Luku 13:25 - Ika

²⁵ “Makẹni, onyẹ nwọn ụlọ ma ama gụnma ụzọ, ụnụ e turu ezi ebahụn dụma ẹka ọnụmụzọ, a sị, ‘Di-nwọnni-ẹnyi, dodo gụnpụnị ẹnyi ụzọ!’ O jẹnkọ d'a za ụnụ, sị, ‘Amarịn m ebe ụnụ gha bịa!’

Luku 13:25 ပူးပေါင်းရင်းမြစ်များ

Jẹnẹsisi 7:16

Okẹn lẹ onyẹnnyẹ ihiẹn ndị ahụn ile rị ndụn banyechanrịn nọkẹ kẹ Osolobuẹ dọn gwa Nụa, Osolobuẹ nọ gi ẹka a kpọkin Nụa ye imẹ ụgbọ.

Ẹbụ-ọma 32:6

Ya wụ, onyẹ ọwụlẹ hụn e feshi i ikẹn ya rịọma ị ogẹn wẹ e gi s'ẹka nwọnhẹn i — ọsụọn'a nị okẹn mirin rị e hu, o rukọ a ẹhụ.

Azaya 55:6

Chọ Osolobuẹ ogẹn y'e gi hụn a; kpọku ẹ ogẹn o gi rị nsue.

Matiu 25:41

“Ogẹn hụ, o sikọ d'a sị ndị hụ rị ẹka-ekpẹn ẹ, ‘Pụnị nị m ebeni, ndị wẹ bụ ọnụ! Shi ni ọkụn itẹbitẹ hụn wẹ kwademẹni Ekwensụ lẹ ndị mmọn-ozi ẹ!

Luku 13:27

Kanị o k'a sị, ‘Amarịn m ebe ụnụ gha bịa! Pụnị nị m, ụnụ ile hụn e mẹ njọ!’

Luku 3:8

Mịkwọ nị nwan mkpụrụ ghọsị nị ụnụ e rogharịgụọ! Asịkwọlẹ ni enwẹn ụnụ, ‘Ebraham wụ nẹdi ẹnyi!’ Makẹni, ezioku kẹ m rị a gwakwọ ụnụ, Osolobuẹ k'a saẹka gi ọmụma ndịnị ye Ebraham ụmụ.

Luku 6:46

“Kị haịn ụnụ gi a kpọ m ‘Di-nwọnni-ẹnyi, Di-nwọnni-ẹnyi,’ bụ ụnụ ara mẹ ihiẹn m ku?

Ndị Kọrẹntị Nke Ẹbụọ 6:2

Makẹni Osolobuẹ sị, “K'o ru ogẹn furuni, e gọnghọ m ụnụ ntịn; k'o ru ụhụọhịn nzụọpụha, m yeni ụnụ ẹka.” Lee n'ẹ, kikẹnni wụ ogẹn hụ furuni! Lee n'ẹ, tannị wụ ụhụọhịn nzụọpụha!

Hibru 12:17

Ụnụ a marịnghọ nị ogẹn o gi nwan chọ nị wẹ gọzi ẹ n'o nwọnrin ukuu nwa-ibuzọ, a jụ w'a; ọ sanị ẹka gbehutọ ihiẹn, ọsụọn'a n'o gi ẹnya-mirin chọ ngọzi hụ.