Lẹvitikọsụ 7:36 - Ika

³⁶ Ụhụọhịn hụ wẹ hukpu wẹ udẹn-nsọ tumẹ wẹ kẹ Osolobuẹ sị ndị Izrẹlụ yemẹ wẹ ya, n'ọ wụrụ ihiẹn k'a gha e ru wẹ ẹka agbọ wẹ ile.

Lẹvitikọsụ 7:36 ပူးပေါင်းရင်းမြစ်များ

Ọpụpụ 27:21

Imẹ Ọdụ-ozuzu, ihun Ẹkwa ahụn wẹ gi a tankin ebe Ẹkpẹti Ashịa-ẹri rị, Ẹrọnụ lẹ ụmụ a ikẹnnyẹ k'a hụn a nị ukpẹ ahụn e nwun ebẹhụ ihun Osolobuẹ gha ẹnyasị d'e ru ụtụntụn. Ndị Izrẹlụ k'e dọnmẹ iwuni agbọ wẹ ile.

Lẹvitikọsụ 3:17

“Dọnmẹsọnmẹ ni iwuni agbọ ile lalanị, ebe ọwụlẹ ụnụ bi. Erikwọlẹ ni ụtọrọ mọbụ ẹdeke kaka.”

Lẹvitikọsụ 8:12

Ọ nọ hubeye Ẹrọnụ udẹn-nsọ ahụn isi, gi ẹ dọn ẹ nsọ.

Lẹvitikọsụ 8:30

Mozizi nọ weriberi udẹn-nsọ lẹ ẹdeke rị elu ukpo nchụn-ẹjan ahụn, fe wẹ kpu Ẹrọnụ lẹ ẹwuru ndị hụ o yi, fekpuzi ụmụ a lẹ ẹwuru wẹ. Ẹrịra kẹ o gi dọn Ẹrọnụ lẹ ẹwuru ẹ lẹ ụmụ a lẹ ẹwuru wẹ nsọ.

Samuẹlụ Nke Ibuzọ 2:28

Mmẹ họrị Ẹrọnụ nẹdi i imẹ ebọn ile rị Izrẹlụ n'ọ wụrụnị m onyẹ nchụn-ẹjan, e nyinrin ukpo nchụn-ẹjan m, a mụ nsẹnsi, n'o yiri ẹwuru ẹfọdụ ndị nchụn-ẹjan a rụn ọrụn ihun m. Mmẹ keyezi ikpụnọ nẹdi i ẹjan ile ndị Izrẹlụ gi ọkụn a chụnyeni m.