Lẹvitikọsụ 5:6 - Ika

⁶ o wẹhẹni Osolobuẹ ẹjan onyẹ ikpe ma yeni njọ hụn o mẹ: onyẹnnyẹ atụnrụn mọbụ onyẹnnyẹ ewu k'o sikọ d'e wẹhẹ gi chụn ẹjan-njọ, onyẹ nchụn-ẹjan e gi ẹ gbarị isi hụnyẹ.

Lẹvitikọsụ 5:6 ပူးပေါင်းရင်းမြစ်များ

Izikẹlụ 40:39

Kanị, imẹ ẹtu-ụlọ hụ wẹ gha a banye, teburu ẹbụọ-ẹbụọ rị azụụnnị lẹ azụụnnị. Elu teburu ndị hụ kẹ wẹ nọ e gbu anụ wẹ gi a chụn ẹjan w'a dụn ọkụn, ẹjan-njọ lẹ ẹjan ndọnzi.

Izikẹlụ 42:13

Ya kẹ okẹnnyẹ ahụn rị a ghọsị m ihiẹn nọ sị m, “Mmughẹ ndịnị rị Ụlọ-NSỌ ẹka-ekpẹn lẹ ẹka-nni wụ mmughẹ nsọ. Imẹ wẹ kẹ ndị nchụn-ẹjan hụn a bịa ebe Osolobuẹ rị d'a rụn ọrụn k'a rị a nọ e ri oyiye ndị ahụn kachanrịn nsọ. Ebahụn kẹ wẹ k'a gha e butọ oyiye ndị ahụn kachanrịn nsọ — hụn wụ oyiye-ọka, ẹjan-njọ lẹ ẹjan-ndọnzi, makẹni ebahụn rị nsọ.

Izikẹlụ 44:27

Ụhụọhịn o k'e jẹn ezi-ọgwa rị imẹ, ụhụọhịn o k'a banye azụụn hụ rị nsọ d'a rụn ọrụn, o k'a chụn ẹjan-njọ a. Ya kẹ Osolobuẹ Nwọn Ikẹn Ile ku.

Lẹvitikọsụ 4:20

o mẹ okẹn efinni k'o dọn mẹ okẹn-efin ẹjan-njọ. Ẹnịna kẹ onyẹ nchụn-ẹjan k'a dọn gbarị isi wẹ, Osolobuẹ a gbagharị wẹ;

Lẹvitikọsụ 4:28

Hụn o gihụ marịn n'o mẹgụọ njọ, o k'e wẹhẹrịrị onyẹnnyẹ-ewu ẹhụ a zu oke o jẹnkọ d'e gi chụn ẹjan njọ o mẹ.

Lẹvitikọsụ 4:31

wepụha ụtọrọ a ile, kẹ wẹ dọn e wepụha ụtọrọ anụ wẹ gi ye oyiye ekele; onyẹ nchụn-ẹjan a nọ ukpo hụ wẹ n'a chụn ẹjan dụn a ọkụn n'o họnrin ẹnwụnrụn, ọ wụrụ ishin ọma hụn a sụọ Osolobuẹ ụsụọ. Ẹnịna kẹ onyẹ nchụn-ẹjan k'a dọn gbarị isi onyẹ hụ, Osolobuẹ a gbagharị a njọ.

Lẹvitikọsụ 4:32

“Omẹni atụnrụn k'o wela d'a chụn ẹjan-njọ a, ya wẹhẹ onyẹnnyẹ ẹhụ a zu oke.

Lẹvitikọsụ 4:35

O k'e wepụha ụtọrọ a ile kẹ wẹ dọn e wepụha ụtọrọ anụ wẹ gi ye oyiye ekele, onyẹ nchụn-ẹjan a nọ ukpo hụ wẹ nọ a chụn ẹjan, elu ẹjan ndị hụ wẹ gi ọkụn chụnyeni Osolobuẹ, dụn a ọkụn n'o họnrin ẹnwụnrụn. Ẹnịna kẹ onyẹ nchụn-ẹjan k'a dọn gbarị isi onyẹ hụ, Osolobuẹ a gbagharị a njọ.

Lẹvitikọsụ 6:6

“O sikọ d'e wẹhẹni Osolobuẹ atụnrụn ẹhụ a zu oke mọbụ ọnụ-egho ẹ, we ẹ ye onyẹ nchụn-ẹjan, makẹni ikpe ma a.

Ọgụngụn 6:12

O k'e we enwẹn ẹ kwadọnzini Osolobuẹ ọkwụkwanị pụ-ichẹn; o wẹhẹgụ ebulu rị nwa ahụa ohu d'a chụn ẹjan onyẹ ikpe ma, ọ ghazị isi gụnma, nọzu ọrọgbọ hụn o kwe nkwa mbụ. Ya wụnị agụnyekọzị wẹ ọrọgbọ ile ọ nọpụ — makẹni o mẹrụọlẹ enwẹn ẹ hụn o te gi kwanị Osolobuẹ.