Lẹvitikọsụ 4:2 - Ika

² “Sị ndị Izrẹlụ: Ọ rụnahịn ịhịan mẹ njọ ghahanị imẹ ihiẹn ọwụlẹ Osolobuẹ sị wẹ emẹlẹ, lee ihiẹn o jẹnkọ d'e mẹ:

Lẹvitikọsụ 4:2 ပူးပေါင်းရင်းမြစ်များ

Jẹnẹsisi 20:9

Ya kẹ Abimẹlẹkị nọ kpọ Ebraham, sị a, “K'i mẹni ẹnyi ihiẹnni? Kị m mẹ i, i gi nu mmẹ lẹ ndị ile m rị a kị ye imẹ ihiẹnni ikpe gi nwan ma ẹnyi? Y'e mẹọlẹ m ihiẹn wẹ ghalẹni e mẹ ịhịan.”

Ẹbụ-ọma 19:12

Onyẹ a marịnchanrịn mmẹfie ẹ? Gbagharị m mmẹfie m ndị m marịnlẹni!

Ẹbụ-ọma 19:13

Anịkwọlẹ odibo i e mẹ njọ ọ marịngụ, anịkwọlẹ wẹ kị m — kẹni m wụrụ onyẹ zu oke, ghalẹni e mẹ njọ ahụn jọgbu enwẹn ẹ.

Ẹkịliziastisi 5:6

Anịkwọlẹ ọnụ ị dọ ị ye imẹ njọ. Ẹlẹkwọ hụn ị k'a sị onyẹ-ozi ụlọ-nsọ, “Omẹni m te marịn m'e ke kwe nkwa hụ.” Kị i k'e gini ihiẹn i ku kpasu Chuku iwe, o wiwi ihiẹn ị rụn?

Lẹvitikọsụ 22:14

“Onyẹ ri anụ oyiye-nsọ bụ ọ marịn nị ya rọ, o k'a kụrịrị onyẹ nchụn-ẹjan ụgwọ oyiye hụ, wezi ụzọ ohu imẹ ụzọ isẹn ọnụ-egho ẹ chen'ẹ.

Lẹvitikọsụ 4:1

Osolobuẹ gwa Mozizi oku, sị,

Lẹvitikọsụ 4:13

“Omẹni ndị Izrẹlụ ile kẹ ọ rụnahịn mẹ njọ ghahanị imẹ ihiẹn ọwụlẹ Osolobuẹ sị wẹ emẹlẹ, ikpe a magụọ wẹ — ọsụọn'a nị amarịn wẹ.

Lẹvitikọsụ 4:22

“Omẹni onyẹ-ndu k'ọ rụnahịn mẹ njọ ghahanị imẹ ihiẹn ọwụlẹ Osolobuẹ sị wẹ emẹlẹ, ikpe a magụọ a.

Lẹvitikọsụ 4:27

“Omẹni onyẹ-mmaka k'ọ rụnahịn mẹ njọ ghahanị imẹ ihiẹn ọwụlẹ Osolobuẹ sị wẹ emẹlẹ, ikpe a magụọ a.

Ọgụngụn 35:11

họrịsọnmẹ ni obodo ndị sikọ d'a wụ obodo mgbaban, ebe ịhịan k'a gbashi omẹni o gbu ịhịan bụ ọ kpachanpụnị ẹnya mẹ ẹ.

Ditrọnọmi 19:4

Ọnwan wụ iwu gbashịarị onyẹ gbu ibe ẹ, gbashi ebahụn d'e ghe isi, omẹni ẹlẹ ọ kpachanpụ ẹnya gbu ẹ, ẹlẹ o rotọ a erotọ.

Timoti Ibuzọ 1:13

ọsụọn'a nị m te kuja oku ẹ, kpokpo ndị nke ẹ, ye wẹ ụya ri. Kanị o mẹkwọnị m omikẹn, makẹni amarịn m ihiẹn m rị e mẹ ogẹn ahụn makẹni m'e ke kweri.

Hibru 5:2

Ọ marịngụọ gi ẹka alụlụa e sọn ndị ogbori lẹ ndị-mmẹfie makẹni ọ rụnahịnzịkwọ ya nwẹn ẹ arụnahịn.

Hibru 9:7

kanị, onyẹ-isi nchụn-ẹjan sụọ a banye mmughẹ nke ẹbụọ, mgbe ohu ahụa. Ọ banyekọnị, o k'e girịrị ẹdeke o gi chụnye ẹjan njọ a lẹ njọ ndị Izrẹlụ kpachanpụlẹni ẹnya mẹ.

Jemisi 3:10

Ọnụ ohu hụ kẹ ọjịja-mma lẹ ịbụ-ọnụ gha a pụha! Umunẹ m, o furuni n'ọ rị ẹrịra.

Samuẹlụ Nke Ibuzọ 14:27

Kanị Jonatanị anụnị nị nẹdi ẹ ye wẹ ẹfan Osolobuẹ kun, ọ nọ rụ ọkpọ rị a ẹka ye imẹ ụlọ-ẹnwụn, ra mirin-ẹnwụn. Ọ ragụ a, ndụn nọ ban a.