Lẹvitikọsụ 8:7 - Ika

⁷ Ọ nọ yimẹ Ẹrọnụ ẹwuru ọrụn nchụn-ẹjan ahụn tueru alị, gi nfifie hụ fiemẹ ẹ ukun; o yimẹ ẹ ẹwuru hụ tueghafe mkpụkụ ya lẹ ẹfọdụ a wị, yimẹ ẹ ẹfọdụ elu ẹ. Ọ nọ gi nfifie ẹfọdụ hụ wẹ kpa ọhụnma fiemẹzi ẹ ukun, o kẹnrẹn.

Lẹvitikọsụ 8:7 ပူးပေါင်းရင်းမြစ်များ

Ọpụpụ 28:2

“I jẹnkọ d'e mẹmẹni Ẹrọnụ nwẹnẹ i ẹwuru-nsọ pụ-ichẹn hụn k'e ye ẹ ọghọ lẹ ikpẹn.

Ọpụpụ 28:4

Lee ẹkwa ichẹn-ichẹn wẹ jẹnkọ d'a kwa: Ẹkpa Elu-obi, ẹfọdụ w'e yiyechanrịn elu ẹ, ẹwuru tueghafe mkpụkụ, ẹwuru ọrụn nchụn-ẹjan tueru alị wẹ kpa, okpu isi ohu lẹ eriri ohu. Ẹrọnụ nwẹnẹ i lẹ ụmụ a ikẹnnyẹ kẹ wẹ k'a kwanị ẹkwa-nsọ ndịnị, nị wẹ hụn ụzọ a rụnnị m ọrụn ndị a chụn ẹjan.

Ọpụpụ 28:6

“Wẹ gi ẹkwa-linẹni riẹnni kwa ẹwuru ẹfọdụ, kpayesọnmẹ ẹ ihiẹn goru lẹ oruru bru lẹ nke pọpụ lẹ nke ododo, kpayesọnmẹ wẹ ọhụnma.

Ọpụpụ 29:5

Gi ẹkwa ndị ahụn kẹn Ẹrọnụ ekikẹn, kẹ ẹwuru ọrụn nchụn-ẹjan hụ tueru alị kẹ ẹwuru ahụn tueghafe mkpụkụ ya lẹ ẹfọdụ a wị kẹ ẹfọdụ lẹ enwẹn ẹ kẹ Ẹkpa Elu-obi. Gi eriri-ukun hụ wụ nke ẹfọdụ kẹnmẹ ẹ ẹfọdụ hụ.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Izikẹlụ 42:14

Ndị nchụn-ẹjan lakọ ọrụn gha ebe rị nsọ pụha, abanyekọ wẹ ezi-ọgwa ibuzọ mmanị wẹ gbụpụgụ ẹkwa wẹ yi rụn ọrụn tọ mmughẹ ndịnị, makẹni ẹkwa ndị ahụn rị nsọ. Wẹ yirigụ ẹkwa ọzọ wẹ kebe nọkunmẹ ndị mmaka.”

Ndị Rom 13:14

Kama, yiri ni Di-nwọnni-ẹnyi wụ Jesu Kristi kẹ ẹwuru, eyelẹ ni onyẹ hụ ụnụ wụ mbụ lẹ eje-ihiẹn a gụnn'a efe.

Ndị Rom 3:22

ezi omumẹ Osolobuẹ hụn a bịa ghahanị ikwerini Jizọs Kraịstị rọ; o ru ndị ile kwerini ẹka, ara tu onyẹ ịhịan wụ,

Ndị Galeshịa 3:27

makẹni, ụnụ ile wẹ gi mirin-Chuku lẹ Mmọn-nsọ buche imẹ Jesu Kristi e yirigụọ Kraịstị.

Samuẹlụ Nke Ibuzọ 2:28

Mmẹ họrị Ẹrọnụ nẹdi i imẹ ebọn ile rị Izrẹlụ n'ọ wụrụnị m onyẹ nchụn-ẹjan, e nyinrin ukpo nchụn-ẹjan m, a mụ nsẹnsi, n'o yiri ẹwuru ẹfọdụ ndị nchụn-ẹjan a rụn ọrụn ihun m. Mmẹ keyezi ikpụnọ nẹdi i ẹjan ile ndị Izrẹlụ gi ọkụn a chụnyeni m.