Lẹvitikọsụ 3:9 - Ika

⁹ O k'a gha anụ ẹjan-ekele hụ wepụha anụ wẹ sikọ d'e gi ọkụn chụnyeni Osolobuẹ, hụn wụ ụtọrọ a ile — kẹ ọdụndụn a ụtọrọ jun d'e ru ebẹhụ ọdụndụn lẹ ogelemazụụn nọ zu kẹ ụtọrọ kpumẹ ihiẹn ile rị imẹ ẹ lẹ hụn nyanrịnnị wẹ;

Lẹvitikọsụ 3:9 ပူးပေါင်းရင်းမြစ်များ

Samuẹlụ Nke Ẹbụọ 6:17

Wẹ nọ bubanhan Ẹkpẹti-nsọ Osolobuẹ, dọ a ye ọnọdị a imẹ ọdụ hụn Defidi mẹmẹn'ẹ; Defidi nọ nọ ihun Osolobuẹ chụn ẹjan w'a dụn ọkụn lẹ ẹjan-ekele wẹ gi e rigbama.

Ndị-nze Nke Ibuzọ 3:15

Ya Solomọnụ nọ tẹnhin, hụn a nị nrọ rọ. Ọ nọ lakin Jerusalẹm; ọ nọ wuzo ihun Ẹkpẹti-nkwerigbama Osolobuẹ, chụn ẹjan ndị w'a dụn ọkụn lẹ ẹjan-ekele. Ya ọ nọ kpọ ihu ẹ ile oriri.

Ndị-nze Nke Ibuzọ 8:63

Anụ Solomọnụ gbu gi chụnyeni Osolobuẹ ẹjan-ekele wụ efin nnụ-uku ẹbụọ-kwasị-ọgụn (22,000) lẹ atụnrụn lẹ ewu nnụ-uku ọgụn-isin (120,000). Ẹrịra kẹ eze lẹ ndị Izrẹlụ ile gi ha Ụlọ-nsọ Osolobuẹ hụ ye Osolobuẹ ẹka.

Ndị-nze Nke Ibuzọ 8:64

Ụhụọhịn ohu hụ kẹ eze gizi dọn ahanmahan ihun-ezi Ụlọ-nsọ Osolobuẹ hụ nsọ, nọ ebẹhụ chụnyesọnmẹ ẹjan ichẹn-ichẹn wẹ gi ọkụn a chụnye, kẹ hụn w'a dụnkwama ọkụn kẹ ẹjan-ọka kẹ ẹjan-ekele w'a dụn ụtọrọ a sụọ ọkụn, makẹni ukpo nchụn-ẹjan ahụn wẹ gi igwe-bronzu mẹmẹ e mẹkẹ ẹkẹrẹ w'a nọ chụn ẹjan ahụn ile bugbu enwẹn ẹ ọda — ẹjan-anụ lẹ ọka lẹ ụtọrọ hụ ile.

Ihiẹn Mẹni Nke Ibuzọ 16:1

Ogẹn wẹ gi bulụa Ẹkpẹti Chuku imẹ Obodo Defidi rị Jerusalẹm, wẹ nọ bu ẹ che imẹ ọdụ hụn Defidi mẹmẹn'ẹ. Wẹ nọ ihun ẹ chụnyeni Chuku ẹjan w'a dụn ọkụn lẹ hụn wẹ e rigbama.

Ọpụpụ 29:22

“Wepụha ụtọrọ ebulu hụ lẹ ọdụndụn a ụtọrọ jun lẹ ụtọrọ kpumẹsọnmẹ ihiẹn rị imẹ ẹ, uwẹ lẹ mpịnpịn ahụn rị elu imegi ẹ lẹ akụnrụn a ẹbụbụọ lẹ ụtọrọ rị elu wẹ lẹzi ọrụ-ụkụ ẹka-nni ẹ — makẹni ọnwan wụ ebulu wẹ gi e tumẹ wẹ.

Itẹn 23:26

Nwa m, ye m obi i; ẹnya ị ya rịsọnmẹ ụzọ m,

Azaya 53:10

kanị ọ sụọ Osolobuẹ n'o mẹshi ẹ ikẹn, mẹ ẹ ta afụnfụn. Ọsụọn'a n'o gi ndụn a chụn ẹjan-njọ, ọ k'a hụn ụmụ a; o k'a tọ. Uche Osolobuẹ k'a nọ ẹka a gha ihun.

Lẹvitikọsụ 17:5

O sikọ d'e mẹ ndị Izrẹlụ e wẹhẹni Osolobuẹ ẹjan wẹ rị nwan a chụnsọnmẹ ogbe, e wẹhẹni Osolobuẹ ya ọnụ-mgbọn Ọdụ-ozuzu, e ye onyẹ nchụn-ẹjan ebẹhụ, e gi wẹ ẹ a chụnyeni Osolobuẹ ẹjan-ekele.

Lẹvitikọsụ 7:3

Wẹ k'a chụnyechanrịn ụtọrọ a ile: kẹ ụtọrọ rị a ọdụndụn kẹ ụtọrọ ile kpumẹ ihiẹn rị imẹ ẹ,

Lẹvitikọsụ 8:25

Ọ nọ weri ụtọrọ ebulu hụ, kẹ hụn rị a ukun ọdụndụn kẹ ndị ile rịsọnmẹ elu ihiẹn rị a ẹfọ, ihiẹn ahụn mẹ ụtọrọ-ụtọrọ kpumẹ imegi ẹ, akụnrụn a ẹbụbụọ lẹ ụtọrọ rị elu wẹ lẹ ọrụ ẹka-nni ẹ.

Lẹvitikọsụ 9:19

Kanị, ụtọrọ efin ahụn lẹ nke ebulu ahụn, kẹ hụn rị wẹ ukun ọdụndụn kẹ hụn kpumẹ ihiẹn rị wẹ ẹfọ kẹ akụnrụn wẹ lẹ ihiẹn ndị hụ mẹsọnmẹ ụtọrọ-ụtọrọ kpumẹ imegi wẹ,

Ọgụngụn 7:88

Anụ ile wẹ gi chụn ẹjan ekele wụ okẹn-efin ẹnọ kwasị ọgụn, ebulu ọgụn-ẹtọ ka ẹhụ, mkpịn ọgụn-ẹtọ lẹ ụmụ ebulu ọgụn-ẹtọ rịsọnmẹ ahụa ohu-ohu. Uwẹ wụ oyiye wẹ gi ha ukpo nchụn-ẹjan ye ẹka Osolobuẹ ogẹn wẹ gi fekpugụ a udẹn-nsọ.

Samuẹlụ Nke Ibuzọ 10:8

“Nje Gil'galụ, m lala d'e kunrun i, nị m chụn ẹjan w'a dụn ọkụn lẹ ẹjan-ekele — kanị ị k'e cherikwọ m akpọhịn ẹsa. M bịa, a gwa m'ị ihiẹn i jẹnkọ d'e mẹ.”