Maịka 2:1 - Ika

¹ Ọ rịkọnị ụnụ mma, ụnụ ndị e chu ụran elu-ukpo, e rotọ eje-ihiẹn, eki fọn, e mẹ w'ẹ makẹni ọ rị wẹ ẹka.

Maịka 2:1 ပူးပေါင်းရင်းမြစ်များ

Jẹnẹsisi 31:29

M k'a s'ẹka rụ ị ẹhụ; kanị, Chuku Aziki nẹdi i gwa m oku imẹ uhinhin, sị m, ‘Asịkwọlẹ Jekọpụ ihiẹn ọwụlẹ — kẹ mma kẹ njọ!’

Ndị-nze Nke Ibuzọ 21:7

Nwunyẹ ẹ wụ Jezibẹlụ nọ sị a, “Ẹlẹdẹ ịyụ wụ eze Izrẹlụ?! Lihi n'i ri ihiẹn-oriri! Shịapụ ihun. M k'e ye i alị vaịnị Nabọtụ onyẹ Jezriẹlụ.”

Ẹsta 3:8

Ya Hamanị nọ sị eze wụ Ahazẹrusu, “O nwọn ndị rị ichẹn hụn rị imẹ igunrun alị ichẹn-ichẹn Azụụn ile rị alị-eze i. Ọdịnanị wẹ rị ichẹn ebe nke alị ndị ọzọ ile rị, w'ara dọnmẹ iwu eze. Ọ rịnị mma nị eze gba wẹ nkịtịn.

Ẹsta 5:14

Ya nwunyẹ ẹ wụ Zẹrẹshi lẹ ndị ọwụ a hụ ile nọ sị a, “Rụn ebe wẹ nọ e hogbu ịhịan: ojijẹn-elu ẹ k'a wụ ọb'ụkụ mmisẹn kwasị ọgụn-ẹtọ (75). Ụtụntụn ekile y'a gwa eze n'ọ sị wẹ gi ẹ hogbu Mọdikaya, kẹni ẹfọ sụọma ị ụsụọ nị ị sọnjẹn eze oriri hụ.” Iroroni wẹ tụ sụọ Hamanị ụsụọ, ọ nọ kpọ ndị a rụnn'a, wẹ nọ rụnn'a ebe wẹ nọ e hogbu ịhịan.

Ẹsta 9:25

Kanị, mgbe Ẹsta gi jẹnburu eze, eze nọ ti iwu, detu ẹ, sị wẹ hụn a nị eje-ihiẹn ahụn Hamanị romẹni ndị Ju nọ isi ẹ bi, sịzịkwọ wẹ hogbu Hamanị, kọn ẹhụ ụmụ a ikẹnnyẹ ye ihiẹn wẹ gi e hogbu ịhịan.

Jobu 15:35

Wẹ tụrụ nsọngbu lekẹ imẹ, a mụ wẹ eje-ihiẹn nọkẹ nwa; ndufie rị wẹ ẹfọ a hama kẹ nwa.”

Jobu 24:14

Eki gi, izighẹ e heli, gbumẹ ndị igbẹnnyẹ lẹ ndị elu rị a fụ — uhinhin k'o gi e gepụ nọkẹ onyẹ-ohin.

Ẹbụ-ọma 36:4

O dinẹ elu-ukpo, ọ mama eje-ihiẹn o k'e mẹ; o kweri n'o k'e mẹ ẹ — ọ jụkọ eje-ihiẹn hụ.

Ẹbụ-ọma 36:5

Euu Osolobuẹ, ihiẹn-ọsụsụọ ị e jẹnhanghọ elu kẹ igwere; kẹ orukpu dọn jẹn elu ọda-ọda, ẹrịra kị dọn wụ Onyẹ wẹ gi e dọn ẹnya ọda-ọda.

Ẹbụ-ọma 58:3

Ndị-ejẹni gha ẹfọ nnẹ wẹ kpahumẹ; imẹ ẹfọ kẹ wẹ gha tụma ntụ.

Itẹn 12:2

Ọhụnma kẹ Osolobuẹ e mẹni ezigbo ịhịan, kanị ikpe kẹ Osolobuẹ a ma onyẹ ẹro.

Itẹn 14:22

Ẹlẹ ọkpahu kẹ ndị e romẹ eje-ihiẹn a kpahu? Kanị ihiẹn-ọsụsụọ lẹ ezioku e kunrun ndị e ro mma.

Itẹn 3:27

Egikwọlẹ ihiẹn ru ịhịan jọ a ẹfọ, omẹni ẹka ị k'ọ rị.

Itẹn 4:16

Makẹni wẹ ara s'ẹka ranhịn mmanị wẹ mẹgụ eje-ihiẹn; ụran ara tụ wẹ mmanị wẹ mẹgụ ịhịan dan.

Azaya 29:20

Ndị ẹfọ jọ arịkọzị a, ndị a mụ ịhịan ẹmụ arịkọzị a; wẹ k'e gbupụ ndị ile ẹnya wẹ rị eje-ihiẹn —

Azaya 3:14

Osolobuẹ a mama ndị-ichẹn lẹ ndị-ndu ndị nke ẹ ikpe: “Ụnụ haịn alị vaịnị m wụ Juda gi wiwi; ihiẹn ụnụ kwanarịn ndị-igbẹnnyẹ jun iwe ụnụ.

Azaya 32:7

O mẹ nke eje-ịhịan, eje-ihiẹn rị a ẹka ogẹn ile; o ropụha eje-ihiẹn — hụn wẹ gi e kingbu ogbẹnnyẹ imẹ ọgwa, ọsụọn'a nị ogbẹnnyẹ te k'e ri eṅẹn.

Azaya 5:8

Nsọngbu rị e che ụnụ ndị rị e nwọnrin ụlọ e cheni ụlọ, e nwọnrin ọfịa e cheni ọfịa d'e ru n'o nwọnzini ebe họdụnị ndị ọzọ, ụnụ sụọ e biri nwan alị nwẹn.

Azaya 59:3

Ẹdeke ndị ụnụ gbu rịsọnmẹ ụnụ ẹka; eje-ihiẹn ụnụ mẹ a ghagbarịgụọ ụnụ mkpịnsịn-ẹka ile. Ọnụ ụnụ a tụnsọnmẹ ntụ; ire ụnụ e kusọnmẹ eje-ihiẹn.

Jerimaya 18:18

O nwọn ndị sị, “Bịa nị, nị ẹnyi chọ ihiẹn ẹnyi e mẹ Jerimaya, makẹni, ẹnyi e nwọnghọ ndị nchụn-ẹjan a kuzi ẹnyi Iwu lẹ ndị marịn ihiẹn hụn a dụn ẹnyi ọdụn lẹ ndị-amụma e ku ọnụ Osolobuẹ. Pụha nị, nị ẹnyi gi ọnụ gbu ẹ; nị ẹnyi gọnbehi ni ntịn ihiẹn ọ rị e ku!”

Izikẹlụ 11:2

Osolobuẹ nọ sị m, “Nwa ịhịan, ndịnị wụ ndị rị a mama eje-ihiẹn, e ye eje-ndụnmọdụn imẹ obodoni.

Izikẹlụ 33:26

Ụnụ hụ e gi ọpịa-agha ụnụ e bi, e mẹ arụ, onyẹ-onyẹ lẹ nwunyẹ ibe ẹ hụ e mẹ arụ. Nanị ụnụ e dọn nwan nwọnrin alịnị?’

Izikẹlụ 38:10

“ ‘Osolobuẹ Nwọn Ihiẹn Ile sị: o ru ogẹn ahụn, y'e romẹ ihiẹn i k'e ro, y'a mama eje-ihiẹn.

Izikẹlụ 46:18

Onyẹ-ọkịkị anarịnkọ ịhịan ihiẹn ọwụlẹ wụ ukuu ẹ, ọ bịangbukọ wẹ napụ wẹ ihiẹn wẹ. Alị a sụọ k'o k'a nọ ye ụmụ a, amamgbe o nwọn onyẹ wẹ chụpụ alị a imẹ ndị nke m.’ ”

Maịka 6:12

Ndị mmẹgbu lẹ ẹka-ikẹn kẹ ndị ịdanfịn ụnụ wụ; ntụ a mụmarịngụọ ndị obodo ụnụ; ntụ-ntụ jun wẹ ọnụ.

Nahum 1:11

O nwọngụọ onyẹ gha imẹ yụ wụ Ninivẹ bịa, hụn rị e zuni Osolobuẹ eje umẹ, a maman'a eje-ihiẹn.

Zẹkaraya 7:10

abịangbulẹ ni ikpoho di wẹ nwụn, ndị nwọnlẹni nẹdi, abịamabịa lẹ ndị igbẹnnyẹ; amamalẹ ni ni ibe ụnụ eje-ihiẹn.”

Makị 15:1

Hụn eki gihụ fọn, ndị-isi nchụn-ẹjan lẹ ndị-isi lẹ ndị-nkuzi Iwu lẹ ndị ile rị Ndị-isi Nkịkwama nọ zu, tụgbama iroro. Wẹ nọ kẹn Jesu ẹgbụn, duru ẹ pụ, wẹ ẹ ye Paịleti, Gọvanọ rị a kịdọnni ndị Rom.

Luku 20:19

Ya kẹ ndị-nkuzi Iwu lẹ ndị-isi nchụn-ẹjan nọ mẹ nị wẹ nwụnrụn Jesu ozigbo, makẹni a ghọtagụọ wẹ nị uwẹ k'ọ tụnị ilu hụ; kanị, egun igunrun ahụn anịnị wẹ.

Jọnụ 19:11

Jesu nọ sị a, “Onwọnni ihiẹn i k'a saẹka mẹ m mmanị Osolobuẹ rị elu-igwee kweri e kweri. Ya wụ, onyẹ hụ bu m che ẹka ị ka njọ e mẹ.”

Ọrụn Ndị-ozi 23:12

Eki e fọn ụtụntụn, ụfọdụ ndị Ju nọ zugbama, kun Osolobuẹ, sị erikọ wẹ, arakọ wẹ, d'e ru ni e gbugụ wẹ Pọlụ.

Ọrụn Ndị-ozi 23:15

Ụnụ lẹ Ndị-isi Nkịkwama, zi ni nwan ozi jẹnni onyẹ-isi agha kanị, n'o wẹhẹni ụnụ Pọlụ. Kun'ẹ nọkẹ sị ụnụ chọ nị ụnụ lebankẹnmẹ oku ẹ ẹnya; ẹnyi nwẹn a kwademẹgụọ nị ẹnyi gbu ẹ o gini d'e ru ebeni.”

Ndị Rom 1:30

ndị e kuja oku ịhịan, ndị ize Osolobuẹ e ze; w'a kpari ịhịan, a pache, a nyan isi, e ropụhasọnmẹ eje-ihiẹn, e nupụ isi okpuru ndị mụnị wẹ.

Ditrọnọmi 28:32

Wẹ sikọ d'e we ụmụ ị ikẹnnyẹ lẹ ikpoho ye ndị alị ọzọ, y'a tọ e lee ẹnya wẹ ụhụọhịn-ụhụọhịn, ẹnya a rọ ị — bụ y'a sakọ ẹka mẹ ihiẹn ọwụlẹ.