Luku 11:34 - Ika

³⁴ “Ẹnya ị wụ ukpẹ rị ị ẹhụ. Omẹni ẹnya ị hụ ikẹn, ukpẹ jẹnkọ d'e jun imẹ i. Kanị omẹni ẹnya ị arị ikẹn, ishi jẹnkọ d'e jun imẹ i.

Luku 11:34 ပူးပေါင်းရင်းမြစ်များ

Jẹnẹsisi 19:11

Ya wẹ nọ mẹ ẹnya kpuchanrịn ikẹnnyẹ ndị ahụn ile rị ọnụmụzọ ishi, kẹ ndị uku kẹ ndị nta, amarịnzịnị wẹ ebe ọnụmụzọ ahụn rị.

Ẹbụ-ọma 119:18

Shịapụ m ẹnya, nị m hụn okẹn-ihiẹn rịsọnmẹ iwu i.

Ẹbụ-ọma 81:12

M nọ la wẹ tọ nị wẹ gbasọnmẹ isi-akwanran wẹ, wẹ nọ mẹsọnmẹ ihiẹn obi wẹ ye wẹ.

Itẹn 21:4

Ẹnya mpache lẹ nhọnrọn hụn wụ ukpẹ ndị eje-omumẹ — wụchanrịn njọ.

Itẹn 28:22

Onyẹ-atịntịn a chọkẹnmẹ n'o hi ọdanfịn, bụ ọ marịn n'o jẹnkọ d'a dan ogbẹnnyẹ.

Azaya 29:10

Osolobuẹ a tụgụọ ụnụ okẹn-ụran; o kpumẹgụọ ụnụ ẹnya — ụnụ ndị-amụma, kpumẹ ụnụ isi — ụnụ ndị a hụn ụzọ.

Azaya 42:19

Onyẹ wụ ẹnya-mpịn karị odibo m? Onyẹ wụ ntịn-okin nọkẹ onyẹ-ozi m? Onyẹ wụ ẹnya-mpịn nọkẹ onyẹni lachanrịn enwẹn ẹ tọnị m? Onyẹ wụ ẹnya-mpịn nọkẹ odibo Osolobuẹ?

Azaya 44:18

Onwọnni ihiẹn wẹ marịn; onwọnni ihiẹn w'a ghọta! A nyankingụọ wẹ wẹ ẹnya — w'a ra legha ụzọ, uche wẹ kpukin ekpukin — w'a ra s'ẹka a ghọta.

Azaya 5:20

Nsọngbu rị e che ndị hụn a kpọ eje-ihiẹn ihiẹn rị mma; a kpọ ihiẹn rị mma eje-ihiẹn. Hụn a sị ishi wụ ukpẹ, a sị ukpẹ wụ ishi; hụn e sị ihiẹn rị e lu ilu rị a nẹnẹ, a sị nị ihiẹn rị a nẹnẹni rị e lu ilu.

Azaya 6:10

Kpọkin ndịnị obi; kụkin wẹ ntịn, y'e kpumẹ wẹ ẹnya. Amamgbe w'e gi ẹnya wẹ legha ụzọ, gi ntịn wẹ nụ, gi obi wẹ ghọta, hutọ, nwọnrin nzụọrị.”

Jerimaya 5:21

Sị wẹ: Ndị nzuzu marịnlẹni ihiẹn, gọn nị ntịn, ndị nwọn ẹnya bụ w'a ra legha ụzọ, ndị nwọn ntịn bụ w'a ra nụ ihiẹn:

Makị 4:12

kẹni ọ wụrụ nị ‘Wẹ hụ e lee ilee-ilee kanị eleghakọ wẹ ụzọ; wẹ hụ a nụ ọnụnụ-ọnụnụ kanị aghọtakọ wẹ; amamgbe w'e rogharị, Osolobuẹ a gbagharị wẹ.’ ”

Makị 7:22

ịna-nwunyẹ-ịhịan lẹ ịzọ-ụkụ-ye-ọfịa, ẹnya-uku, eje-obibi, ndufie, imẹ ihiẹn gụnnị ị, iwe-ẹnya, ikuja-oku ịhịan, mpache lẹ nzuzu.

Makị 8:18

Ụnụ nwọn ẹnya bụ ụnụ ara gi ẹ legha ụzọ? Ụnụ nwọn ntịn bụ ụnụ ara gi wẹ nụ ihiẹn? Ụnụ anyanhannị?

Luku 11:35

Hụnkwọ a nwan nị ukpẹ rị imẹ i ẹlẹ ishi.

Ọrụn Ndị-ozi 13:11

Gọn nwan ntịn: ẹka Di-nwọnni-ẹnyi jẹnkọ d'e bitụ ị kikẹnni, ẹnya k'e kpu i ishi ẹkẹrẹ ogẹn, y'e leghakọ ụzọ!” Ozigbo, ụzọ ile nọ mẹ Ẹlimasị igirigi-igirigi, gba a ishi ẹnya. Ọ nọ bisọnmẹmẹ ẹka, chọkọ onyẹ k'e dun'ẹ.

Ọrụn Ndị-ozi 2:46

Wẹ hụ e gi obi ohu e zu imẹ Ụlọ-nsọ ụhụọhịn-ụhụọhịn; e ri Oriri-nsọ ụlọ-ụlọ; e gi ịghọghọ lẹ ịshịapụ-ẹfọ e rigbama ihiẹn-oriri iwe wẹ,

Ọrụn Ndị-ozi 26:18

M zikọ ị d'a shịapụ wẹ ẹnya, kẹni wẹ pụha imẹ ishi shi imẹ ukpẹ, pụha okpuru Ekwensụ buru Osolobuẹ, kẹni Osolobuẹ gbagharị wẹ njọ, ye wẹ ọnọdị imẹ ndị wẹ gi okweri wẹ kwerini m dọn nsọ.’

Ndị Kọrẹntị Nke Ẹbụọ 1:12

Ihiẹn ẹnyi gi a nyan isi wụ ọnwan: nị ịhọrị ẹnyi rị a shịanị ẹnyi ẹri nị ẹnyi gi obi rị ọchan lẹ ezioku Osolobuẹ bi obibi ẹnyi imẹ ụwa, tụmadụ ẹgbata ẹnyi lẹ ụnụ; nị ẹnyi egini amamihiẹn ụwa bi, kanị eyemẹka Osolobuẹ.

Ndị Kọrẹntị Nke Ẹbụọ 11:3

Kanị, egun rị a tụ m amamgbe w'e dufie ụnụ kẹ Ekwensụ dọn gi ẹro dufie Ivu, e mẹ wẹ ụnụ febehi Kraịstị ofufe ezioku lẹ ofufe rụlẹni:

Ndị Kọrẹntị Nke Ẹbụọ 4:4

Mmọn rị a kị ụwanị e kẹnkingụọ ẹnya ndị kwerilẹni, amamgbe w'e legha ukpẹ oziọma rị a ghọsị wẹ banyeni onyẹ Kraịstị wụ; Kraịstị hụn o mẹ ni onyẹ hụnn'a a hụngụọ Osolobuẹ.

Ndị Ẹfẹsọsụ 1:17

m'a rịọsọnmẹ Osolobuẹ Di-nwọnni-ẹnyi Jesu Kristi, Nẹdi hụn kachanrịnnị, n'o ye ụnụ mmọn ịghọta-ihiẹn, a ghọsịsọnmẹ ụnụ ihiẹn, kẹ ụnụ dọn rị a marịnwaye ẹ.

Ndị Ẹfẹsọsụ 6:5

Idibo lẹ igbọn, e gi ni egun lẹ ẹhụ ọmụma-nni e humẹni ndị ụnụ rị okpuru wẹ isi. E gichanrịn nị obi ụnụ ile e mẹ ẹ, nọkẹ sị Kraịstị kẹ ụnụ rị a gbaye.

Ndị Kolosị 3:22

Ndị rị okpuru ịhịan, e humẹni nị ndị ụnụ rị okpuru wẹ elu-ụwanị isi imẹ ọnọdị ọwụlẹ. Ẹlẹ ihun wẹ sụọ, rịkẹ ndị rị e mẹ n'ọ sụọ ịhịan, kama, gi ni akpakalị obi ụnụ e mẹ ẹ, makẹ egun Di-nwọnni-ẹnyi.