Lẹvitikọsụ 8:30 - Ika

³⁰ Mozizi nọ weriberi udẹn-nsọ lẹ ẹdeke rị elu ukpo nchụn-ẹjan ahụn, fe wẹ kpu Ẹrọnụ lẹ ẹwuru ndị hụ o yi, fekpuzi ụmụ a lẹ ẹwuru wẹ. Ẹrịra kẹ o gi dọn Ẹrọnụ lẹ ẹwuru ẹ lẹ ụmụ a lẹ ẹwuru wẹ nsọ.

Lẹvitikọsụ 8:30 ပူးပေါင်းရင်းမြစ်များ

Ọpụpụ 28:2

“I jẹnkọ d'e mẹmẹni Ẹrọnụ nwẹnẹ i ẹwuru-nsọ pụ-ichẹn hụn k'e ye ẹ ọghọ lẹ ikpẹn.

Ọpụpụ 29:21

Y'a gha ẹdeke ahụn rị ukpo nchụn-ẹjan lẹ udẹn-nsọ werisọnmẹ ẹkẹrẹ gi fekpu Ẹrọnụ lẹ ẹwuru ndị hụ o yi lẹ ụmụ a ikẹnnyẹ lẹ ẹwuru wẹ, ogẹn ahụn, Ẹrọnụ lẹ ụmụ a ikẹnnyẹ lẹ ẹwuru wẹ a rị nsọ.

Ọpụpụ 30:30

“Tankpu Ẹrọnụ lẹ ụmụ a ikẹnnyẹ udẹn-nsọ ahụn, dọn wẹ nsọ, nị wẹ hụn ụzọ rụnma nị m ọrụn ndị nchụn-ẹjan.

Azaya 61:1

Mmọn Di-nwọnni-ẹnyi wụ Osolobuẹ rị imẹ m, makẹni Osolobuẹ e tumẹgụọ m d'e zi ndị igbẹnnyẹ ozi rị mma. O zi m d'a kasị ndị ndụn gụ obi, d'a sị ndị wẹ kwọndọn lama, d'a sị ndị ngan pụha;

Azaya 61:3

ọ sị m d'a tụnị ndị ụya rị e ri imẹ Zayọnụ ụya: mmẹ d'e kpumẹ wẹ okpu ma mma gi nọkin ẹnya ntụn wẹ bụọyesọnmẹ isi, mmẹ hu ịghọghọ kpu wẹ ẹhụ kẹ udẹn, gi nọkin ẹnya ẹkwan, mmẹ mẹ ọjịja-mma Osolobuẹ jun wẹ ọnụ, gi nọkin ẹnya agụngụn onyẹ ndụn gụ. Wẹ k'a kpọ wẹ okẹn-osisi rị a ghọsị ẹka Osolobuẹ, ihiẹn Osolobuẹ kụn n'o ghọsị ọghọ a.

Lẹvitikọsụ 10:3

Mozizi nọ sị Ẹrọnụ, “Ọnwan wụ ihiẹn ahụn Osolobuẹ ku ogẹn o gi sị; ‘M k'e gi ndị a nọkunmẹni m ghọsị nị m rị nsọ; m k'a hụn a nị ịhịan ile e ye m ọghọ m.’ ” Ẹrọnụ ekuni oku.

Lẹvitikọsụ 7:35

Ịya kẹ w'e ye Ẹrọnụ lẹ ụmụ a imẹ ẹjan wẹ gi ọkụn e ye Osolobuẹ, gha ụhụọhịn ahụn wẹ wepụha wẹ d'a rụnmanị Osolobuẹ ọrụn jẹnmẹ.

Lẹvitikọsụ 7:36

Ụhụọhịn hụ wẹ hukpu wẹ udẹn-nsọ tumẹ wẹ kẹ Osolobuẹ sị ndị Izrẹlụ yemẹ wẹ ya, n'ọ wụrụ ihiẹn k'a gha e ru wẹ ẹka agbọ wẹ ile.

Lẹvitikọsụ 8:12

Ọ nọ hubeye Ẹrọnụ udẹn-nsọ ahụn isi, gi ẹ dọn ẹ nsọ.

Ọgụngụn 3:3

Ịya wụ ẹfan ụmụ-ikẹnnyẹ Ẹrọnụ wẹ gi udẹn-nsọ tumẹ ndị nchụn-ẹjan, ndị wẹ tumẹ nị wẹ a rụn ọrụn ịchụn-ẹjan.

Hibru 2:11

Kẹ onyẹ hụn e dọn wẹ nsọ wụ Jesu kẹ ndị ọ rị e dọn nsọ a wụrụgụọ nwan ụmụ onyẹ ohu. Ịya haịn ifẹnrẹn gilẹni e mẹ ẹ ịkpọ wẹ umunẹ ẹ.

Pita Ibuzọ 1:2

ndị Chuku Nẹdi họtọ, gi Mmọn-nsọ dọn wẹ nsọ, kẹni wẹ hụn ụzọ humẹni Jizọsị Kraịstị isi, wụrụ ndị wẹ gi ẹdeke ẹ fepụ ẹhụ njọ. Ẹfọma lẹ udọn ya rịnị ụnụ mmagi-mmagi.

Jọnụ Ibuzọ 2:27

O mẹ nke ụnụ, udẹn Mmọn-nsọ a hụn rị imẹ ndụn ụnụ a kuzi ụnụ ihiẹn ile, ẹlẹzi hụn ụnụ e gi chọmazị onyẹ k'a kuzini ụnụ. Ihiẹn udẹn Mmọn-nsọ a kuzi ụnụ wụ ezioku — ntụ arị a. Mẹ ni nwan ihiẹn ọ kuzi ụnụ: nọdị nị imẹ Kraịstị.

Rẹvẹleshọnụ 7:14

M nọ sị a, “Diọkpa, ịyụ marịn ndị wẹ wụ.” Ọ nọ sị m, “Ndịnị gha okẹn ukpokpo hụ pụha. Wẹ gi ẹdeke Nwa-ebulu hụ sụ ẹwuru wẹ, wẹ nọ họnrin ẹkwa-ọchan.