Maịka 1:2 - Ika

² Gọn ni ntịn, ndị alị ile; ụnụ ile, gọn ni ntịn! Elu-ụwa lẹ ihiẹn ile rịn'a, gọn ntịn! Gọn ni ntịn, nị Osolobuẹ nwọnni ẹnyi shịagbu ụnụ ẹri; n'ọ gha Ụnọ-NSỌ a rị nsọ ku ihiẹn ụnụ mẹ!

Maịka 1:2 ပူးပေါင်းရင်းမြစ်များ

Ndị-nze Nke Ibuzọ 22:28

Maịkaya nọ yi, “Ị hụn isi lụa, ya wụnị ẹlẹ Osolobuẹ gwa m ihiẹn m ku!!” Maịkaya nọzị sị ndị rị ebẹhụ, “Ụnụ ile, kọma nị oku m ẹnya!”

Ihiẹn Mẹni Nke Ẹbụọ 18:27

Maịkaya nọ sị a, “Ị hụn isi lụa, ịya wụnị ẹlẹ Osolobuẹ gi m ku ihiẹn m ku.” Maịkaya nọzị sị ndị rị ebẹhụ, “Ụnụ ile, ụnụ a nụgụọ ihiẹn m ku!”

Ẹbụ-ọma 11:4

Mba! Osolobuẹ hụkwọ Ụlọ-NSỌ a — Osolobuẹ hụdẹ ukpo-eze ẹ rị elu-igwee, a kị. Ọ hụ e lee ịhịan, e lele wẹ;

Ẹbụ-ọma 24:1

Elu ụwa wụ nke Osolobuẹ, ịya lẹ ihiẹn ile rịn'a; elu-ụwa lẹ ndị ile bin'ẹ;

Ẹbụ-ọma 28:2

Nụ ẹkwan m gi a rịọ ị n'i mẹni m omikẹn, a kpọ ị d'e yeni m ẹka, a kịshi ẹka m elu e zinmẹ Ebẹhụ kachanrịn nsọ ị rị.

Ẹbụ-ọma 50:1

Chuku Kachanrịnnị, hụn wụ Osolobuẹ, rị e ku; ọ rị a kpọ ụwa ile oku, gha ẹbamịn ọwụwa-ẹnyanwụn d'e ru ẹbamịn ọdịdan-ẹnyanwụn.

Ẹbụ-ọma 50:12

Omẹni ẹgụn te gi m, agwakọ m ụnụ, makẹni ụwa lẹ ihiẹn ile rịn'a wụ nke m.

Ẹbụ-ọma 50:7

Gọn ni ntịn, ndị nke m, nị m ku; ụnụ ndị Izrẹlụ, gọn ni ntịn, nị m shịagbu ụnụ ẹri. Mmẹ wụ Chuku, Chuku ụnụ.

Itẹn 8:4

“Ụnụ ile! Ụnụ kẹ m rị a hị; ịhịan ile kẹ m weshini olu elu a kpọ.

Azaya 1:2

Igwere nụ a! Elu-ụwa, gọn ntịn! Makẹni Osolobuẹ sị: “Mmẹ zụn ụmụ, zụnpụha wẹ, kanị wẹ rị nwan a pa oku m.

Azaya 18:3

Ụnụ ile rị ụwa, ụnụ ndị bi elu-ụwa! Ụnụ k'a hụn a kẹ w'a hụn flagị-ahịma rị elu ugu; Ụnụ jẹnkọ d'a nụ a kẹ w'a nụ opi.

Azaya 50:7

Makẹni Di-nwọnni-ẹnyi wụ Osolobuẹ hụ e yeni m ẹka, afanị m. Elekọ m ẹnya azụụn; a marịnghọ m nị afakọ m.

Jerimaya 22:29

Alị Juda! Alị-Juda-ee! Alị-Juda-ee!! Gọnkwọ ntịn nị ị nụ ihiẹn Osolobuẹ ku:

Jerimaya 29:23

M k'e mẹ wẹ ẹbụbụọ ẹrịra makẹni e mẹgụọ wẹ arụ imẹ Izrẹlụ; a nagụọ wẹ ibe wẹ inyẹnmẹ, gi ẹfan m tụ ntụ, ku ihiẹn m gwalẹni wẹ kụ. A marịnghọ m ihiẹn wẹ mẹ; m wụ ọshẹri.’ ” Ya kẹ Osolobuẹ ku.

Jerimaya 42:5

Ya wẹ nọ sị Jerimaya, “Osolobuẹ ya shịagbu ẹnyi ẹri lekẹ ezigbo ọshẹri wẹ gi e dọn ẹnya omẹni ẹnyi emẹni ihiẹn Osolobuẹ wụ Chuku i gwa ẹnyi, mẹchanrịn a k'o dọn ku ẹ.

Jerimaya 6:19

Elu-ụwa ile, gọnkwọ ntịn: m welanị ndịnị ntikpọ — ịya wụ erere eje-ihiẹn wẹ mama, makẹni egini wẹ oku m dọn, makẹni edọnmẹni wẹ iwu m.

Jona 2:7

“Ogẹn ndụn m gi lakọ, m nọ nyanhan ị, Osolobuẹ, m nọ mẹ ekpere rịọ ị; ekpere m nọ ru ebe ị rị imẹ Ụnọ-NSỌ ị.

Jona 2:8

Ndị hụn e fe mmọn nwọnlẹni isi a latọgụọ ihiẹn yụ lẹ wẹ kwerigbama.

Habakọkụ 2:20

Kanị Osolobuẹ nkẹ rị Ụlọ-NSỌ a: ụwa ile wẹ gba nwan nkịtịn ihun ẹ!!”

Malakaị 2:14

Ụnụ hụ a jụ, “Kị haịn Osolobuẹ gilẹni a narịn oyiye ẹnyi?” Osolobuẹ rị a shịagbu i ẹri haịn, ọ rị a hannị ịyụ lẹ nwunyẹ-ụtụntụn ị eṅẹn ebe ị nọ la a tọ, ọsụọn'a nị ịyụ lẹ ịya rị kete-kete, ọsụọn'a n'i kwe nkwa lụrụ a.

Malakaị 3:5

M k'a nọzụnhan d'e kin ụnụ ikpe, a shịagbu m ndị e gi ikẹn ọzọ a rụn ẹri, elekọ m ẹnya azụụn, wẹ lẹ ndị di lẹ nwunyẹ ẹnya wẹ rị ogbe lẹ ndị a shịa ẹri ntụ lẹ ndị e ri ụgwọ-ọrụn ndị wẹ we ọrụn; ndị e mẹgbu ikpoho di wẹ nwụn lẹ ndị e mẹgbu ndị nwọnlẹni nẹdi lẹ ndị e nupụ abịamabịa — ndị ile ghalẹni a gbaye m. Ịya kẹ Osolobuẹ Ihiẹn ile rị okpuru ẹ ku.

Ditrọnọmi 32:1

Igwere, gọn ntịn nị m ku; elu-ụwa, nụ oku-ọnụ m.

Rẹvẹleshọnụ 2:11

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ mẹri, ọnwụn nke ẹbụọ erukọ a ẹhụ.’

Rẹvẹleshọnụ 2:17

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụ mẹrini kẹ m jẹnkọ d'e ye mana hụ zuerini. M k'e yezikwọ a ọmụma ọchan hụ wẹ deye ẹfan ọhụn hụn o mẹ ni onyẹ wẹ ye ẹ sụọ k'a saẹka marịn a.

Rẹvẹleshọnụ 2:29

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn!

Rẹvẹleshọnụ 2:7

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụn mẹrini kẹ m k'a nị ri mkpụrụ-osisi ahụn e ye ndụn hụn rị Paradaịsị, Alị Ezumikẹn Osolobuẹ.

Rẹvẹleshọnụ 3:13

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn!

Rẹvẹleshọnụ 3:22

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn!”

Rẹvẹleshọnụ 3:6

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn!

Ndị Han Eṅẹn 11:10

Ndị-ichẹn Gilẹdị nọ sị Jẹfta, “Osolobuẹ wụ ọshẹri ẹnyi; ẹnyi jẹnkọ d'e mẹrịrị ihiẹn i ku.”