Lẹvitikọsụ 4:31 - Ika

³¹ wepụha ụtọrọ a ile, kẹ wẹ dọn e wepụha ụtọrọ anụ wẹ gi ye oyiye ekele; onyẹ nchụn-ẹjan a nọ ukpo hụ wẹ n'a chụn ẹjan dụn a ọkụn n'o họnrin ẹnwụnrụn, ọ wụrụ ishin ọma hụn a sụọ Osolobuẹ ụsụọ. Ẹnịna kẹ onyẹ nchụn-ẹjan k'a dọn gbarị isi onyẹ hụ, Osolobuẹ a gbagharị a njọ.

Lẹvitikọsụ 4:31 ပူးပေါင်းရင်းမြစ်များ

Jẹnẹsisi 8:21

Osolobuẹ a nụ ishin ẹjan ahụn, ọ nọ sụọ a; ọ nọ sị enwẹn ẹ, “Onwọnzini ogẹn m'e gi bụzị akpakalị ọnụ makẹ ufiri ịhịan, ọsụọn'a nị eje-ihiẹn eje-ihiẹn kẹ ịhịan e ro ghakwọrị ebe ọ rị nwata lala; onwọnzikwọnị ogẹn m'e gi tikpọ ihiẹn ile rị ndụn kẹ m dọn mẹ.

Ẹzra 6:10

kẹni w'a chụnyeni Osolobuẹ elu-igwee ẹjan hụn a sụọ a ụsụọ, e mẹni eze lẹ ụmụ a ekpere.

Jobu 42:8

Weri ni nwan okẹn-efin ẹsa lẹ ebulu ẹsa d'e kunrun odibo m wụ Jobu; gi ni wẹ chụnnị enwẹn ụnụ ẹjan w'a dụn ọkụn — odibo m wụ Jobu e mẹni ụnụ ekpere, e gi m ufiri Jobu nụ ekpere hụ, amamgbe m'e ye ụnụ afụnfụn makẹ nzuzu ụnụ zuzu — makẹni ụnụ ekuni ihiẹn ụnụ ku banyeni m ọhụnma, kẹ odibo m wụ Jobu dọn ku.”

Ọpụpụ 29:18

Ya kpọchanrịn nwan ebulu hụ ọkụn elu ukpo nchụn-ẹjan. Ẹjan wẹ kpọnị Osolobuẹ ọkụn rọ hụn ishin ẹ a sụọ Osolobuẹ ụsụọ, oyiye wẹ gi ọkụn ye Osolobuẹ.

Azaya 42:21

O te sụọghọ Osolobuẹ n'o gi ufiri ezi-omumẹ ẹ mẹ Iwu ẹ wụrụ okẹn-ihiẹn nwọn ọghọ,

Azaya 53:10

kanị ọ sụọ Osolobuẹ n'o mẹshi ẹ ikẹn, mẹ ẹ ta afụnfụn. Ọsụọn'a n'o gi ndụn a chụn ẹjan-njọ, ọ k'a hụn ụmụ a; o k'a tọ. Uche Osolobuẹ k'a nọ ẹka a gha ihun.

Lẹvitikọsụ 1:13

Hụn wẹhẹn'ẹ e gi mirin chanchan ihiẹn ile rị imẹ ẹfọ anụ hụ lẹ ụkụ a, onyẹ nchụn-ẹjan e wẹhẹ wẹ ile d'a dụn ọkụn elu ukpo nchụn-ẹjan hụ. Oyiye wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:17

Ọ dọdọn ẹ ẹka-nku, dọwa a, kanị ọ dọwapụchanrịnkọ a, onyẹ nchụn-ẹjan a nọ elu nkụn hụ rị ukpo nchụn-ẹjan dụn a ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ.

Lẹvitikọsụ 1:9

Hụn wẹhẹ anụ e gi mirin chanchan ụkụ anụ hụ lẹ ihiẹn rị imẹ ẹfọ a, onyẹ nchụn-ẹjan a nọ ukpo nchụn-ẹjan dụnkwama anụ ahụn ile ọkụn. Ẹjan wẹ dụn ọkụn rọ, oyiye wẹ gi ọkụn ye, hụn ishin ẹ a sụọ Osolobuẹ ụsụọ.

Lẹvitikọsụ 14:18

O bu ofugbọn-olivu họdụ a ẹka che onyẹ hụ ọ rị e mẹ n'ọ rịzị ọchan isi, gi gbarị isi onyẹ hụ ihun Osolobuẹ.

Lẹvitikọsụ 15:15

Onyẹ nchụn-ẹjan k'e gi wẹ chụn ẹjan: o gi ohu chụn ẹjan-njọ, o gi ohu chụn ẹjan w'a dụn ọkụn. Ẹrịra kẹ onyẹ nchụn-ẹjan hụ k'a dọn nọ ihun Osolobuẹ gbarị isi onyẹ hụ yeni ihiẹn hụ hupụha a ẹhụ.

Lẹvitikọsụ 19:22

Ebulu ahụn okẹnnyẹ hụ gi chụn ẹjan onyẹ-ikpe-ma kẹ onyẹ nchụn-ẹjan e gi gbarị isi okẹnnyẹ hụ ihun Osolobuẹ yeni njọ hụn o mẹ, Osolobuẹ a gbagharị a njọ a.

Lẹvitikọsụ 2:2

bu ẹ jẹnni ụmụ Ẹrọnụ ikẹnnyẹ, ndị nchụn-ẹjan. Onyẹ nchụn-ẹjan k'a nọ ọka ahụn wẹ gwe lẹ ofugbọn-olivu rịn'a bụọrị ọb'ẹka ohu, o werizi nsẹnsi hụ ile, o gi hụn ọ bụọrị lẹ nsẹnsi nọkin ẹnya ẹjan hụ ile, nọ elu ukpo nchụn-ẹjan dụn wẹ ọkụn — oyiye wẹ gi ọkụn ye rọ, hụn ishin ẹ a sụọ Osolobuẹ.

Lẹvitikọsụ 2:9

Onyẹ nchụn-ẹjan hụ k'a gha imẹ oyiye ahụn weri hụn o gi nọkin ẹnya wẹ ile d'a dụn ọkụn elu ukpo nchụn-ẹjan ahụn n'o họnrin ẹnwụnrụn, n'ọ wụrụ oyiye we gi ọkụn ye, hụn ishin ẹ a sụọ Osolobuẹ.

Lẹvitikọsụ 4:19

O k'e wepụhachanrịn ụtọrọ a, nọ elu ukpo nchụn-ẹjan hụ dụn a ọkụn n'o họnrin ẹnwụnrụn,

Lẹvitikọsụ 4:26

O k'a nọ ukpo hụ dụn ụtọrọ ẹjan ahụn ile ọkụn n'o họnrin ẹnwụnrụn k'o dọn mẹ ụtọrọ ẹjan-ekele. Ẹnịna kẹ onyẹ nchụn-ẹjan k'a dọn gbarị isi onyẹ hụ, Osolobuẹ a gbagharị onyẹ hụ.

Lẹvitikọsụ 4:35

O k'e wepụha ụtọrọ a ile kẹ wẹ dọn e wepụha ụtọrọ anụ wẹ gi ye oyiye ekele, onyẹ nchụn-ẹjan a nọ ukpo hụ wẹ nọ a chụn ẹjan, elu ẹjan ndị hụ wẹ gi ọkụn chụnyeni Osolobuẹ, dụn a ọkụn n'o họnrin ẹnwụnrụn. Ẹnịna kẹ onyẹ nchụn-ẹjan k'a dọn gbarị isi onyẹ hụ, Osolobuẹ a gbagharị a njọ.

Lẹvitikọsụ 5:10

O weri nwan hụn ẹbọ chụn ẹjan w'a dụn ọkụn kẹ w'a chụ a, gi ẹ gbarị isi hụnyẹ makẹ njọ hụ o mẹ, Osolobuẹ a gbagharị hụnyẹ.

Lẹvitikọsụ 5:6

o wẹhẹni Osolobuẹ ẹjan onyẹ ikpe ma yeni njọ hụn o mẹ: onyẹnnyẹ atụnrụn mọbụ onyẹnnyẹ ewu k'o sikọ d'e wẹhẹ gi chụn ẹjan-njọ, onyẹ nchụn-ẹjan e gi ẹ gbarị isi hụnyẹ.

Lẹvitikọsụ 8:21

Ọ nọ gi mirin chanchan ihiẹn ndị rị imẹ ẹ lẹ ụkụ a, nọ elu ukpo nchụn-ẹjan hụ dụnpụ ebulu ahụn ile ọkụn, o họnrin ẹnwụnrụn, ẹjan wẹ dụn ọkụn hụn e shin ọhụnma, ẹjan wẹ gi ọkụn chụnyeni Osolobuẹ. Ẹrịra kẹ Osolobuẹ gwa Mozizi ya mẹ ẹ.

Ọgụngụn 15:25

Onyẹ nchụn-ẹjan sikọ d'e gi wẹ chụn ẹjan gi gbarị isi ndị Izrẹlụ ile, Osolobuẹ a gbagharị wẹ, makẹni ẹlẹ wẹ kpachanpụ ẹnya mẹ ẹ lẹni e gigụọ wẹ ufiri mmẹfie wẹ wẹhẹni Osolobuẹ oyiye w'a dụn ọkụn lẹ ẹjan-njọ.

Matiu 3:17

Ya kẹ olu nọ gha elu-igwee sị, “Ọnwan wụ ezi Nwa m, hụn ihiẹn ẹ a sụọ m ọhụnma-ọhụnma.”

Ndị Ẹfẹsọsụ 5:2

E gi ni ihiẹn-ọsụsụọ e bi, kẹ Kraịstị dọn nwọn ihiẹn-ọsụsụọ ẹnyi, gi ufiri ẹnyi we ndụn a ye nọkẹ oyiye lẹ ẹjan e shin ọhụnma hụn wẹ chụnyeni Osolobuẹ.

Hibru 1:3

Ịya kẹ wẹ gi a hụn kẹ Osolobuẹ nọ. Ẹnya hụnn'a a hụngụọ Osolobuẹ. O gi oku-ọnụ a hụn nwọn ikẹn hi-ogbe e kwọndọn ụwa ile. Ogẹn o gi chụngụ ẹjan wẹ gi a chanchanpụ njọ, ọ nọdị alị ẹka-nni Onyẹ kachanrịnnị imẹ elu-igwee.

Hibru 10:12

Kanị nke Kraịstị, k'ọ chụngụ ẹjan njọ ohu hụ o gi chụnchanrịn ẹjan ile, o weri oche ẹka-nni Osolobuẹ.

Hibru 10:14

makẹni o gigụọ ẹjan ohu mẹ ndị hụ ọ rị e dọn nsọ wụrụ ndị zu oke jẹnrin ejẹn.

Hibru 9:12

O gini ẹdeke ewu lẹ nwa okẹn-efin banye, kama, ẹdeke ya lẹ enwẹn ẹ; ọ banye mgbe ohu banyechanrịn, gi ẹ wẹhẹ nzụọpụha itẹbitẹ.

Jọnụ Ibuzọ 1:7

Kanị, omẹni ẹnyi hụ e bi imẹ ukpẹ kẹ ya nwẹn dọn rị imẹ ukpẹ, ya wụ nị ẹnyi lẹ ịya rị nke-esi, ẹdeke Nwa a wụ Jizọsị hụ a chanchanpụ ẹnyi njọ ile.

Rẹvẹleshọnụ 5:9

Ya wẹ nọ bụ ẹbụ ọhụn, sị, “Ịyụ furu hụn k'e weri ẹkụkwọ hụ, hụn k'a tọpụ eriri ndị hụ wẹ gi kẹnmẹ ẹ; makẹni wẹ gbu i, ị nọ gi ẹdeke i gbapụhanị Osolobuẹ ịhịan imẹ ebọn ile lẹ asụsụ ile lẹ ndị ile lẹ alị ile.