Lẹvitikọsụ 8:15 - Ika

¹⁵ Mozizi nọ gbu efin ahụn, weberi ẹdeke ẹ, gi mkpịnsịn-ẹka deri ẹ, teyesọnmẹ mpịn rịsọnmẹ nkonko ukpo nchụn-ẹjan ahụn, gi ẹ mẹ n'ọ rị ọchan. Ọ nọ hu ẹdeke họdụnị ye ukun ukpo wẹ n'a chụn ẹjan. Ya k'o gi dọn ẹ nsọ, makẹ ihiẹn ọwụlẹ e sehẹ iwe Osolobuẹ gha a rị a.

Lẹvitikọsụ 8:15 ပူးပေါင်းရင်းမြစ်များ

Ihiẹn Mẹni Nke Ẹbụọ 29:24

Ndị nchụn-ẹjan nọ gbu ewu ndị hụ gi chụn ẹjan-njọ, fe ẹdeke wẹ ye ukpo nchụn-ẹjan, gi chụn ẹjan wẹ gi a gbarị isi Izrẹlụ ile, makẹni eze sị wẹ chụnnị Izrẹlụ ile ẹjan w'a dụn ọkụn lẹ ẹjan-njọ.

Izikẹlụ 45:20

Ihiẹn ohu ahụn k'i sikọ d'e mẹzi nke akpọhịn ẹsa imẹ ifọn ibuzọ ahụn — kẹni wẹ gbagharị onyẹ ọwụlẹ ọ rụnahịn mẹ njọ mọbụ onyẹ hụn mẹ njọ bụ ọ marịn, kẹni ụnụ gi ẹ dọnzi Ụlọ-nsọ.

Daniẹlụ 9:24

“Ogẹn Chuku kayeni ndị nke i lẹ obodo nsọ ụnụ wụ ‘iri kwasị ọgụn-ẹtọ ụzọ ẹsa’ hụn wẹ e gi ta afụnfụn njọ, hụn Osolobuẹ e gi wepụ njọ, hụn o gi mẹ ihiẹn wẹ e gi wepụ njọ, webanhan ezi-omumẹ itẹbitẹ, mẹzu ihiẹn ọ ghọsị ndị-amụma lẹ ihiẹn ndị amụma ku, tumẹ ebe kachanrịn nsọ.

Lẹvitikọsụ 1:11

O k'a nọ ẹbamịn-ugu ukpo nchụn-ẹjan gbu ẹ ihun Osolobuẹ; ụmụ Ẹrọnụ ikẹnnyẹ ndị nchụn-ẹjan e fesọnmẹ ẹdeke ẹ kpu ukpo nchụn-ẹjan hụ ụsụọ ile.

Lẹvitikọsụ 1:5

Ọ nọ ihun Osolobuẹ gbu agbanaị-efin ahụn; ụmụ Ẹrọnụ ndị ikẹnnyẹ, ndị nchụn-ẹjan, e wẹhẹ ẹdeke anụ hụ d'e feye ukpo nchụn-ẹjan hụ rị ọnụmụzọ Ọdụ-nsọ ụsụọ a ile.

Lẹvitikọsụ 16:20

“Ẹrọnụ gbarịgụ Ebẹhụ Kachanrịn-nsọ lẹ Ọdụ-ozuzu hụ ile lẹ ukpo nchụn-ẹjan, o wepụha nwan ewu hụ rị ndụn.

Lẹvitikọsụ 3:2

O k'e bu ẹka kwasị anụ ahụn o jẹnkọ d'e ye isi, gbu ẹ ọnụmụzọ Ọdụ-nsọ, ụmụ Ẹrọnụ ikẹnnyẹ ndị nchụn-ẹjan e fe ẹdeke ẹ kpu ukpo nchụn-ẹjan hụ ụsụọ ile.

Lẹvitikọsụ 3:8

O k'e bu ẹka kwasị a isi, nọ ihun Ọdụ-ozuzu gbu ẹ, ụmụ Ẹrọnụ ikẹnnyẹ ndị nchụn-ẹjan a bịa d'e fe ẹdeke ẹ kpu ukpo nchụn-ẹjan ụsụọ ile.

Lẹvitikọsụ 4:25

Onyẹ nchụn-ẹjan e gi mkpịnsịn-ẹka deri ẹdeke ẹjan-njọ hụ, deye mpịn rịsọnmẹ nkonko ukpo hụ wẹ n'a dụn ẹjan ọkụn, hu hụn họdụnị ye ukun ukpo hụ.

Lẹvitikọsụ 4:30

Onyẹ nchụn-ẹjan e gi mkpịnsịn-ẹka deri ẹdeke ẹjan-njọ hụ deye mpịn rịsọnmẹ nkonko ukpo hụ wẹ n'a dụn ẹjan ọkụn, hu hụn họdụnị ye ukun ukpo hụ,

Lẹvitikọsụ 4:7

Ọ bịa d'e weberizi ẹdeke hụ, de ẹ deye mpịn rịsọnmẹ nkonko ukpo nsẹnsi e shin ọhụnma hụn rị ihun Osolobuẹ, imẹ Ọdụ-ozuzu; o hu ẹdeke okẹn-efin hụ họdụnị ye ukun ukpo hụ wẹ n'a dụn ẹjan ọkụn hụn rị ọnụmụzọ Ọdụ-ozuzu.

Lẹvitikọsụ 6:30

Kanị ẹrikọkwọ wẹ anụ ẹjan-njọ ọwụlẹ wẹ webanhan ẹdeke ẹ imẹ Ọdụ-nsọ kẹti-kẹti d'e gi ẹ gbarị isi imẹ Ebe rị nsọ; wẹ k'a dụnrịrị a ọkụn.

Ọgụngụn 8:12

“Ndị Livaị kịgụ ẹka kwasị okẹn-efin ndị ahụn isi, gi ohu chụnyegụnị Osolobuẹ ẹjan-njọ, y'e gi hụn ẹbọ chụn ẹjan w'a dụn ọkụn, gi gbarị isi ndị Livaị.

Ndị Rom 5:10

Makẹni, omẹni ogẹn ẹnyi gi wụ ndị-iṅẹnrẹn Osolobuẹ, o gi ọnwụn Nwa a dọnzi ẹgbata ẹnyi lẹ ya, ya wụ nị hụnnị ẹnyi lẹ ịya dọngụ, n'o gighọ nwan ndụn Nwa a zụọpụhachanrịn ẹnyi!

Ndị Ẹfẹsọsụ 2:16

gi ọnwụn ọ nwụn elu obe wekinhẹnni Chuku azụụn ẹbụbụọ hụ o gi họnrin ohu, azụụn ẹbụbụọ hụ o wepụ eṅẹnrẹn ẹgbata wẹ.

Hibru 2:17

Ya haịn Osolobuẹ gi mẹ ẹ n'ọ rịchanrịn kẹ ẹnyi wụ umunẹ ẹ ụzọ ile, kẹni ọ hụn ụzọ wụrụ onyẹ-isi nchụn-ẹjan hụn e mẹ omikẹn lẹ hụn furu wẹ gi e dọn ẹnya imẹ ọrụn Osolobuẹ, n'ọ hụn ụzọ chụnnị ịhịan ẹjan w'e gi wepụ njọ wẹ lẹ afụnfụn njọ te k'e buhẹ.