Luku 15:22 - Ika

²² “Kanị, nẹdi ẹ nọ kpọ ndị idibo ẹ, sị wẹ, ‘Ozigbo-ozigbo! Wẹhẹ ni ẹkwa hụn kachanrịn mma yimẹ ẹ! Yimẹ n'ẹ ọla ẹka! Yimẹn'ẹ akpụkụ!

Luku 15:22 ပူးပေါင်းရင်းမြစ်များ

Jẹnẹsisi 41:42

Fẹro nọ gbụpụha ọla rị a mkpịnsịn-ẹka, ọla o gi e biye ẹka, gbụ a ye Josẹfụ mkpịnsịn-ẹka; o yimẹsọnmẹ Josẹfụ ẹkwa linẹ rị mma, bu ihiẹn olu goru che ẹ olu.

Ẹsta 3:10

Eze nọ gbụpụha ọla mkpịnsịn ẹka o gi e biye ẹka ihiẹn o de, we ẹ ye Hamanị nwa Hamẹdata onyẹ ebọn Agagị, Hamanị eṅẹnrẹn ndị Ju.

Ẹsta 8:2

Eze nọ gbụpụ ọla mkpịnsịn ẹka o gi e biye ihiẹn ẹka, hụn ọ napụha Hamanị, we ẹ ye Mọdikaya. Ẹsta nkẹ nọ we ihiẹn Hamanị che ẹka Mọdikaya.

Ẹbụ-ọma 132:16

M k'e ye ndị nchụn-ẹjan a nzụọpụha yimẹ wẹ ya nọkẹ ẹwuru; ndị nsọ a k'e yi oro ịghọghọ.

Ẹbụ-ọma 132:9

Ndị nchụn-ẹjan i wẹ yiri ezi-omumẹ rịkẹ ẹwuru; ndị nsọ ị wẹ yi oro ịghọghọ.

Ẹbụ-ọma 18:33

O mẹ ụkụ m a nọ kẹ nke ele, e mẹ m a s'ẹka e jẹn ijẹn elu ugu.

Ẹbụ-ọma 45:13

Lee kẹ nwa eze ahụn eze rị a lụ mahan mma — ebẹhụ ọ rị imẹ ihiẹn wẹ gi bula a! Goru-goru kẹ wẹ gi kpa ẹwuru ẹ.

Ẹbụ Solomọnụ 7:1

Euu nwa eze, ụkụ ị a rịka mma imẹ akpụkụ hụ! Ọgbọdọgbọ ị riẹn kẹ ọla wẹ kpụ ọhụnma — ọrụn-ẹka onyẹ a kpụ ọla rọ.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Luku 15:21

Ya nwa a nọ sị nẹdi ẹ, ‘Baba, e mẹọlẹ m elu-igwee njọ, mẹzikwọ ị njọ, efuruzini m onyẹ w'a kpọ nwa ị.’

Luku 15:23

Wepụha nị nwa-efin ahụn kachanrịn mma ẹnyi zụntọ nị ẹnyi gbu ẹ! Nị ẹnyi ri ni oriri, nị ẹnyi ghọghọ —

Ndị Rom 13:14

Kama, yiri ni Di-nwọnni-ẹnyi wụ Jesu Kristi kẹ ẹwuru, eyelẹ ni onyẹ hụ ụnụ wụ mbụ lẹ eje-ihiẹn a gụnn'a efe.

Ndị Rom 3:22

ezi omumẹ Osolobuẹ hụn a bịa ghahanị ikwerini Jizọs Kraịstị rọ; o ru ndị ile kwerini ẹka, ara tu onyẹ ịhịan wụ,

Ndị Rom 8:15

Makẹni mmọn hụn Osolobuẹ ye ụnụ ẹlẹ mmọn igbọn, hụn ụnụ e gi tụmazị egun, kanị Osolobuẹ ye ụnụ mmọn hụn o gi mụnrụn ụnụ, mmọn ahụn e mẹ ẹnyi a hị Osolobuẹ, “Baba! Baba Nẹdi m!”

Ndị Galeshịa 3:27

makẹni, ụnụ ile wẹ gi mirin-Chuku lẹ Mmọn-nsọ buche imẹ Jesu Kristi e yirigụọ Kraịstị.

Ndị Ẹfẹsọsụ 6:15

Yiri ni adụdụ izi-oziọma udọn ụkụ nọkẹ akpụkụ onyẹ-agha.

Ditrọnọmi 33:25

Igwe-igwe kẹ w'e gi fidọn ọnụ-mgbọn i, kẹ igwe mmaka kẹ igwe-bronzu; ndụn k'a rịferi i y'e we nwụn.

Rẹvẹleshọnụ 19:8

“E yegụọ wẹ nwagbọọ hụ ezigbo ẹkwa linẹ yiri, ẹkwa linẹ nwunni rị e gbukeni,” makẹni ẹkwa linẹ hụ rị a ghọsị ọrụn ọma ndị nke Osolobuẹ rụn.

Rẹvẹleshọnụ 2:17

Onyẹ nwọn ntịn ya nụ ihiẹn Mmọn-nsọ rị a gwa ụka rị ichẹn-ichẹn! Onyẹ hụ mẹrini kẹ m jẹnkọ d'e ye mana hụ zuerini. M k'e yezikwọ a ọmụma ọchan hụ wẹ deye ẹfan ọhụn hụn o mẹ ni onyẹ wẹ ye ẹ sụọ k'a saẹka marịn a.

Rẹvẹleshọnụ 3:18

M rị nwan a dụn ị ọdụn: ṅọnnarịn m ezigbo goru unyin rịlẹni, kẹni i hụn ụzọ wụrụ ọdanfịn nke-esi; ṅọnnarịn m ẹkwa ọchan yiri amamgbe w'a hụn ọtọ ị ahụn e mẹ ifẹnrẹn; ṅọnnarịnzị m ọgụn-ẹnya tụnye ẹnya, kẹni i leghama ụzọ.

Rẹvẹleshọnụ 6:11

Ya wẹ nọ ye onyẹ-onyẹ imẹ wẹ ẹwuru ọchan tueni, sị wẹ zuzi ikẹn ẹkẹrẹ ni umunẹ wẹ lẹ idibo ibe wẹ zugụ ọnụ, umunẹ wẹ ịhịan jẹnkọ d'e gbu kẹ wẹ.

Rẹvẹleshọnụ 7:9

Ọhụn e mẹgụ, m nọ lee ẹnya, hụn igunrun hi-ogbe, hụn o mẹ ni onwọnni onyẹ saẹka gụn wẹ. Wẹ ghasọnmẹ alị ile, ebọn ile, ndị ile, lẹ asụsụ ile pụha. Igunrunni turu ihun ukpo-eze hụ lẹ ihun Nwa-ebulu hụ. Wẹ ile yi ẹwuru ọchan tueru alị. Onyẹ-onyẹ gi iguru ẹka.