Lẹvitikọsụ 8:13 - Ika

¹³ Ya ọ nọ wepụha ụmụ Ẹrọnụ ikẹnnyẹ, yimẹsọnmẹ wẹ ẹwuru ọrụn nchụn-ẹjan ndị hụ tueghafe mkpụkụ, gi nfifie fiesọnmẹ wẹ ukun, fụmasọnmẹ wẹ okpu-isi ndịnẹi. Ẹrịra kẹ Osolobuẹ gwa Mozizi ya mẹ wẹ.

Lẹvitikọsụ 8:13 ပူးပေါင်းရင်းမြစ်များ

Ẹbụ-ọma 132:9

Ndị nchụn-ẹjan i wẹ yiri ezi-omumẹ rịkẹ ẹwuru; ndị nsọ ị wẹ yi oro ịghọghọ.

Ọpụpụ 40:13

Y'e yimẹ Ẹrọnụ ẹwuru-nsọ ndịnẹi, hukpu ẹ udẹn-ntumẹ, dọn ẹ nsọ, n'ọ hụn ụzọ rụnmanị m ọrụn onyẹ nchụn-ẹjan.

Ọpụpụ 40:16

Mozizi mẹchanrịn ihiẹn ile kẹ Osolobuẹ dọn gwa a.

Azaya 61:10

M rị a ghọghọ ọda-ọda makẹ Osolobuẹ; obi rị a sụọ m ụsụọ ọda-ọda makẹ Chuku m. Makẹni o yimẹgụọ m nzụọpụha kẹ ẹwuru, we ezi-omumẹ tụ m mgburu, gi wẹ ile chọ m mma kẹ okẹnnyẹ rị a gba ẹhụhụọ dọn e kpuru okpu ma mma lekẹ onyẹ nchụn-ẹjan, kẹ nwagbọọ rị a gba ẹhụhụọ dọn e yi ihiẹn-mma a.

Azaya 61:6

Wẹ k'a kpọ ụnụ ndị nchụn-ẹjan Osolobuẹ, kpọ ụnụ ndị-ọrụn Chuku ẹnyi. Ụnụ k'a gha e ri akụ-lẹ-ụba alị ichẹn-ichẹn, e gidẹ akụ-lẹ-ụba wẹ a nyan isi.

Izikẹlụ 42:14

Ndị nchụn-ẹjan lakọ ọrụn gha ebe rị nsọ pụha, abanyekọ wẹ ezi-ọgwa ibuzọ mmanị wẹ gbụpụgụ ẹkwa wẹ yi rụn ọrụn tọ mmughẹ ndịnị, makẹni ẹkwa ndị ahụn rị nsọ. Wẹ yirigụ ẹkwa ọzọ wẹ kebe nọkunmẹ ndị mmaka.”

Lẹvitikọsụ 10:5

Ya wẹ nọ buru wẹ, wẹ lẹ ẹwuru ọrụn nchụn-ẹjan wẹ tueghafe mkpụkụ wẹ yi, gha ebẹhụ ndị Izrẹlụ ziẹntọ bupụ wẹ kẹ Mozizi dọn ku.

Lẹvitikọsụ 8:21

Ọ nọ gi mirin chanchan ihiẹn ndị rị imẹ ẹ lẹ ụkụ a, nọ elu ukpo nchụn-ẹjan hụ dụnpụ ebulu ahụn ile ọkụn, o họnrin ẹnwụnrụn, ẹjan wẹ dụn ọkụn hụn e shin ọhụnma, ẹjan wẹ gi ọkụn chụnyeni Osolobuẹ. Ẹrịra kẹ Osolobuẹ gwa Mozizi ya mẹ ẹ.

Pita Ibuzọ 2:5

Imẹ ẹ, ụnụ nwẹn wụzị ọmụma rị ndụn hụn wẹ rị e gi a tụn ụlọ imẹ-mmọn, kẹni ụnụ hụn ụzọ wụrụ ndị nchụn-ẹjan rị nsọ, ndị gha ẹka Jizọsị Kraịstị a chụn ẹjan imẹ-mmọn hụn a sụọ Osolobuẹ.

Pita Ibuzọ 2:9

Kanị, ụnụ nwẹn wụ agbọ wẹ họrị ahọrị; ndị nchụn-ẹjan Eze; ebọn rị nsọ; ndị nke Osolobuẹ kẹti-kẹti, kẹni ụnụ a ghọsị ẹka-ọrụn Onyẹ hụn kpọpụha ụnụ imẹ ishi bu ụnụ che imẹ ukpẹ ẹ rịgbu enwẹn ẹ mma.

Rẹvẹleshọnụ 1:6

ọ nọ nwan mẹ ẹnyi wụrụ alị-eze, mẹ ẹnyi wụrụ ndị nchụn-ẹjan Osolobuẹ ẹ hụn wụ Nẹdi ẹ. Ọghọ lẹ ọkịkị ya wụrụ nke ẹ jẹnrin ejẹn! Isẹẹ.

Rẹvẹleshọnụ 5:10

Y'e mẹgụọ wẹ wụrụnị Osolobuẹ ẹnyi alị-eze lẹ ndị nchụn-ẹjan; wẹ k'a kị elu-ụwa.”