Lẹvitikọsụ 9:24 - Ika

²⁴ Ọkụn nọ gha ebe Osolobuẹ rị bịa d'e ripụ ẹjan hụ w'a dụn ọkụn lẹ ụtọrọ ndị hụ rị elu ukpo nchụn-ẹjan. Ogẹn wẹ gi hụn ihiẹnni, wẹ ile nọ yi oro, kụ isi alị.

Lẹvitikọsụ 9:24 ပူးပေါင်းရင်းမြစ်များ

Jẹnẹsisi 15:17

Ogẹn anwụn gi dangụ, ọhịhị a gbagụ, idẹnmizi, ite ẹnwụnrụn rị a gha imẹ ẹ a lọpụha lẹ ọwaa rị e nwun ọkụn nọ ghafe ẹgbata ikpọn anụ ẹbụbụọ ndị ahụn.

Jẹnẹsisi 17:3

Ya kẹ Ebram nọ gbuni Chuku osekpu. Chuku nọ sị a,

Ndị-nze Nke Ẹbụọ 19:15

Hezikaya nọ mẹ ekpere rịọ Osolobuẹ, sị, “Euu Osolobuẹ, Chuku Izrẹlụ, ịyụ hụn nọdị ukpo-eze elu ndị chẹrobu ẹbụbụọ hụ, ịyụ sụọ wụ Chuku hụn alị-eze ile rị ụwa rị okpuru ẹ. Ịyụ ke elu-igwee lẹ alị.

Ihiẹn Mẹni Nke Ibuzọ 21:26

Defidi nọ tụnnị Osolobuẹ ukpo nchụn-ẹjan ebahụn, nọ elu ẹ chụn ẹjan w'a dụn ọkụn lẹ ẹjan-ekele. Ọ kpọku Osolobuẹ, Osolobuẹ nọ gi ọkụn gha elu-igwee za a, zi ọkụn hụ ye elu ukpo ahụn wẹ nọ chụn ẹjan.

Ihiẹn Mẹni Nke Ẹbụọ 6:2

a tụngụọnị m'ị nwan okẹn Ụlọ-nsọ nwọn ọghọ, ebe hụn i k'e bi jẹnrin-ejẹn.”

Ẹzra 3:11

Wẹ hụ a bụ ẹbụ wẹ gi a ja Osolobuẹ mma lẹ hụn wẹ gi a kpanmịn a, a sị: Ọ rịka mma: O nwọn ihiẹn-ọsụsụọ Izrẹlụ jẹnrin ejẹn. Ịhịan ile nọ yini Osolobuẹ okẹn oro ịja-mma, makẹni e gbegụọ wẹ iyetọ ụlọ Osolobuẹ.

Ẹbụ-ọma 80:1

Dodo, gọn ẹnyi ntịn, Onyẹ-ndu Izrẹlụ, ịyụ hụn e du ẹnyi ndị ebọn Josẹfụ nọkẹ atụnrụn! Ịyụ hụn nọdị alị elu chẹrobu ẹbụọ ahụn nwọn nku; dodo, ghọsị ẹka ị!

Ọpụpụ 3:2

Ebẹhụ kẹ mmọn-ozi Osolobuẹ nọ pụha nọkẹ ọkụn rị e nwun imẹ akụ-ọfịa. Mozizi nọ hụn a nị ọkụn rị e nwun imẹ ọfịa ahụn kanị ọ rịnị a dụn a.

Lẹvitikọsụ 10:2

Ya ọkụn nọ gha ebe Osolobuẹ rị pụha d'a dụngbu wẹ, wẹ nọ nwụntọ ihun Osolobuẹ.

Lẹvitikọsụ 6:13

Ọkụn ya rịsọnmẹ elu ukpo nchụn-ẹjan, etinyụnkọ w'a.

Ọgụngụn 14:5

Ya Mozizi lẹ Ẹrọnụ nọ dan alị bu ihun kpumẹ alị idẹnya igunrun ndị Izrẹlụ ile zu ebahụn.

Ọgụngụn 16:22

Kanị Mozizi lẹ Ẹrọnụ nọ tụha enwẹn wẹ alị bu ihun kpumẹ alị, kwanma ẹkwan, sị, “Euu Osolobuẹ, Chuku hụn gi ndụn ịhịan ile, n'i busọn ịhịan ile olulu bụ onyẹ ohu sụọ mẹ njọ?”

Ọgụngụn 23:21

Onwọnni eje-isi wẹ hụn ebọn Jekọpụ ẹhụ; onwọnni ụya wẹ hụn Izrẹlụ ẹhụ. Osolobuẹ wụ Chuku wẹ nọyeni wẹ anọyeni; Eze e yiọlẹ oro n'ọ hụ imẹ igunrun wẹ!

Matiu 26:39

O jẹnshi ihun ẹkẹrẹ, ọ nọ tụha enwẹn ẹ ye alị, bu ihun kpumẹ alị, mẹ ekpere, sị, “Baba, omẹni ọ rịghọ nfe, anịlẹ m ra mkpuni; kanị, uche i y'a mẹ, ẹlẹ uche m.”

Rẹvẹleshọnụ 4:9

Ihiẹn ẹnọ ahụn rị ndụn yegụ Onyẹ ahụn rị ndụn jẹnrin ejẹn hụn nọdị alị ukpo-eze ọghọ lẹ mgbaye lẹ ekele ẹnịna,

Rẹvẹleshọnụ 5:8

O werigụ ẹhụhụọ hụ, ihiẹn ẹnọ hụ rị ndụn lẹ ndị-isi ẹnọ-kwasị-ọgụn hụ nọ fiẹnrin alị ihun Nwa-ebulu hụ, onyẹ-onyẹ lẹ ụbọ a lẹ afẹrẹ goru o bu hụn wẹ kpọnjun nsẹnsi. Nsẹnsini wụ ekpere ndị nke Osolobuẹ.

Rẹvẹleshọnụ 7:11

Ndị mmọn-ozi ile turusọnmẹ ebẹhụ, fihunmẹ ukpo hụ lẹ ndị-isi hụ lẹ ihiẹn ẹnọ hụ rị ndụn; wẹ nọ kụ isi alị, fe Osolobuẹ,

Ndị Han Eṅẹn 13:23

Kanị, nwunyẹ ẹ nọ sị a, “Omẹni Osolobuẹ chọ n'o gbu ẹnyi, o ke narịn ẹnyi ẹjan ẹnyi gi ọkụn ye ẹ lẹ oyiye-ọka ẹnyi ye ẹ; o ke ghọsị ẹnyi ihiẹn ndịnị mọbụ gwa ẹnyi ihiẹnni ọ gwa ẹnyi.”

Ndị Han Eṅẹn 6:21

Ya Mmọn-ozi Osolobuẹ hụ nọ gi ọnụnụ ọkpọ rị a ẹka mẹtụ anụ hụ lẹ brẹdi hụ yisti rịlẹni. Ọkụn nọ gha ọmụma hụ pụha, ripụ anụ hụ lẹ brẹdi hụ yisti rịlẹni. Ya mmọn-ozi Osolobuẹ hụ nọ fopụ.