Luku 15:15 - Ika

¹⁵ Ya ọ nọ jẹnmẹ d'a rụnmanị onyẹ alị hụ ọrụn, ọ nọ zi ẹ shi ebe ọ nọ a zụn anụ d'e yemẹn'ẹ ezin ihiẹn-oriri.

Luku 15:15 ပူးပေါင်းရင်းမြစ်များ

Ihiẹn Mẹni Nke Ẹbụọ 28:22

Kẹ Ahazị rị imẹ nsọngbu k'ọ kadẹ Osolobuẹ a latọ.

Ọpụpụ 10:3

Ya Mozizi lẹ Ẹrọnụ nọ jẹnburu Fẹro, sị a, “Lee ihiẹn Osolobuẹ wụ Chuku ndị Hibru ku: ọ sị, ‘Elee mgbe kẹ y'a gbabehini m isi-akwanran? Hatu ndị nke m nị wẹ lama, kẹni wẹ fe m.

Azaya 1:5

Kị wẹ k'e gbumẹzini ụnụ ili? Kị ụnụ tọnị e nupụ isi? A rụgụọ wẹ ụnụ ẹhụ isi ile, onwọnzini akpụ obi ohu ndụn rị.

Azaya 57:17

Iwe te we m makẹ njọ ẹnya-uku ẹ, e ye m'ẹ afụnfụn, gi olulu bupụ ihun, kanị ọ tọkwọ isi-ikẹn e bu.

Jerimaya 5:3

Euu, Osolobuẹ, ẹlẹ ezioku kẹ y'a chọ? Y'a fịan wẹ ihiẹn, anụnị wẹ ụfụ a; y'a sụdẹ wẹ kẹ nni, amụnrụnnị wẹ ihiẹn. A tọ wẹ a gba isi-akwanran, jụ n'e bihutọkọ wẹ ẹka.

Izikẹlụ 16:52

Yụ nwẹn nkẹ, buru nwan ifẹnrẹn i, ebe o mẹni y'e gigụọ njọ ị ile hụn ka nke wẹ njọ kuyeni mmunẹ i. Uwẹ ka ị nwan mma. Ifẹnrẹn ya mẹ i nwan; buru ịfa ị, makẹni y'e mẹgụọ mmunẹ i nọ nwan kẹ ndị ezi-omumẹ.

Izikẹlụ 16:63

M k'e mẹ ẹ, kẹni m gbarịgụ isi i imẹ eje-ihiẹn ile i mẹ, y'a nyanhan ihiẹn i mẹ, ifẹnrẹn e mẹ i, y'a shịapụkọzị ọnụ yeni ifẹnrẹn. Ya kẹ Osolobuẹ Nwọn Ihiẹn Ile ku.’ ”

Nahum 3:6

M k'e kpọn ẹfịfịa kpu i, gbe ifẹnrẹn ye i ihun, a gba wẹ i ile.

Malakaị 2:9

Mmẹ nwẹn e mẹgụọ nwan ụnụ wụrụ ndị wẹ e legberi, e welụagụọ m ụnụ alị ẹnya alị ile, ebe o mẹni ụnụ ara gha ụzọ m, ụnụ e lee ịhịan ẹnya ihun a kuzi iwu m.”

Matiu 7:6

“Eyekwọlẹ ni nkitẹ ihiẹn rị nsọ; atụkwọlẹ ihiẹn rị mkpa yeni ezin, amamgbe w'a zọkpụkpọ a, maye ụnụ ọgụn, dọrinrin ụnụ.

Luku 15:13

“O ke mẹhụ akpọhịn ole, hụn-nta nọ bu ihiẹn ile wẹ keye ẹ re, shi alị teni, nọ ebahụn ritịta egho ẹ yeni obibi nwọnlẹni isi.

Luku 15:14

Ogẹn o gi rigụ ihiẹn ile o nwọn, okẹn ụnwụn nọ mụgbarị alị hụ, elu nọ fụma a.

Luku 15:16

O te rị a n'o gi ihiẹn-oriri ezin e gbọn ẹgụn, kanị onwọnni hụn w'a nị a ri.

Ndị Rom 6:22

Kanị, hụnnị Osolobuẹ gbapụhagụ ụnụ ẹka njọ, ụnụ e họnrin igbọn Osolobuẹ, erere ụnụ wụ ịrị-nsọ hụn sikọ d'e wẹhẹ ndụn itẹbitẹ.

Taịtọsụ 3:3

Makẹni, ẹnyi nwẹn te wụzị ndị-nzuzu, ndị nnupụ-isi lẹ ndị wẹ dufie; eje-ihiẹn a gụnnị ẹnyi lẹ ihiẹn ichẹn-ichẹn a sụọnị e te kịzịghọ ẹnyi kẹ igbọn. Ẹnyi te e mẹ ibe ẹnyi eje-ihiẹn, e we iwe-ẹnya, ize ẹnyi hụ e ze ịhịan, ize ibe ẹnyi hụ e ze ẹnyi.