Luku 8:15 - Ika

¹⁵ “Ezigbo alị hụ mkpụrụ ndị hụ danye wụ ndị ahụn nụ oku-Chuku, gi obi wẹ ile nabanhan a, kwọnkẹnmẹ ẹ, din ndidin, mị mkpụrụ.

Luku 8:15 ပူးပေါင်းရင်းမြစ်များ

Ẹbụ-ọma 119:11

E bugụọ m ihiẹn i ku che obi m, amamgbe m'e mẹ i njọ.

Ẹbụ-ọma 51:10

Dodo Osolobuẹ, ke obi rị ọchan ye imẹ m, y'e yezi m obi m gi a s'ẹka e turu.

Itẹn 3:1

Nwa m, azọkwọlẹ ihiẹn m kuzi i, ka bu ihiẹn m sị ị mẹ che obi i,

Jerimaya 15:16

K'i gwa m oku, e righọ m'a lekẹ ihiẹn-oriri, o mẹ m ghọghọ, mẹ ẹfọ sụọ m ụsụọ, makẹni ẹfan ị kẹ m'a za, Osolobuẹ, Chuku ihiẹn ile rị okpuru ẹ.

Jerimaya 31:33

Osolobuẹ sị, “Hụnnị wụ nkwerigbama ọhụn hụ m jẹnkọ d'e tumẹ ẹgbata mmẹ lẹ ndị Izrẹlụ, ogẹn hụ: m k'e bu Iwu m che obi wẹ; m k'e de e ye akpobi wẹ; m k'a wụrụ Chuku wẹ, a wụrụ wẹ ndị nke m.

Jerimaya 32:29

Ndị Babilọnụnị rị ụsụọ a maye obodoni ọgụn jẹnkọ nwan d'a banhan imẹ ẹ. Wẹ k'a mụ ọkụn ye ẹ, kpọ a ọkụn — ya lẹ ụlọ ndị rịn'a hụn ndị obodoni nọ elu wẹ mụye ni mmọn wụ Baalụ nsẹnsi, tụyesọnmẹni mmọn ichẹn-ichẹn manya, hụn wẹ gisọnmẹ kpasu m iwe.”

Matiu 24:13

Kanị onyẹ hụn din ndidin ru isi ẹ kẹ nzụọpụha jẹnkọ d'e ru ẹka.

Luku 11:28

Kanị Jesu nọ sị, “Mba, ndị nwọn ngọzi wụ ndị hụn a nụ oku Osolobuẹ, e gi ẹ e bi!”

Luku 6:45

Ezigbo ịhịan a gha ezigbo ihiẹn o butọ imẹ obi ẹ e wepụha ezigbo ihiẹn; kanị eje-ịhịan a gha eje-ihiẹn o butọ e wepụha eje-ihiẹn. Makẹni, ihiẹn hụn jun imẹ obi kẹ ọnụ e ku.

Luku 8:14

Ogun hụ mkpụrụ ndị hụ danye wụ ndị ahụn nụ oku-Chuku — kanị oku elu lẹ akụ-lẹ-ụba lẹ ihiẹn a sụọ ụsụọ rị ụwanị a kpangbu wẹ, mkpụrụ wẹ akazịnị.

Luku 8:16

“Onwọnni onyẹ a mụyegụ ukpẹ afẹrẹ kpumẹ ẹ mọbụ rụ a ye okpuru bẹdi. Kama, w'e bu ẹ e che elu obu-ukpẹ, kẹni ndị rị a banhannị legha ụzọ.

Jọnụ 14:15

“Omẹni ihiẹn m a sụọghọ ụnụ, ụnụ jẹnkọ d'e mẹ ihiẹn m sị ụnụ mẹ,

Jọnụ 15:10

Omẹni ụnụ e mẹsọnmẹghọ ihiẹn m ku, ụnụ sikọ d'a wụsọnmẹ ndị ihiẹn wẹ a sụọ m — nọkẹ kẹ m dọn e mẹ ihiẹn Nẹdi m ku, e gi ẹ a wụsọnmẹ onyẹ ihiẹn ẹ a sụọ Nẹdi m.

Ndị Rom 2:7

Nke ndị e mẹsọnmẹ mma makẹni wẹ rị a chọ nị Osolobuẹ ye wẹ ọghọ lẹ mgbaye lẹ ndụn nwọnlẹni ọgụgụ, Osolobuẹ k'e gi ndụn itẹbitẹ kụ wẹ ụgwọ.

Ndị Rom 6:22

Kanị, hụnnị Osolobuẹ gbapụhagụ ụnụ ẹka njọ, ụnụ e họnrin igbọn Osolobuẹ, erere ụnụ wụ ịrị-nsọ hụn sikọ d'e wẹhẹ ndụn itẹbitẹ.

Ndị Rom 7:18

Makẹni, a marịnghọ m n'o nwọnni kaka akpụ ihiẹn ohu rị mma imẹ m, imẹ mmẹ wụ ịhịan-mmaka. Makẹni, m'a chọ nị m mẹ ihiẹn rị mma, kanị, m'a ra saẹka mẹ ẹ.

Ndị Rom 7:4

Umunẹ m, ụnụ nwẹn a nwụnnahịngụọzị Iwu Mozizi ebe ụnụ nọ sọn Kraịstị nwụn, kẹni wẹ hụn ụzọ we ụnụ ye onyẹ ọzọ lụrụ, onyẹ hụ Osolobuẹ gha ọnwụn weli, kẹni ẹnyi mịnị Osolobuẹ mkpụrụ.

Ndị Rom 8:25

Kanị, omẹni ẹnyi e ke hụn ihiẹn ẹnyi rị e lee ẹnya a, ẹnyi e din ndidin cheri ẹ.

Ndị Kọrẹntị Ibuzọ 7:19

Ịkwa-ugun enwọn ihiẹn ọ wụ; akwanị-ugun enwọn ihiẹn ọ wụ; ihiẹn rị mkpa wụ imẹ ihiẹn Osolobuẹ ku.

Ndị Ẹfẹsọsụ 2:8

ẹfọma haịn Osolobuẹ gi gi okukwe ụnụ zụọpụha ụnụ, ẹlẹ ụnụ gi ẹka ụnụ mẹ ẹ, ihiẹn Chuku ye ọfẹ rọ —

Ditrọnọmi 30:6

Osolobuẹ wụ Chuku ụnụ k'a kwa obi i lẹ obi ụmụ ị ugun, mẹ wẹ rị mma, n'ị hụn ụzọ gi obi i ile lẹ umẹ-ndụn ị ile lẹ ndụn ị ile nwọn ihiẹn-ọsụsụọ Osolobuẹ.

Ndị Filipi 1:11

makẹni o ru a hụn w'a nị ndụn ụnụ a mịjungụọ mkpụrụ hụn wụ ezi-omumẹ, hụn gha ẹka Jesu Kristi a bịa. O k'e wẹhẹni Osolobuẹ ọghọ lẹ ọjịja-mma.

Ndị Kolosị 1:10

kẹni ụnụ e bi obibi furu Di-nwọnni-ẹnyi, obibi hụn a sụọn'a ụzọ ile, a mịpụha mkpụrụ ọrụn ọma ile rị ichẹn-ichẹn, a marịn Osolobuẹ, a marịnwaye.

Ndị Kolosị 1:6

Oziọma e rugụọ ụnụ ẹka. K'o dọn a mị mkpụrụ, e sue, a ghagbarị ụwa ile, ẹrịra k'o gizi nwan rị a mị mkpụrụ imẹ ụnụ kete ụhụọhịn ahụn ụnụ nụ a, ghọta ẹfọma Osolobuẹ mẹ nke-esi.

Hibru 10:36

Ndidin kẹ ụnụ chọ, kẹni, ụnụ mẹgụ uche Osolobuẹ, ụnụ e gi ẹ nwọnhẹn ihiẹn o kwe nkwa a.

Hibru 2:1

Ẹnyi k'e kwọnkẹnmẹrịrị ihiẹn ẹnyi nụ, amamgbe ẹnyi a kpahu.

Jemisi 1:4

Nị nị nwan ndidin rụnchanrịn ọrụn a, kẹni ụnụ hụn ụzọ wụrụ ndị ka ẹhụ, nwọnlẹni ebe wẹ nọ a la azụụn.

Jọnụ Ibuzọ 2:3

Ihiẹn ẹnyi gi a marịn nị ẹnyi a marịnghọ Osolobuẹ nke-esi wụ nị ẹnyi hụ e mẹ ihiẹn ọ gwa ẹnyi.