Luku 7:13 - Ika

¹³ Ogẹn Di-nwọnni-ẹnyi gi hụn a, omikẹn okpoho hụ nọ mẹ ẹ ọda-ọda, ọ sị a, “Akwanlẹ ẹkwan.”

Luku 7:13 ပူးပေါင်းရင်းမြစ်များ

Ẹbụ-ọma 103:13

Kẹ nẹdi dọn e mẹni ụmụ a omikẹn, ẹrịra kẹ Osolobuẹ dọn e mẹ omikẹn ndị a gbayen'ẹ.

Ẹbụ-ọma 86:15

Kanị Osolobuẹ, ị wụ Chuku omikẹn hụn e mẹyeni ịhịan, Chuku hụn ghalẹni e bukẹnrin olulu, onyẹ okẹn ihiẹn-ọsụsụọ hụn e mẹsọnmẹ hụn run'ẹ.

Ẹbụ-ọma 86:5

Makẹni y'a rịka mma, Osolobuẹ; y'a gbagharị njọ; y'a ghọsị ndị a kpọkun'i ihiẹn-ọsụsụọ ọda-ọda.

Azaya 63:9

Ọ nị ihiẹn ile rị e mẹtụrụnị wẹ e mẹtụrụ ya nwẹn; ọ nọyeni wẹ nọkẹ mmọn-ozi, zụọpụha wẹ. Ọ nọ gi ihiẹn-ọsụsụọ lẹ omikẹn gbapụha wẹ; ọ bushi wẹ elu, parịdẹ wẹ aparị — hụn ahụn ile ogẹn mbụ ahụn.

Jerimaya 31:20

Osolobuẹ sị: ẹlẹ nwa m kẹ Ifrem wụdẹ nwan ra; nwa m hụn rị m obi, nwa m hụn ẹfọ gi a sụọ m ụsụọ? Ọsụọn'a nị m'e ku ẹ ni ihiẹn ọ rị e mẹ arị mma, ọ rị m obi ọda-ọda. Ọ da m ọda-ọda; omikẹn ẹ e mẹ m e mẹ.

Makị 8:2

“Omikẹn igunrunni rị e mẹ m, makẹni mmẹ lẹ wẹ a nọpụọlẹ akpọhịn ẹtọ, bụ enwọnzi wẹ ihiẹn wẹ jẹnkọ d'e ri.

Luku 10:1

Ọhụn e mẹgụ, Di-nwọnni-ẹnyi nọ họrị ikẹnnyẹ mmẹbụọ kwasị ọgụn-ẹtọ ndị ọzọ. Ọ nọ zipụ wẹ ẹbụọ-ẹbụọ, nị wẹ burun'ẹ ụzọ jẹn obodo ile lẹ ebe ile o sikọ d'e jẹn.

Luku 11:1

O nwọn ebe Jizọsị rị e mẹ ekpere; ogẹn o gi mẹgụ, onyẹ nsọnmazụụn a ohu nọ sị a, “Di-nwọnni-ẹnyi, kuzi ẹnyi kẹ wẹ dọn e mẹ ekpere kẹ Jọnụ dọn kuzi ndị nsọnmazụụn a.”

Luku 11:39

Ya kẹ Di-nwọnni-ẹnyi nọ sị a, “Lee ẹ: ụnụ ndị Itu-Farisi a chanchan azụụn mkpu lẹ afẹrẹ ụnụ, kanị ẹnya-uku lẹ eje-ihiẹn jun imẹ ụnụ.

Luku 12:42

Di-nwọnni-ẹnyi nọ za, “Onyẹ wụ onyẹ nlepụ-ẹnya ahụn furu wẹ gi e dọn ẹnya, marịn ihiẹn, hụn di-nwọnn'ẹ bu idibo rị iwe ẹ che ẹka, n'ọ hụn ụzọ e ye wẹ ihiẹn-oriri furu onyẹ-onyẹ ogẹn o furu?

Luku 13:15

Di-nwọnni-ẹnyi nọ sị, “Ndị ihunnaị! Imẹ ụnụ, onyẹ ghalẹni a tọpụ efin ẹ mọbụ jaki ẹ ebe o limẹtọ a Ụhụọhịn Ezumikẹn, e wejẹn ẹ d'a ra mirin?”

Luku 17:5

Ndị-ozi hụ pụ-ichẹn nọ sị Di-nwọnni-ẹnyi, “Mẹ okukwe ẹnyi zewaye.”

Luku 17:6

Di-nwọnni-ẹnyi nọ sị wẹ, “Omẹni i nwọn okukwe handẹ kẹ mkpụrụ mọstadị mẹgbu enwẹn ẹ ntịn, ị jẹnkọ d'a sa ẹka sị osisi sịkamọnị higbu enwẹn ẹ ogbe rị ebeni, ‘Hueri d'a gbọrị imẹ ohimin,’ o sikọ d'a gbaye i.

Luku 18:6

Di-nwọnni-ẹnyi nọ sị, “Ụnụ a nụgụọ ihiẹn eje okẹnnyẹ ahụn oku rị ẹka ku.

Luku 19:8

Zakịọsụ nọ turu, sị, “Di-nwọnni-ẹnyi, lee ẹ, m rị nwan e kebe ihiẹn ile m nwọn ụzọ ẹbụọ e we ohu e ye ndị igbẹnnyẹ! Omẹni o nwọn onyẹ m mẹgbu, m jẹnkọ d'a kụkin ẹ ya ụzọ ẹnọ!”

Luku 22:61

Ya Di-nwọnni-ẹnyi nọ gbehutọ ebe ọ rị, bu ẹnya zinmẹ Pita. Pita nọ nyanhan ihiẹn Di-nwọnni-ẹnyi ku, k'o dọn sị a, “Ọkpa gini d'a kwan tannị, i k'a ghọrị mgbe ẹtọ nị y'a marịn m.”

Luku 24:3

A banye wẹ ẹ, ahụnnị wẹ ẹhụ Di-nwọnni-ẹnyi wụ Jesu.

Luku 24:34

a sị, “Ezioku rọ! Di-nwọnni-ẹnyi e lihigụọ, Saịmọnụ a hụngụọ a!”

Luku 7:12

Ogẹn o gi rumẹ ọnụ-mgbọn obodo hụ, e lee ozun wẹ bupụkọ d'e li. Okpoho di ẹ nwụn kẹ wẹ bupụkọzị nwan akpụ okẹnnyẹ ohu ọ mụ d'e li. Igunrun ịhịan gha imẹ obodo hụ sọnkọ okpoho hụ.

Luku 7:14

Ọ nọ jẹnpụha d'e mẹtụ ẹkpẹti-ozun hụ ẹka; ndị bun'ẹ nọ wuzo. Ya ọ nọ sị, “Okorọbịa, m sị ị lihi ọtọ!”

Luku 7:19

zi wẹ jẹn d'e kunrun Di-nwọnni-ẹnyi d'a jụ a, sị, “Ịyụ wụ onyẹ hụ Osolobuẹ kwe nkwa n'ọ lala alala, ra nị ẹnyi lemẹ ẹnya onyẹ ọzọ?”

Luku 8:52

Wẹ ile rị ebahụn hụ a kwan, e goo nwata hụ. Kanị Jesu nọ sị wẹ, “Akwanzilẹ ni, nwata hụ anwụnhụnnị; ọ rịhụ ụran!”

Jọnụ 11:2

Merini wụ hụn hu udẹn e kun fuẹin ye Di-nwọnni-ẹnyi wụ Jesu ụkụ, gi ntutu ẹ lọgbu ẹ; nwẹnẹ ẹ wụ Lazarọsụ kẹ emu rị a kụ.

Jọnụ 11:3

Ya umunẹ ẹbụbụọ hụ nọ zi ozi jẹnni Jizọsị, sị, “Di-nwọnni-ẹnyi, emu rị a kụ ọwụ ị.”

Jọnụ 20:13

Wẹ nọ sị Mẹri, “Okpoho, k'ị rị a kwannị?” Ọ nọ sị wẹ, “E bupụgụọ wẹ Di-nwọnni m, kanị amarịn m ebe wẹ buche ẹ!”

Jọnụ 20:15

Jesu nọ sị a, “Okpoho, k'ị rị a kwannị? Onyẹ k'ị rị a chọ?” Meri ro ni hụn e lepụ ugbo-nta hụ ẹnya rọ, ya ọ nọ sị a, “Diọkpa, omẹni yụ bupụ a, gwa m ebe i buche ẹ, m k'e jẹn d'e buru ẹ.”

Jọnụ 4:1

Ogẹn Jesu gi nwan marịn nị ndị itu-Farisi a nụgụọ nị ndị alị hụn rị a la wẹ a tọ a bannị Jesu lẹ ndị rị e mẹ mirin Chuku ẹka a a karịgụọdẹ ndị rị a la wẹ a tọ a bannị Jọnụ hụn e mẹ mirin-Chuku —

Jọnụ 6:23

Kanị ogẹnni, ụgbọ ndị ọzọ gha Taịberiasị bịa rị nwan ẹhụ ebahụn wẹ nọ ri brẹdi ogẹn Di-nwọnni-ẹnyi gi kpanmịngụ Osolobuẹ yeni brẹdi hụ.

Ndị Kọrẹntị Ibuzọ 7:30

ndị rị a kwannị, wẹ bimẹ nọkẹ sị arị wẹ a kwan; ndị rị a ghọghọnị wẹ bimẹ nọkẹ sị arị wẹ a ghọghọ; ndị e ṅọnni, wẹ bimẹ nọkẹ sị onwọnni ihiẹn wẹ nwọn;

Ndị Tẹsalonika Ibuzọ 4:13

Umunẹ, ẹnyi chọ nị ụnụ marịn ihiẹn k'e mẹ ndị rị ụran, ndị nwụnnị, amamgbe ụnụ gha a kwan kẹ ndị-ụwa nwọnlẹni olilẹnya dọn a kwan.

Hibru 2:17

Ya haịn Osolobuẹ gi mẹ ẹ n'ọ rịchanrịn kẹ ẹnyi wụ umunẹ ẹ ụzọ ile, kẹni ọ hụn ụzọ wụrụ onyẹ-isi nchụn-ẹjan hụn e mẹ omikẹn lẹ hụn furu wẹ gi e dọn ẹnya imẹ ọrụn Osolobuẹ, n'ọ hụn ụzọ chụnnị ịhịan ẹjan w'e gi wepụ njọ wẹ lẹ afụnfụn njọ te k'e buhẹ.

Hibru 4:15

Makẹni onyẹ-isi nchụn-ẹjan ẹnyi ẹlẹ hụn marịnlẹni nị ndụn arị ẹnyi, kanị hụn wẹ nwangụ ụzọ ile nọkẹ ẹnyi kanị o gin'ẹ mẹ njọ.

Ndị Han Eṅẹn 10:16

Ya wẹ nọ kwapụchanrịn mmọn-lẹ-iyi ichẹn-ichẹn wẹ rị e fe imẹ igunrun wẹ, femẹ Osolobuẹ. Osolobuẹ nkẹ asazịnị ẹka din ụya ndị Izrẹlụ rị e ri.