Lẹvitikọsụ 4:21 - Ika

²¹ Onyẹ-isi nchụn-ẹjan a gha ebe ịhịan bi bupụ okẹn-efin hụ, dụn a ọkụn kẹ w'a dụn okẹn-efin onyẹ-isi nchụn mẹ njọ. Ọnwan wụ ẹjan-njọ w'a chụnnị alị.

Lẹvitikọsụ 4:21 ပူးပေါင်းရင်းမြစ်များ

Ẹzra 8:35

Ndị hụ gha ebe wẹ kpụnjẹn wẹ lụa ogẹn hụ nọ chụnyeni Chuku Izrẹlụ ẹjan w'a kpọ ọkụn. Okẹn-efin mmẹbụọ kẹ wẹ gi chụn nke ndị Izrẹlụ ile, ya lẹ ebulu mmisin kwasị ọgụn-ẹnọ (96) lẹ ụmụ ebulu mmẹsa kwasị ọgụn-ẹtọ (77). Hụn wẹ gi chụn ẹjan-njọ wụ mkpịn mmẹbụọ. Wẹ ile wụchanrịn ẹjan wẹ kpọnị Osolobuẹ ọkụn.

Ọpụpụ 29:14

Ka we uru efin ahụn lẹ akpụkpọ a lẹ ihiẹn ile họdụnị gha ebe ụnụ ziẹntọ pụ d'a kpọ ọkụn. Ẹjan wẹ gi e fepụ njọ rọ.

Izikẹlụ 45:22

Ụhụọhịn ahụn, onyẹ-ọkịkị sikọ d'e wepụha okẹn-efin w'e gi chụn ẹjan njọ ya lẹ enwẹn ẹ lẹ njọ ndị alị.

Lẹvitikọsụ 16:15

“O k'e gbu nwan ewu hụ o gi a chụn ẹjan-njọ ndị Izrẹlụ; o weri ẹdeke ẹ ghafe Ẹkwa-mgbọnkin hụ, shi imẹ Ebe Kachanrịn nsọ, mẹ ẹ k'ọ mẹ ẹdeke okẹn-efin hụ: o fe e ye elu okun hụ wẹ nọ a gbarị isi, o feyezi ẹ ihun ẹ.

Lẹvitikọsụ 16:21

O bu ẹka a ẹbụbụọ kwasị ewu hụ rị ndụn isi, kuchanrịn eje-obibi lẹ nnupụ-isi ndị Izrẹlụ, njọ ile wẹ mẹ, bugụ wẹ che ewu hụ isi, o we ewu hụ ye onyẹ wẹ tumẹ k'e dupụn'a, o du ẹ shi imẹ atụ.

Lẹvitikọsụ 16:27

Wẹ k'a gha imẹ ebẹhụ ịhịan ile bi bupụ okẹn-efin lẹ ewu hụ wẹ webanhan ẹdeke wẹ imẹ Ebẹhụ Kachanrịn-nsọ gi gbarịsọnmẹ isi; wẹ k'a dụnpụ akpụkpọ wẹ ọkụn, kẹ ya kẹ uru wẹ lẹ ihiẹn ndị ọzọ rịn'a w'e ri.

Lẹvitikọsụ 4:13

“Omẹni ndị Izrẹlụ ile kẹ ọ rụnahịn mẹ njọ ghahanị imẹ ihiẹn ọwụlẹ Osolobuẹ sị wẹ emẹlẹ, ikpe a magụọ wẹ — ọsụọn'a nị amarịn wẹ.

Lẹvitikọsụ 4:20

o mẹ okẹn efinni k'o dọn mẹ okẹn-efin ẹjan-njọ. Ẹnịna kẹ onyẹ nchụn-ẹjan k'a dọn gbarị isi wẹ, Osolobuẹ a gbagharị wẹ;

Lẹvitikọsụ 6:11

Ọ gbụpụ ẹkwa ndị hụ o yi, o yiri ndị ọzọ, bu ntụn hụ gha ebe ịhịan bi pụ, d'e kpọntọ ebe rị ọchan.

Lẹvitikọsụ 6:23

Wẹ k'a dụnchanrịnrịrị oyiye-ọka ọwụlẹ onyẹ nchụn-ẹjan wẹhẹni Osolobuẹ ọkụn. Erikọ w'a.”

Lẹvitikọsụ 8:17

Kanị o buru efin ahụn lẹ akpụkpọ a lẹ uru ẹ lẹ ihiẹn ile rịn'a gha ebe ịhịan bi pụ d'a dụn ọkụn. Ẹrịra kẹ Osolobuẹ gwa Mozizi y'e mẹ ẹ.

Ọgụngụn 15:24

ụnụ dan a bụ onwọnni onyẹ rị imẹ igunrun ụnụ ẹnya a ru, ụnụ akpachanpụnị ẹnya mẹ ẹ, alị ile jẹnkọ d'e wẹhẹ okoro-efin d'e ye oyiye wẹ gi ọkụn e ye n'ọ wụrụ oyiye hụn ishin ẹ a sụọ Osolobuẹ — ịya lẹ oyiye-ọka a lẹ oyiye manya w'e wechen'ẹ lẹ mkpịn wẹ k'e gi chụn ẹjan-njọ.

Matiu 20:28

nọkẹ kẹ mmẹ Nwa nke Ịhịan dọn bịa, ẹlẹ ni wẹ gbanị m odibo, kama, kẹni m gba odibo, yezikwọ ndụn m, gi ẹ gbapụha ndị bu ọda.”

Ndị Kọrẹntị Nke Ẹbụọ 5:21

Osolobuẹ gi ufiri ẹnyi gi Kraịstị mẹlẹni njọ họnrin onyẹ mẹ njọ, kẹni ẹnyi gha ẹka a họnrin ndị ezi-omumẹ ẹnya Osolobuẹ.

Hibru 13:11

Onyẹ-isi nchụn-ẹjan Ofufe-akan hụ e webanhan ẹdeke anụ wẹ gi chụn ẹjan njọ imẹ Ebẹhụ Kachanrịn Nsọ, kanị wẹ a gha imẹ obodo e bupụ ozun anụ lẹ enwẹn ẹ d'a dụn ọkụn.