Lẹvitikọsụ 5:11 - Ika

¹¹ “Omẹni mbụọ a epuni nduru ẹbụọ mọbụ ụmụ oluikuku ẹbụọ, ya wẹhẹ ọka-witi wẹ gweriẹn hụn k'e jun mkpu kọstadị nta ohu d'a chụn ẹjan njọ. Y'e buchekwọl'a ofigbọn-olivu mọbụ nsẹnsi, makẹni ẹjan njọ rọ.

Lẹvitikọsụ 5:11 ပူးပေါင်းရင်းမြစ်များ

Ọpụpụ 16:18

Kanị ogẹn wẹ gi gi mkpu wẹ gwa wẹ ma a, onyẹ kpọnrin ọda enwọnkẹni, nke onyẹ kpọnrin ẹkẹrẹ emẹkẹni ẹkẹrẹ. Ọ nọ mẹ ni hụn onyẹ-onyẹ kpọnrin wụhụ hụn ahụn k'e zu ezi-lẹ-ụlọ a ri!

Ọpụpụ 16:36

Mkpuni wụ “oma” han kẹ mkpu ẹfa wẹ kebe ụzọ iri.

Lẹvitikọsụ 1:14

“Omẹni nnụnụ k'o k'e gi ye Osolobuẹ oyiye w'a dụn ọkụn, o sikọ d'a wụrịrị nduri mọbụ nwa oluikuku.

Lẹvitikọsụ 12:8

“Omẹni mbụọ a e puni atụnrụn, o wẹhẹ nduri ẹbụọ mọbụ ụmụ oluikuku ẹbụọ: wẹ gi ohu chụn ẹjan w'a dụn ọkụn, e gi wẹ hụn ẹbọ chụn ẹjan-njọ. Ẹrịra kẹ onyẹ nchụn-ẹjan k'a dọn gbarị isi okpoho hụ, ọ rị ọchan.”

Lẹvitikọsụ 14:21

“Kanị, omẹni ogbẹnnyẹ rọ, nị ẹka a eruni ihiẹn ndịnị, o k'e wẹhẹ ebulu ohu o k'e gi chụn ẹjan onyẹ ikpe ma, nị wẹ finfin ẹ, o gi ẹ gbarị isi ẹ, cheni ọka wẹ gweriẹn hankẹ mkpu kọstadị nta ẹbụọ, hụn wẹ gi ofugbọn-olivu gwọ o k'e gi ye oyiye-ọka lẹ ofugbọn-olivu rulẹni mkpu kọstadị nta ahanmahan,

Lẹvitikọsụ 27:8

Omẹni onyẹ rị e kwe nkwa hụ e mẹkẹzi ogbẹnnyẹ, n'ọ sakọ ẹka kụ ọnụ-egho hụ w'a kụ, o sikọ d'e we onyẹ hụ o k'a gbarị jẹnni onyẹ nchụn-ẹjan, onyẹ nchụn-ẹjan e ku ọnụ-egho wẹ k'e gi gbarị a; ọnụ-egho o k'e ku k'a wụ hụn onyẹ kwe nkwa k'a saẹka kụ.

Lẹvitikọsụ 5:12

O k'e wẹhẹni onyẹ nchụn-ẹjan ya, onyẹ nchụn-ẹjan a bụọrị hụn jun ọb'ẹka gi nọkin ẹnya ọka hụ ile o wẹhẹ, dụn a ọkụn elu ukpo nchụn-ẹjan elu oyiye wẹ gi ọkụn ye Osolobuẹ, o họnrin ẹnwụnrụn. Ẹjan njọ rọ.

Lẹvitikọsụ 5:6

o wẹhẹni Osolobuẹ ẹjan onyẹ ikpe ma yeni njọ hụn o mẹ: onyẹnnyẹ atụnrụn mọbụ onyẹnnyẹ ewu k'o sikọ d'e wẹhẹ gi chụn ẹjan-njọ, onyẹ nchụn-ẹjan e gi ẹ gbarị isi hụnyẹ.

Lẹvitikọsụ 5:9

o k'e weberi ẹdeke ẹjan-njọ hụ feye ụsụọ ukpo nchụn-ẹjan, ọ nị hụn họdụnị gbayechanrịn ukun ukpo nchụn-ẹjan. Ẹjan njọ rọ.

Lẹvitikọsụ 6:20

“Lee oyiye Ẹrọnụ lẹ ụmụ a sikọ d'e wẹhẹni Osolobuẹ ụhụọhịn wẹ k'e tumẹ wẹ: ọka wẹ gweriẹn hụn k'e ru mkpu kọstadị-nta ẹbụọ; ịya k'a wụ oyiye-ọka w'e yesọnmẹ ogẹn ile: ụtụntụn, o wẹhẹ nkirishi ẹ, ẹnyasị, o wẹhẹzi nkirishi ẹ.

Ọgụngụn 5:15

Hụn okẹnnyẹ sikọ d'e we nwunyẹ ẹ jẹnni onyẹ nchụn-ẹjan. O jẹnkọnị, o weri ọka-bali wẹ gweriẹn hụn k'e jun mkpu kọstadị nta ẹbụọ hụn o k'e gi chụnnị nwunyẹ ẹ hụ ẹjan-ọka. O huyekọkwọ a ofigbọn-olivu; o buchekọ nsẹnsi elu ẹ, makẹni ẹjan-ọka onyẹ ẹnya rị a fụ rọ, ẹjan wẹ gi a nyanhan njọ ịhịan.

Ọgụngụn 7:13

Ihiẹn o wẹhẹ wụ mgbadọn ohu wẹ gi akpụrụ siliva iri kwasị ọgụn-isin kpụ lẹ afẹrẹ wẹ gi akpụrụ siliva iri kwasị ọgụn-ẹtọ kpụ wẹ gi e fekpu ihiẹn. Ihiẹn wẹ gi a ma siliva Ọdụ-nsọ kẹ wẹ gi ma wẹ ẹbụbụọ; ọka wẹ gweriẹn gi ofugbọn-olivu gwọ a jun wẹ ẹbụbụọ;

Luku 2:24

Wẹ nọ chụn ẹjan kẹ wẹ dọn de ẹ imẹ Iwu Di-nwọnni-ẹnyi, ebẹhụ Iwu nọ sị, “Nduru ẹbụọ mọbụ ụmụ oluikuku ẹbụọ.”

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Hibru 9:22

Okpuru Iwu Mozizi, o d'a wụrụ nị ẹdeke kẹ wẹ gi e dọn ihiẹn ile nsọ: omẹni ẹdeke arịa, mgbagharị njọ arịkọ.