Lẹvitikọsụ 4:3 - Ika

³ “Omẹni onyẹ-isi nchụn-ẹjan mẹ njọ, o buhẹgụọnị ịhịan ile ikpe-ọmụma. O k'e wẹhẹrịrịnị Osolobuẹ okoro okẹn-efin ẹhụ a zu oke gi chụn ẹjan makẹ njọ hụ o mẹ.

Lẹvitikọsụ 4:3 ပူးပေါင်းရင်းမြစ်များ

Ihiẹn Mẹni Nke Ẹbụọ 29:21

Wẹ nọ wẹhẹ okẹn-efin ẹsa, ebulu ẹsa, ụmụ-ebulu ẹsa, wẹhẹzikwọ mkpịn ẹsa wẹ k'e gi chụn ẹjan-njọ makẹ alị-eze ẹ lẹ Ụlọ-nsọ lẹ alị Juda. Eze nọ sị ndị nchụn-ẹjan hụn wụ ẹbozo Ẹrọnụ d'e gi wẹ chụn ẹjan elu ukpo nchụn-ẹjan Osolobuẹ.

Ẹzra 8:35

Ndị hụ gha ebe wẹ kpụnjẹn wẹ lụa ogẹn hụ nọ chụnyeni Chuku Izrẹlụ ẹjan w'a kpọ ọkụn. Okẹn-efin mmẹbụọ kẹ wẹ gi chụn nke ndị Izrẹlụ ile, ya lẹ ebulu mmisin kwasị ọgụn-ẹnọ (96) lẹ ụmụ ebulu mmẹsa kwasị ọgụn-ẹtọ (77). Hụn wẹ gi chụn ẹjan-njọ wụ mkpịn mmẹbụọ. Wẹ ile wụchanrịn ẹjan wẹ kpọnị Osolobuẹ ọkụn.

Ọpụpụ 29:14

Ka we uru efin ahụn lẹ akpụkpọ a lẹ ihiẹn ile họdụnị gha ebe ụnụ ziẹntọ pụ d'a kpọ ọkụn. Ẹjan wẹ gi e fepụ njọ rọ.

Ọpụpụ 29:21

Y'a gha ẹdeke ahụn rị ukpo nchụn-ẹjan lẹ udẹn-nsọ werisọnmẹ ẹkẹrẹ gi fekpu Ẹrọnụ lẹ ẹwuru ndị hụ o yi lẹ ụmụ a ikẹnnyẹ lẹ ẹwuru wẹ, ogẹn ahụn, Ẹrọnụ lẹ ụmụ a ikẹnnyẹ lẹ ẹwuru wẹ a rị nsọ.

Ọpụpụ 29:7

Y'e weri udẹn-nsọ ahụn hukpu ẹ isi, gi tumẹ ẹ.

Ọpụpụ 30:10

Mgbe ohu ahụa, Ẹrọnụ sikọ d'a nọ mpịn a ẹnọ hụ mẹ ihiẹn w'e gi wepụ njọ. O sikọ d'e gi ẹdeke ẹjan hụ wẹ gi e wepụ njọ mẹ ẹ ahụa-ahụa agbọ ụnụ ile lalanị. Ukpo-nsẹnsinị rịchanrịn Osolobuẹ nsọ ẹnya.”

Izikẹlụ 40:39

Kanị, imẹ ẹtu-ụlọ hụ wẹ gha a banye, teburu ẹbụọ-ẹbụọ rị azụụnnị lẹ azụụnnị. Elu teburu ndị hụ kẹ wẹ nọ e gbu anụ wẹ gi a chụn ẹjan w'a dụn ọkụn, ẹjan-njọ lẹ ẹjan ndọnzi.

Izikẹlụ 43:19

I k'e we okoro okẹn-efin ye ndị nchụn-ẹjan, ndị ebọn Zadọkụ hụn omẹni uwẹ sụọ wụ ndị ebọn Livaị k'a gha a nọkunmẹ m, a chụnị m ẹjan. Wẹ k'e gi okoro-efin hụ chụn ẹjan-njọ, ya kẹ Osolobuẹ Nwọn Ihiẹn Ile ku.

Izikẹlụ 44:27

Ụhụọhịn o k'e jẹn ezi-ọgwa rị imẹ, ụhụọhịn o k'a banye azụụn hụ rị nsọ d'a rụn ọrụn, o k'a chụn ẹjan-njọ a. Ya kẹ Osolobuẹ Nwọn Ikẹn Ile ku.

Lẹvitikọsụ 1:10

“Omẹni ewu mọbụ atụnrụn k'o k'e gi ye oyiye hụ wẹ jẹnkọ d'a dụn ọkụn, o k'a wụrịrị mkpịn ẹhụ a zu oke.

Lẹvitikọsụ 1:3

“Omẹni ẹjan w'a dụn ọkụn rọ, nị efin k'o wela d'e gi chụn ẹjan ahụn, o sikọ d'a wụrịrị okẹn efin ẹhụ a zu oke, o wẹhẹ ẹ ọnụ-mgbọn Ọdụ-nsọ kẹni Osolobuẹ kweri narịn a.

Lẹvitikọsụ 16:11

“Ẹrọnụ k'e wẹhẹ nwan okẹn-efin hụ o sikọ d'e gi chụn ẹjan-njọ ahụn wụ nke ẹ, gi ẹ gbarị isi ya lẹ enwẹn ẹ lẹ ikpụlọ a.

Lẹvitikọsụ 16:3

“Ẹnịna kẹ Ẹrọnụ k'a gha a banhan Ebẹhụ Kachanrịn-nsọ: o k'e weri agbanaị okẹn-efin o k'e gi chụn ẹjan-njọ lẹ ebulu o k'e gi chụn ẹjan w'a dụn ọkụn.

Lẹvitikọsụ 16:5

“O sikọ d'a narịn ndị Izrẹlụ mkpịn ẹbụọ o k'e gi chụn ẹjan-njọ lẹ ebulu ohu o k'e gi chụn ẹjan w'a dụn ọkụn.

Lẹvitikọsụ 16:6

Ẹrọnụ k'e gi okẹn-efin hụ chụn ẹjan-njọ a, gi gbarị isi ya lẹ enwẹn ẹ lẹ ikpụnọ a;

Lẹvitikọsụ 4:14

Hụn wẹ gihụ marịn nị wẹ mẹ njọ, wẹ k'e buhẹrịrị agbanaị okẹn-efin wẹ sikọ d'e gi chụn ẹjan-njọ; wẹ k'e buhẹ ẹ ọnụmụzọ Ọdụ-ozuzu.

Lẹvitikọsụ 4:23

Hụn o gihụ marịn n'o mẹgụọ njọ, o k'e wẹhẹrịrị mkpịn ẹhụ a zu oke d'e ye.

Lẹvitikọsụ 4:28

Hụn o gihụ marịn n'o mẹgụọ njọ, o k'e wẹhẹrịrị onyẹnnyẹ-ewu ẹhụ a zu oke o jẹnkọ d'e gi chụn ẹjan njọ o mẹ.

Lẹvitikọsụ 4:5

“Onyẹ-isi nchụn-ẹjan hụ mẹ njọ k'e weberi ẹdeke okẹn-efin ahụn we ẹ shi imẹ Ọdụ-ozuzu.

Lẹvitikọsụ 5:6

o wẹhẹni Osolobuẹ ẹjan onyẹ ikpe ma yeni njọ hụn o mẹ: onyẹnnyẹ atụnrụn mọbụ onyẹnnyẹ ewu k'o sikọ d'e wẹhẹ gi chụn ẹjan-njọ, onyẹ nchụn-ẹjan e gi ẹ gbarị isi hụnyẹ.

Lẹvitikọsụ 6:18

Okẹnnyẹ ọwụlẹ wụ onyẹ ebozo Ẹrọnụ nwọn ikẹn ri ẹ. O k'e rusọnmẹ wẹ ẹka agbọ ile lalanị imẹ oyiye ile wẹ gi ọkụn e ye Osolobuẹ. Ihiẹn ọwụlẹ mẹtụn'a k'e họnrin ihiẹn w'a sọ wẹ k'e gbu.”

Lẹvitikọsụ 8:12

Ọ nọ hubeye Ẹrọnụ udẹn-nsọ ahụn isi, gi ẹ dọn ẹ nsọ.

Lẹvitikọsụ 9:2

Ọ nọ sị Ẹrọnụ, “Wẹhẹ okoro okẹn-efin i jẹnkọ d'e gi chụn ẹjan makẹ njọ ị lẹ atụnrụn i k'e gi chụn ẹjan w'a dụn ọkụn. O sikọ d'a wụrịrị efin lẹ atụnrụn ẹhụ wẹ zu oke; y'e wepụha wẹ ihun Osolobuẹ,

Lẹvitikọsụ 9:3

y'a sị ndị Izrẹlụ, ‘Wẹhẹ ni mkpịn d'a chụn ẹjan njọ, ụnụ e wẹhẹzi nwa efin lẹ nwa atụnrụn d'a chụn ẹjan w'a dụn ọkụn. Kẹ nwa-efin kẹ nwa-atụnrụn k'a wụ anụ ahụa ohu-ohu ẹhụ zu oke;

Ọgụngụn 16:22

Kanị Mozizi lẹ Ẹrọnụ nọ tụha enwẹn wẹ alị bu ihun kpumẹ alị, kwanma ẹkwan, sị, “Euu Osolobuẹ, Chuku hụn gi ndụn ịhịan ile, n'i busọn ịhịan ile olulu bụ onyẹ ohu sụọ mẹ njọ?”

Ọgụngụn 8:8

e weri wẹ nwa okẹn-efin ohu lẹ oyiye-ọka sọnn'ẹ hụn wụ ọka wẹ gweriẹn wẹ gi ofugbọn-olivu gwọ; y'e weri nwa okẹn-efin ọzọ chen'ẹ w'e gi chụn ẹjan-njọ.

Ndị Rom 8:3

Makẹni, ihiẹn nwẹn Iwu Mozizi salẹni ẹka mẹ yeni ndụn arị ịhịan, Osolobuẹ e mẹgụọ a nwan ghahanị izihẹ Nwa a nọkẹ ịhịan mmaka hụn ndị-njọ wụ, kẹni o wepụ njọ, Osolobuẹ nọ gi ẹ ma njọ rị imẹ ịhịan ikpe.

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Hibru 5:3

Ịya haịn o gi mẹni o k'a gha a chụnrịrị ẹjan makẹ njọ ya lẹ enwẹn ẹ lẹ njọ ndị hụ.

Hibru 9:12

O gini ẹdeke ewu lẹ nwa okẹn-efin banye, kama, ẹdeke ya lẹ enwẹn ẹ; ọ banye mgbe ohu banyechanrịn, gi ẹ wẹhẹ nzụọpụha itẹbitẹ.