Luku 23:56 - Ika

⁵⁶ Ya wẹ nọ lama d'a chọtọ udẹn lẹ ihiẹn ndị ọzọ wẹ gi a kwama ozun. O ru Ụhụọhịn Ezumikẹn, wẹ nọ zu ikẹn kẹ Iwu dọn ku.

Luku 23:56 ပူးပေါင်းရင်းမြစ်များ

Ihiẹn Mẹni Nke Ẹbụọ 16:14

Wẹ nọ li ẹ ye imẹ ili ọ kwadmẹtọnị enwẹn ẹ imẹ Obodo hụ Defidi tụn. Elu-ukpo wẹ kpọnjun mkp'ẹhụhụọ lẹ udẹn ndị e shin ọhụnma kẹ wẹ dọye ozun ẹ. Wẹ fiye ẹregede ọkụn ebe wẹ nọ a kwan a gi ye ẹ ọghọ.

Ọpụpụ 31:14

“ ‘Zu ni ikẹn Ụhụọhịn Ezumikẹn makẹni ụhụọhịn ụnụ k'e dọnmẹ nsọ rọ. Onyẹ ọwụlẹ mẹrụn'a, wẹ k'e gburịrị a; onyẹ ọwụlẹ rụn ọrụn ụhụọhịn ahụn, wẹ k'e bepụrịrị a imẹ ndị nke ẹ.

Makị 16:1

Eki e fọn, ogẹn Ezumikẹn gi gụ ogẹn ẹnyasị, Meri onyẹ Magidala lẹ Salomi lẹ Meri nnẹ Jemisi nọ jẹn d'e ṅọntọ ihiẹn ndị e kun fuẹin kẹni wẹ jẹn d'e gi ẹ te ẹhụ Jesu.

Luku 24:1

Kanị, ụzụtụntụn biribiri ụhụọhịn ibuzọ imẹ izuka, ikpoho ndị ahụn nọ weri ihiẹn ndị ahụn e shin ọhụnma wẹ chọtọ, shi ili hụ.

Ditrọnọmi 5:14

kanị, nke akp'ọhịn ẹsa rịn'a wụ Ezumikẹn wẹ gi e ye Osolobuẹ wụ Chuku i ọghọ. Arụnkwọlẹ ọrụn ọwụlẹ ụhụọhịn hụ — kẹ yụ kẹ ụmụ ị ikẹnnyẹ lẹ ikpoho, kẹ igbọn i okẹnnyẹ lẹ ikpoho, kẹ anụmanụ ị kẹ abịamabịa rị alị ọnụ; kẹni odibo i okẹnnyẹ lẹ odibo i okpoho zu ikẹn k'i dọn zu.