Maịka 1:8 - Ika

⁸ Ufiri ihiẹnni, m jẹnkọ d'a kwan, goo; m jẹnkọ d'e gi ọtọ lẹ ụkụ mmaka a ghahunmẹ! M k'e yisọnmẹ nọkẹ nkitẹ-ọfịa; m k'e wo nọkẹ ozuzu!

Maịka 1:8 ပူးပေါင်းရင်းမြစ်များ

Ndị-nze Nke Ẹbụọ 18:13

Hụn mẹ ẹ ahụa mmẹnọ Hezikaya kịma, Sẹnakẹribụ wụ eze Asiria nọ bịa d'a maye obodo ile wẹ tụnhunmẹ mgbọn imẹ alị Juda, a banchanrịn w'a ẹka.

Ẹsta 4:1

Ogẹn Mọdikaya gi marịn ihiẹn ile rị e mẹni, ọ nọ tika ẹwuru ye enwẹn ẹ olu, yiri ẹkpa-mkpụrụ wẹ gi a kwan ụya, kpọn ntụn kpu enwẹn ẹ, shi imẹ obodo hụ, e goo, a kwan ụya.

Jobu 30:29

Mmẹ lẹ jakalụ rị ọfịa e yi oro e họnringụọ ohu; e yimẹgụọ m oro kẹ onyẹ ya lẹ ozuzu gba a wị.

Ẹbụ-ọma 102:6

M rịhụ kẹ ozuzu-ọfịa rị imẹ atụ, ozuzu-nta rị ebe mẹ mkpọkọ-mkpọkọ.

Azaya 13:21

Anụ a kpa imẹ atụ k'a gha e dinẹ ebahụn — anụ ndị e yi oro k'e jun mkpọkọ ụlọ ndị hụ ozuzu-uku k'e bizi ẹ ewu-ọfịa a nọ ebẹhụ a wụhunmẹ.

Azaya 13:22

Eje-nkitẹ ọfịa wụ haịna k'a rị mkpọkọ okẹn ụlọ wẹ a gbọ, anụ-ọfịa wụ jakalụ nkẹ a nọdị mkpọkọ obi-eze ọma wẹ a gbọzịkwọ. Ogẹn w'e gi tikpọ Babilọnụ a rịgụọ nsue! O biekọzị.

Azaya 16:9

Ya haịn m gi rị e sọn Jaza a kwan ẹkwan a kwannị vaịnị ndị rị Sibma. Euu, Hẹsh'bọnụ! Euu, Ẹlialẹ! Ẹnya-mirin m e guhuchanrịn ụnụ! Makẹni oro ndị rị a ghọghọ nị ọka a kagụọ arịzị a lẹ ndị rị e yi ebe wẹ nọ e we ihiẹn-ugbo.

Azaya 21:3

Ihiẹnni m hụn hụ a ta m ẹfọ, ọ tụrụ m kẹ ebe imẹ rị e mẹ okpoho; ihiẹn m nụ ọnụ Osolobuẹ rị a gụ m ndụn, ihiẹn ọ ghọsị m tụ m egun ọda-ọda.

Azaya 22:4

Ya haịn m gi a sị, “Pụ nị nị m; nị m kwan, kwangbu enwẹn m. Arọkọlẹ ni m obi kaka — nị e tikpọgụọ wẹ ndị nke m.”

Azaya 32:11

Ikpoho ndịnị enwẹn wẹ jun ẹfọ, tụkwọ nị egun! Sọngbumẹkwọ nị enwẹn ụnụ, ụmụ nwọnlẹni ihiẹn e sọngbuni wẹ; yipụkwọ nị ẹwuru rị mma lẹ ihiẹn-mma ụnụ, ụnụ e jeri hụn wẹ gi a kwan ẹkwan, kwanma, makẹni okẹn nsọngbu rị!

Jerimaya 4:19

Heuu, ụya e gbuẹ m! Ụya e gbuẹ m!! Lee ihiẹn m rị e fie-o. Heuu, ọ fụru m akpobi! Akpobi hụ a dụ m kpum-kpum. Asa m ẹka gba nkịtịn, makẹni a nụgụọ m opi agha; a nụgụọ m oro-agha.

Jerimaya 9:1

K'ọ rị m, isi m ile wụ iyi-iyi; k'o furu, ẹnya m wụ isi-mirin ẹnya-mirin! Nkẹ m hụ a kwan ẹkwan uhinhin lẹ efinnaị, a kwan ndị nke m wẹ gbu.

Jerimaya 9:10

Mmẹ wụ Jerimaya sị, “M k'a kwan ẹkwan elu ugu, e goo m; a bụ m ẹbụ, a kwan ọfịa wiwisọnmẹni hụn anụ te nọsọnmẹ a kpa nni imẹ atụ — makẹni wẹ ile a gbagụọ okpokoro, onwọnzini onyẹ a gha ebẹhụ; w'a ra nụzị olu anụ imẹ wẹ; kẹ nnụnụ kẹ anụ-ọfịa a gbachanrịngụọ a tọ.”

Jerimaya 9:19

Makẹni, olu ẹkwan rị a pụ obodo Zayọnụ, a sị: ‘Nke ẹnyi a gụ! Ifẹnrẹn e mẹgbu ẹnyi! Ẹnyi jẹnkọ nwan d'a pụrịrị alị ẹnyi, makẹni ụlọ ẹnyi wụ nwan mkpọkọ-mkpọkọ.’ ”

Izikẹlụ 32:18

“Nwa-ịhịan, kwan igwerigwe alị Ijiptu, n'i wetu Ijiptu lẹ okẹn alị ndị ọzọ kpa ikẹn che ebe kachanrịn e mi imẹ alị, we wẹ cheni ndị lashigụ mgbugbu hụ.

Maịka 2:4

O ru ogẹn hụ, wẹ k'a gba ị ẹbụ, sị, ‘Heuu, nke ẹnyi a gụ-o! Osolobuẹ e hutọgụọ ezigbo ọnọdị ndị nke ẹnyi! Ọ napụgụọ ẹnyi ihiẹn ẹnyi; o wegụọ alị lẹ ugbo ẹnyi keni ndị ghalẹni e fe ẹ!’

Samuẹlụ Nke Ibuzọ 19:24

Ọ gbụpụdẹ ẹwuru ẹ, bu amụma idẹnya Samuẹlụ, gba ọtọ dinẹ akpakalị, ọhị a gba, eki e fọn. Ya kẹ wẹ gizi a sị, “Sọlụ rịzịdẹ ndị-amụma ra?”