Lẹvitikọsụ 4:7 - Ika

⁷ Ọ bịa d'e weberizi ẹdeke hụ, de ẹ deye mpịn rịsọnmẹ nkonko ukpo nsẹnsi e shin ọhụnma hụn rị ihun Osolobuẹ, imẹ Ọdụ-ozuzu; o hu ẹdeke okẹn-efin hụ họdụnị ye ukun ukpo hụ wẹ n'a dụn ẹjan ọkụn hụn rị ọnụmụzọ Ọdụ-ozuzu.

Lẹvitikọsụ 4:7 ပူးပေါင်းရင်းမြစ်များ

Ẹbụ-ọma 118:27

Osolobuẹ wụ Chuku; o yeọlẹ ẹnyi ukpẹ! Kwọndọnsọnmẹ ni agala gi bidọn mmẹmmẹ; weri ni anụ ẹnyi gi a chụn ẹjan d'e limẹye mpịn ukpo nchụn-ẹjan.

Ọpụpụ 29:12

Gi mkpịnsịn-ẹka deri ẹdeke okoro okẹn-efin ahụn teyesọnmẹ mpịn ukpo nchụn-ẹjan hụ, y'e hu hụn họdụnị ye ukun ukpo nchụn-ẹjan hụ.

Lẹvitikọsụ 1:5

Ọ nọ ihun Osolobuẹ gbu agbanaị-efin ahụn; ụmụ Ẹrọnụ ndị ikẹnnyẹ, ndị nchụn-ẹjan, e wẹhẹ ẹdeke anụ hụ d'e feye ukpo nchụn-ẹjan hụ rị ọnụmụzọ Ọdụ-nsọ ụsụọ a ile.

Lẹvitikọsụ 16:18

“Ọ pụha nwan ezi ebe ukpo nchụn-ẹjan rị ihun Osolobuẹ, gbarịzịkwọ a: O weberi ẹdeke okẹn-efin hụ lẹ ẹdeke ewu hụ, o buchesọnmẹ ẹ mpịn rịsọnmẹ nkonko ukpo nchụn-ẹjan hụ.

Lẹvitikọsụ 4:18

O weberizi ẹdeke hụ deye mpịn ndị rị nkonko ukpo nsẹnsi hụ rị ihun Osolobuẹ imẹ Ọdụ-ozuzu; o hu ẹdeke họdụnị ye ukun ukpo wẹ n'a dụn ẹjan ọkụn hụn rị ọnụmụzọ Ọdụ-ozuzu.

Lẹvitikọsụ 4:25

Onyẹ nchụn-ẹjan e gi mkpịnsịn-ẹka deri ẹdeke ẹjan-njọ hụ, deye mpịn rịsọnmẹ nkonko ukpo hụ wẹ n'a dụn ẹjan ọkụn, hu hụn họdụnị ye ukun ukpo hụ.

Lẹvitikọsụ 4:30

Onyẹ nchụn-ẹjan e gi mkpịnsịn-ẹka deri ẹdeke ẹjan-njọ hụ deye mpịn rịsọnmẹ nkonko ukpo hụ wẹ n'a dụn ẹjan ọkụn, hu hụn họdụnị ye ukun ukpo hụ,

Lẹvitikọsụ 4:34

Onyẹ nchụn-ẹjan e gi mkpịnsịn-ẹka deri ẹdeke ẹjan-njọ hụ, deyesọnmẹ mpịn rịsọnmẹ nkonko ukpo hụ wẹ nọ a dụn ẹjan ọkụn, hu hụn họdụnị ye ukun ukpo hụ.

Lẹvitikọsụ 5:9

o k'e weberi ẹdeke ẹjan-njọ hụ feye ụsụọ ukpo nchụn-ẹjan, ọ nị hụn họdụnị gbayechanrịn ukun ukpo nchụn-ẹjan. Ẹjan njọ rọ.

Lẹvitikọsụ 6:30

Kanị ẹrikọkwọ wẹ anụ ẹjan-njọ ọwụlẹ wẹ webanhan ẹdeke ẹ imẹ Ọdụ-nsọ kẹti-kẹti d'e gi ẹ gbarị isi imẹ Ebe rị nsọ; wẹ k'a dụnrịrị a ọkụn.

Lẹvitikọsụ 8:15

Mozizi nọ gbu efin ahụn, weberi ẹdeke ẹ, gi mkpịnsịn-ẹka deri ẹ, teyesọnmẹ mpịn rịsọnmẹ nkonko ukpo nchụn-ẹjan ahụn, gi ẹ mẹ n'ọ rị ọchan. Ọ nọ hu ẹdeke họdụnị ye ukun ukpo wẹ n'a chụn ẹjan. Ya k'o gi dọn ẹ nsọ, makẹ ihiẹn ọwụlẹ e sehẹ iwe Osolobuẹ gha a rị a.

Lẹvitikọsụ 9:9

Ụmụ a nọ buhẹn'ẹ ẹdeke anụ hụ, ọ nọ gi mkpịnsịn-ẹka deri ẹ, deyesọnmẹ mpịn rị ukpo nchụn-ẹjan; hu ẹdeke họdụnị ye ukun ukpo nchụn-ẹjan.

Ndị Ẹfẹsọsụ 2:13

Kanị, makẹni ụnụ rị imẹ Kraịstị wụ Jizọsị, e gigụọ wẹ nwan ẹdeke Kraịstị, ọnwụn Kraịstị, wezụhan ụnụ te rị ebe teni.

Hibru 9:15

Ya wụ nị Jizọsị wụ onyẹ e wegbamanị imẹ nkwerigbama ọhụn, hụn ndị wẹ kpọ oku e gi nwọnhẹn nkwa itẹbitẹ Osolobuẹ kwe, ebe o mẹni o nwọngụọ onyẹ nwụnhụnnị wẹ gi ndụn a gbapụha wẹ amamgbe njọ wẹ mẹ okpuru nkwerigbama ibuzọ e ri isi wẹ.

Hibru 9:21

Ẹrịra kẹ Mozizi fekpusọnmẹzi Ọdụ-ofufe hụ lẹ ihiẹn ile wẹ gi e fe ofufe.

Rẹvẹleshọnụ 6:9

Ogẹn Nwa-ebulu hụ gi tọpụ eriri nke isẹn, e lee m ẹnya okpuru ukpo nchụn-ẹjan, m nọ hụn umẹ-ndụn ndị wẹ gi ufiri oku Osolobuẹ lẹ ozi Jizọsị gbu.