Luku 18:43 - Ika

⁴³ Ozigbo, ọ nọ leghama ụzọ; ọ nọ sọnmẹ Jizọsị, a ja Osolobuẹ mma. Ịhịan ile hụnn'a nọzịkwọ ja Osolobuẹ mma.

Luku 18:43 ပူးပေါင်းရင်းမြစ်များ

Ẹbụ-ọma 107:15

Wẹ kpanmịn nwan Osolobuẹ makẹ ihiẹn-ọsụsụọ a, makẹ ọrụn-atụmẹnya ọ rụnsọnmẹni ịhịan.

Ẹbụ-ọma 107:8

Wẹ kpanmịn nwan Osolobuẹ makẹ ihiẹn-ọsụsụọ a, lẹ ọrụn-atụmẹnya ọ rụnsọnmẹni ịhịan.

Ẹbụ-ọma 146:8

Osolobuẹ a shịapụ ẹnya ndị ishi. Osolobuẹ e weli ndị rị imẹ nsọngbu; ihiẹn ndị rị ọchan a sụọ Osolobuẹ a ụsụọ.

Ẹbụ-ọma 30:2

Euu Osolobuẹ, Chuku m, m kpọ ị d'e yeni m ẹka, ị nọ zụọ m emu.

Azaya 35:5

Ogẹn hụ ẹnya onyẹ-isi k'a shịapụ, ntịn-okin a nụma ihiẹn.

Azaya 42:16

M k'e du ndị ẹnya-ishi — dughadẹ wẹ ụzọ wẹ marịnlẹni, m k'e we wẹ gha ozue wẹ marịnlẹni. M k'e mẹ ishi họnrin ukpẹ ebe wẹ ghakọ, mẹ ebe mẹ mkpọke-mkpọke riẹnni wẹ. M k'e mẹ ihiẹn ndịnị; agbakịtọkọ m ndị nke m azụụn.

Azaya 43:21

ndị nke m hụn m mẹmẹni enwẹn m — kẹni wẹ ku ọrụn ọma m rụn.

Matiu 11:5

ndị ẹnya-ishi a hụnmagụọ ụzọ; ndị ngụrọ e jẹnmẹgụọ ijẹn; ndị oti hụ a dịnhịn, a wụbehi ndị rụnị; ndị odin a nụmagụọ ihiẹn; wẹ hụ e weli ndị nwụnhụnnị, e zi ndị igbẹnnyẹ oziọma.

Matiu 21:14

Ndị ẹnya-ishi lẹ ndị ngụrọ a bịa d'e kunrun ẹ imẹ Ụlọ-nsọ, ọ nọ zụọ wẹ.

Matiu 9:8

Egun nọ tụma igunrun ahụn rị ebẹhụ, wẹ nọ ja Osolobuẹ mma, o gi ye ịhịan ikẹn nọ ẹnịna.

Luku 13:17

Ogẹn o gi ku ihiẹnni, ifẹnrẹn nọ mẹ ndị iṅẹnrẹn ẹ. Kanị igunrun ahụn rị ebẹhụ hụ a ghọghọ makẹ ihiẹn atụmẹnya ile ọ rị e mẹ.

Luku 19:37

Ogẹn o gi ru ẹhụ Jerusalẹm, ebẹhụ wẹ gha a kpọtu Ugu Olivu, igunrun ndị nsọnmazụụn a nọ ghọghọma, e weshi olu elu a ja Osolobuẹ mma makẹ ihiẹn atụmẹnya ndị wẹ hụn, a sị,

Luku 4:39

Jizọsị nọ jẹn d'e wuzo ebẹhụ o dinẹ, jụgbọ ẹhụ-ọkụn hụ, ẹhụ-ọkụn hụ nọ hapụ a. Ọ nọ lihi ọtọ ozigbo, lemẹ wẹ ọbịa.

Luku 5:26

Ọ nọ tụ wẹ ile ẹnya ọda-ọda, wẹ nọ jama Osolobuẹ mma. Ọ tụka wẹ egun; wẹ hụ a sị, “Ẹnyi a hụnọlẹ ihiẹn atụmẹnya tannị!”

Luku 9:43

Ogẹn ndị ahụn gi hụn ikẹn Osolobuẹ, ọ tụ wẹ ẹnya ọda-ọda. Hụn ahụn ihiẹn ile Jesu rị e mẹ rịkwọ a tụ ịhịan ile ẹnya, ọ nọ sị ndị nsọnmazụụn a,

Ọrụn Ndị-ozi 11:18

A nụgụ wẹ ihiẹnni, onwọnzini ihiẹn wẹ ku; a ja wẹ Osolobuẹ mma, sị, “Ya wụ nị Osolobuẹ e yegụọzị nwan ndị wụlẹni ndị Ju oghere rogharị, nwọnrin ndụn!”

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ọrụn Ndị-ozi 4:21

Ogẹn wẹ gi rọngụzị Pita lẹ Jọnụ egun, wẹ nọ hapụ wẹ, ebe o mẹni ahụnnị wẹ ihiẹn wẹ e kwọndọn ẹka ye wẹ afụnfụn, makẹni ịhịan ile rị a ja Osolobuẹ mma yeni ihiẹn mẹni,

Ndị Galeshịa 1:24

Wẹ nọ gi ufiri m ja ẹfan Osolobuẹ mma.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.