Lẹvitikọsụ 8:14 - Ika

¹⁴ Ya ọ nọ wepụha okẹn-efin wẹ k'e gi chụn ẹjan-njọ, Ẹrọnụ lẹ ụmụ a nọ kị ẹka kwasị efin ahụn isi.

Lẹvitikọsụ 8:14 ပူးပေါင်းရင်းမြစ်များ

Ẹbụ-ọma 66:15

M k'e gi anụ m kachanrịn mma chụnyen'i ẹjan w'a dụn ọkụn, e gi m ebulu chụnyen'i ẹjan w'a dụn ọkụn, ẹnwụnrụn a alọshin'i elu, e gizi m okẹn-efin lẹ ewu chụnyen'i ẹjan. Sẹla

Azaya 53:10

kanị ọ sụọ Osolobuẹ n'o mẹshi ẹ ikẹn, mẹ ẹ ta afụnfụn. Ọsụọn'a n'o gi ndụn a chụn ẹjan-njọ, ọ k'a hụn ụmụ a; o k'a tọ. Uche Osolobuẹ k'a nọ ẹka a gha ihun.

Izikẹlụ 43:19

I k'e we okoro okẹn-efin ye ndị nchụn-ẹjan, ndị ebọn Zadọkụ hụn omẹni uwẹ sụọ wụ ndị ebọn Livaị k'a gha a nọkunmẹ m, a chụnị m ẹjan. Wẹ k'e gi okoro-efin hụ chụn ẹjan-njọ, ya kẹ Osolobuẹ Nwọn Ihiẹn Ile ku.

Izikẹlụ 43:20

I sikọ d'e weberi ẹdeke efin hụ, deye mpịn ẹnịnọ hụn rị ukpo nchụn-ẹjan ahụn lẹ ụsụọ a ẹnịnọ elu ẹ lẹ ihiẹn wẹ gi gbihunmẹ elu ẹ. Ọhụn kẹ w'e gi jụ a, wepụ a ụrụ.

Izikẹlụ 44:27

Ụhụọhịn o k'e jẹn ezi-ọgwa rị imẹ, ụhụọhịn o k'a banye azụụn hụ rị nsọ d'a rụn ọrụn, o k'a chụn ẹjan-njọ a. Ya kẹ Osolobuẹ Nwọn Ikẹn Ile ku.

Lẹvitikọsụ 1:4

O k'e bu ẹka kwasị anụ hụ isi, oyiye ahụn wẹ jẹnkọ d'a dụn ọkụn, a narịn w'a ya gi gbarị isi ẹ.

Lẹvitikọsụ 16:21

O bu ẹka a ẹbụbụọ kwasị ewu hụ rị ndụn isi, kuchanrịn eje-obibi lẹ nnupụ-isi ndị Izrẹlụ, njọ ile wẹ mẹ, bugụ wẹ che ewu hụ isi, o we ewu hụ ye onyẹ wẹ tumẹ k'e dupụn'a, o du ẹ shi imẹ atụ.

Lẹvitikọsụ 16:6

Ẹrọnụ k'e gi okẹn-efin hụ chụn ẹjan-njọ a, gi gbarị isi ya lẹ enwẹn ẹ lẹ ikpụnọ a;

Lẹvitikọsụ 4:15

Ndị-ichẹn alị k'e bu ẹka kwasị efin hụ isi ihun Osolobuẹ, e gbu wẹ ẹ.

Lẹvitikọsụ 8:2

“Wẹhẹ Ẹrọnụ lẹ ụmụ a ikẹnnyẹ, wẹ lẹ ẹwuru wẹ lẹ ihiẹn ndị hụ m gwa ị: udẹn-nsọ, okẹn-efin wẹ sikọ d'e gi chụn ẹjan-njọ, ebulu ẹbụọ lẹ ụkpalị brẹdi ndị wẹ buchelẹni yisti,

Ọgụngụn 8:12

“Ndị Livaị kịgụ ẹka kwasị okẹn-efin ndị ahụn isi, gi ohu chụnyegụnị Osolobuẹ ẹjan-njọ, y'e gi hụn ẹbọ chụn ẹjan w'a dụn ọkụn, gi gbarị isi ndị Livaị.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Pita Ibuzọ 3:18

Makẹni, Kraịstị gi ufiri njọ tazịkwọ afụnfụn, nwụn, (mgbe ohu k'ọ nwụn, ọ nwụnkọzị), Onyẹ rị ọchan hụn nwụnnị ndị njọ ọnwụn — kẹni ọ hụn ụzọ wẹhẹ ẹnyi ile ebe Osolobuẹ rị. Wẹ gbu ẹ, ọ nwụnhụn kẹ ịhịan, kanị Chuku nọ mẹ mmọn a rị ndụn,