Maịka 1:6 - Ika

⁶ M jẹnkọ d'e tikpọ Sameria, o họnrin mkpọkọ-ụlọ mkpọkọ-ụlọ, họnrin ọfịa wẹ nọ a rụn vaịnị; e kpọn m ọmụma a ile ye imẹ ọdanmgbugbu, a hụnchanrịn wẹ iyetọ a.

Maịka 1:6 ပူးပေါင်းရင်းမြစ်များ

Samuẹlụ Nke Ẹbụọ 17:13

Ọ gbaban imẹ obodo, ndị Izrẹlụ ile e weri eriri bịa obodo hụ, ẹnyi a dọkpụn obodo hụ, dọ a ye ọdanmgbugbu d'e runi onwọnzini kaka akpụrụ-iyi ohu k'a họdụnị.”

Ndị-nze Nke Ẹbụọ 18:10

O zu ahụa ẹtọ wẹ kehunmẹ, ọ nọ ban a ẹka. Hụn mẹ ẹ ahụa isin Hezikaya kịma k'o mẹ. Ya wụ, hụn mẹ ẹ ahụa itenẹi Hoshia kịma Izrẹlụ kẹ ndị Asiria weri Sameria.

Ndị-nze Nke Ẹbụọ 18:9

Hụn mẹ ahụa ẹnọ Eze wụ Hezikaya kịma Juda, hụn mẹzikwọ a ahụa ẹsa Hoshia nwa Ẹla eze Izrẹlụ Ẹbamịn ugu kịma, Shal'manẹsẹ wụ eze Asiria nọ bịa d'a lụ obodo Sameria agha, kehunmẹ ẹ.

Ndị-nze Nke Ẹbụọ 19:25

“Y'e ke nụ? E tumẹgụọ m'a mbụ-mbụ n'o k'a rị ẹnịna. A kayegụọ m'a mbụ-mbụ; a nịgụọ m'a nwan mẹ, ya haịn i gi saẹka e gi obodo ndị wẹ tụnhunmẹ mgbọn e họnrin mkpọkọ-ụlọ mkpọkọ-ụlọ;

Azaya 17:1

Ihiẹnni kẹ Osolobuẹ ku Banyeni Damaskọsụ: Ọ sị, “Lee ẹnya, Damaskọsụ awụkọzị obodo; o k'a wụrụ ikpọn mkpọkọ-ihiẹn mkpọkọ-ihiẹn.

Azaya 25:12

O jẹnkọ d'e wetuchanrịn okẹn mgbọn ụnụ ndị hụ zeni, o we wẹ gbama alị; wẹ k'e wetu wẹ ru alị — ruchanrịndẹ imẹ uzunzun lẹ enwẹn ẹ.

Azaya 25:2

Y'e mẹgụọ obodo họnrin mkpọkọ-mkpọkọ, mẹ obodo wẹ tụnhunmẹ mgbọn zeni wụrụ ihiẹn wẹ tikpọ la iwi; okẹn obodo nwẹn ndị alị ọzọ gi e dọn ẹnya arịzị a; atụndọnzikọ w'a.

Jerimaya 31:5

Ụnụ jẹnkọ d'a kụnmazị alị vaịnị elu òke ndị rị obodo Sameria, rama manya-vaịnị; ndị kụnnị wẹ k'e ri wẹ.

Jerimaya 51:25

Mmẹ lẹ ịyụ rọ, okẹn-ugu e tikpọ ihiẹn! Ịyụ hụn rị e tikpọ ụwa ile, ẹka m jẹnkọ d'e bitụ ị, nutu i, mẹ i wụrụ ugu la iwi. Mmẹ wụ Osolobuẹ ku ẹ.

Jerimaya 51:37

Babilọnụ k'e họnrin mkpọkọ-mkpọkọ, anụ-ọfịa e bikin ẹ; ọ wụrụ ihiẹn egun w'e gi a kpa ẹmụ, ebe ịhịan bilẹni.

Jerimaya 9:11

Osolobuẹ sị, “M k'e mẹ Jerusalẹm wụrụ mkpọkọ-ụlọ, mkpọkọ-ụlọ, nkitẹ-ọfịa e bi atụ e biri ẹ; m k'e tikpọchanrịn obodo ndị rị alị Juda la iwi, onwọnzini onyẹ k'a sa ẹka bi imẹ wẹ.”

Ẹkwan 4:1

Goru nwẹn egbukezini, ezigbo goru nwẹn a rakpo! Ọmụma ndị nwẹn rị nsọ feyịya nwan isi ọgbara-ogbe ile.

Izikẹlụ 13:14

M k'a kụtu ụsụọ-ẹjan ahụn ụnụ te ihiẹn ma mma, kụtu ẹ ru alị, a hụndẹ wẹ iyetọ a; ọ dan, dangbu ụnụ, ụnụ a marịn nị mmẹ wụ Osolobuẹ.

Hosia 13:16

Ndị Sameria k'a tarịrị afụnfụn njọ a hụn wẹ gi nupụ isi okpuru Chuku wẹ; wẹ k'e gi ọpịa-agha gbu wẹ; wẹ k'e gi ụmụẹka wẹ fịan alị, bụọ ikpoho wẹ rị imẹ ẹfọ.”

Emọsụ 5:11

Ebe ụnụ rị a zọ ndị igbẹnnyẹ ụkụ isi, a sị wẹ tụnị ụnụ ọka, ụnụ ebikọ ezigbo ụlọ ndị ahụn ụnụ gi ọmụma wẹ chọ mma tụn! Ụnụ arakọ manya alị-vaịnị ndị ahụn rịgbu enwẹn ẹ mma hụn ụnụ rụn;

Emọsụ 6:8

Osolobuẹ, Onyẹ ahụn nwọn ihiẹn ile e kungụọ enwẹn ẹ, sị, “Mmẹ wụ Osolobuẹ, Chuku ihiẹn ile rị okpuru ẹ, sị, ‘Mpache ụmụ Jekọpụ e ze m ize! Ebe mgbaban ile wẹ tụn wẹ gi e dọn ẹnya e zezi m ize! M k'e we obodoni wụ Sameria lẹ ihiẹn ile rị n'a ye ndị k'e tikpọn'a.’ ”

Maịka 3:12

Ufiri ẹ, obodo Zayọnụ jẹnkọ d'a nọ kẹ ọfịa wẹ sụn dụkpọ, Jerusalẹm jẹnkọ d'e mẹ mkpọkọ-mkpọkọ; uguni ụlọ-nsọ rị elu ẹ jẹnkọ d'e họnrin ẹgboko rị elu ugu.

Habakọkụ 3:13

Ị nọ jẹnpụha d'a zụọpụha ndị nke i, d'a zụọpụha onyẹ hụn i tumẹ. Ị nọ gweriẹn onyẹ-isi eje alị hụ, napụchanrịn wẹ ikẹn wẹ. Sẹla

Matiu 24:2

Kanị Jizọsị nọ sị wẹ, “Ụnụ a hụn ihiẹn ndịnị? M rị a gwa ụnụ ezioku, onwọnni ogbe ọmụma ohu jẹnkọ d'a họdụ elu ibe ẹ; wẹ k'a kụtuchanrịn wẹ ile.”