin rị ebe Ijiptu ru; o k'a kụkpọ wẹ kẹ w'a kụkpọ ọka, tụtụrụ ụnụ ndị Izrẹlụ ohu-ohu rịkẹ akpụrụ-ọka.

Azaya 34:6

Ẹdeke e jungụọ Ọpịa-agha Osolobuẹ; ụtọrọ e jungụọ a — nọkẹ sị o gbu ewu lẹ ebulu, ụtọrọ rị akụnrụn ebulu. Makẹni Osolobuẹ k'e gbu ịhịan kẹ anụ wẹ gi a chụn ẹjan imẹ obodo Bozra rị alị Ẹdọm — o k'e gbu okẹn ogbugbu imẹ alị Ẹdọm!

Azaya 5:17

O mẹgụ wẹ ihiẹn, alị wẹ e họnrin ọfịa atụnrụn a nọ a kpa nni, mmụ-atụnrụn k'a nọ ụlọ ndị-ịdanfịn ndị hụ k'e mẹ mkpọkọ-mkpọkọ e ri ihiẹn-oriri.

Jerimaya 23:3

Mmẹ lẹ enwẹn m k'e kpọngbama ndị nke m k'a nwụnhọdụnị imẹ alị ndị ahụn m chụshi wẹ, wekinhẹn wẹ alị wẹ hụn wẹ nọ e rijun ẹfọ, alị w'a nọ mụba, buwaye ọda.

Jerimaya 3:18

O ru ogẹn ahụn, ikpụlọ Juda k'a bannị ikpụlọ Izrẹlụ. Wẹ ile k'a wị gha alị rị ẹbamịn-ugu lụaha alịnị m ye ndị nẹdi ụnụ kanị weri nị ya wụ ukuu wẹ.

Izikẹlụ 34:11

“ ‘Makẹni, Osolobuẹ Nwọn Ihiẹn Ile sị: Mmẹ lẹ enwẹn m sikọ nwan d'a chọ atụnrụn m, chọ wẹ ru alị.

Izikẹlụ 34:13

M k'e wepụha wẹ alị ndị ọzọ wẹ rị, gha alị ndị ọzọ hụ kpọnlụa wẹ alị wẹ; a nọ m elu ugu ndị rị alị Izrẹlụ lẹ ọdanmgbugbu alị Izrẹlụ lẹ ebe ile ịhịan e bi imẹ ẹ dumẹ wẹ.

Izikẹlụ 34:22

m k'a zụọpụha atụnrụn m, achụkọzị wẹ wẹ e gburi. M k'a hannị atụnrụn lẹ ibe ẹ eṅẹn.

Izikẹlụ 34:31

Ụnụ wụ atụnrụn m, atụnrụn m'a zụn hụn wụ ịhịan; mmẹ wụ Chuku ụnụ. Ya kẹ Osolobuẹ Nwọn Ikẹn Ile ku.’ ”

Izikẹlụ 36:37

“Osolobuẹ Nwọn Ihiẹn Ile sị: ‘M k'a nịzị ndị Izrẹlụ rịọ m mẹni wẹ ihiẹn; m k'e mẹ ndị nke wẹ barahị nọkẹ atụnrụn,

Izikẹlụ 37:21

y'a sị wẹ, ‘Osolobuẹ nwọn ihiẹn ile sị: M sikọ d'e weri ndị Izrẹlụ imẹ alị ndị hụ wẹ rị, e wegbama m wẹ, ebe lẹ ebe wẹ rịlẹ, welụa wẹ alị wẹ.

Hosia 1:11

Ndị Juda lẹ ndị Izrẹlụ Ẹbamịn-ugu k'a kịgbama, a họrị wẹ onyẹ-isi ohu jẹnkọ d'a kịnị wẹ, a palizi wẹ, ghamazị ihun imẹ alịnị. Eziẹ, ụhụọhịn Jezriẹlụ k'a wụ okẹn ụhụọhịn!

Emọsụ 1:12

M jẹnkọ nwan d'e zi ọkụn ye obodo wẹ wụ Tẹmanị. Ọkụn ahụn k'e ripụ ụlọ-agha ile zegbu enwẹn wẹ hụn rị isi alị wẹ wụ Bozra.”

Maịka 2:13

Onyẹ hụn e tikpọnị wẹ mgbọn sikọ d'e buruni wẹ ụzọ; wẹ k'a gha ọnụ-mgbọn alị gini wẹ zụnkpọpụha, la alị hụ tọ. Eze wẹ k'e buruni wẹ ụzọ, Osolobuẹ k'a rị wẹ ihun.

Maịka 4:8

Ịyụ nwẹn, Jerusalẹm, Okẹn ụlọ-nche atụnrụn Osolobuẹ, Ebẹhụ zeni ndị Zayọnụ a gbaban, ọkịkị hụn te wụ nke i lalazị, Jerusalẹm k'e rizi eze!

Maịka 5:7

Ogẹn hụ, ndị ebọn Jekọpụ k'a họdụnị k'a rị imẹ igunrun alị ndị ọzọ nọkẹ igirigi Osolobuẹ zihẹ; wẹ k'a nọ kẹ mirin zueye irurue hụn ghalẹni e cheri ịhịan, hụn ghalẹni e che ịhịan-mmaka.

Maịka 5:8

Ẹghẹẹ, ebọn Jekọpụ hụn k'a họdụnị, hụn k'a rị imẹ igunrun alị ndị ọzọ bu ọda, k'a rị kẹ ẹwọrọ hụn rị imẹ anụmanụ ndị ọzọ rị ẹgboko; Wẹ k'a rị kẹ nwa-ẹwọrọ rị imẹ igunrun atụnrụn, ọ ghakọnị imẹ igunrun atụnrụn, ọ hụ a zọgbu wẹ, a dọrinrin wẹ, onwọnni onyẹ a saẹka a zụọpụha wẹ ẹka a.

Maịka 7:14

Osolobuẹ dodo, gi ọkpọ ị du ndị nke i, atụnrụn ị hụn wẹ sụọ bi imẹ ọfịa, ọsụọn'a nị wẹ rị adamada ogige mẹ wokowoko. Dodo nịzị wẹ kpa nni imẹ Bashanị lẹ Gilẹdị kẹ wẹ e mẹ mbụ-mbụ.

Maịka 7:18

Elee mmọn nọ kẹ yụ wụ Osolobuẹ, hụn a gbagharị njọ? Ịyụ hụn jẹnkọ d'e bupụ ẹnya njọ ndị nke i ndị nke hụn k'a họdụnị? Osolobuẹ ara wesọnmẹ iwe jẹnrin ejẹn, makẹni ihiẹn-ọsụsụọ wụ ihiẹn a sụọn'a.

Zẹfanaya 3:20

O ru ogẹn ahụn, m k'e welụa ụnụ, ogẹn ahụn m'e gi wegbama ụnụ. M k'e ye ụnụ ọghọ imẹ alị ile rị elu ụwa. Wẹ k'a gha a ja ụnụ mma Ogẹn m'e gi mẹ n'ọ rịzịnị ụnụ mma.” Ya kẹ Osolobuẹ ku.