Lẹvitikọsụ 3:16 - Ika

¹⁶ Onyẹ nchụn-ẹjan k'a nọ ukpo nchụn-ẹjan dụn wẹ ọkụn nị wẹ họnrin ẹnwụnrụn, wụrụ ihiẹn-oriri, oyiye wẹ gi ọkụn ye, hụn ishin ẹ a sụọ Osolobuẹ. Ụtọrọ ile wụ nke Osolobuẹ.

Lẹvitikọsụ 3:16 ပူးပေါင်းရင်းမြစ်များ

Jẹnẹsisi 4:4

Ebẹlụ nkẹ nọ gha imẹ ụmụ ibuzọ igunrun atụnrụn a mụ họrịsọnmẹ ndị kachanrịn e tutu, yezikwọ Osolobuẹ. Ya Osolobuẹ nọ nabanhan Ebẹlụ lẹ ihiẹn o ye.

Ihiẹn Mẹni Nke Ẹbụọ 29:35

Ẹjan w'a dụn ọkụn e jun; ụtọrọ w'a dụn ọkụn e junzi, ụtọrọ anụ ndị wẹ gi chụn ẹjan-ekele; manya ya lẹ ẹjan w'a dụn ọkụn gba a wị e junzi. Ẹrịra kẹ wẹ dọn bidọnzi ofufe w'e fe imẹ Ụlọ-nsọ Osolobuẹ.

Ihiẹn Mẹni Nke Ẹbụọ 7:7

Solomọnụ nọ dọn etintinnaị ezi-ọgwa hụ rị ihun Ụlọ-nsọ Osolobuẹ nsọ, nọ ebahụn chụn ẹjan ndị w'a dụn ọkụn, dụnzịkwọ ụtọrọ anụ ndị wẹ gi chụn ẹjan-ekele ọkụn, makẹni ukpo nchụn-ẹjan igwe-bronzu ahụn eruni ẹjan ndị hụ ile wẹ dụn ọkụn lẹ ẹjan-ọka ndị hụ ile lẹ ụtọrọ anụ ndị hụ ile wẹ gi chụn ẹjan ụhụọhịn hụ.

Ọpụpụ 29:13

Y'a bụọ a, werichanrịn ụtọrọ ahụn ile kpumẹ ihiẹn ile rị a ẹfọ, weri mpịnpịn ahụn a rị a imegi, werizi akụnrụn a ẹbụbụọ lẹ ụtọrọ nyanhunmẹni wẹ; y'a dụn wẹ ọkụn elu ukpo nchụn-ẹjan hụ, e họnrin wẹ ẹnwụnrụn.

Ọpụpụ 29:22

“Wepụha ụtọrọ ebulu hụ lẹ ọdụndụn a ụtọrọ jun lẹ ụtọrọ kpumẹsọnmẹ ihiẹn rị imẹ ẹ, uwẹ lẹ mpịnpịn ahụn rị elu imegi ẹ lẹ akụnrụn a ẹbụbụọ lẹ ụtọrọ rị elu wẹ lẹzi ọrụ-ụkụ ẹka-nni ẹ — makẹni ọnwan wụ ebulu wẹ gi e tumẹ wẹ.

Azaya 53:10

kanị ọ sụọ Osolobuẹ n'o mẹshi ẹ ikẹn, mẹ ẹ ta afụnfụn. Ọsụọn'a n'o gi ndụn a chụn ẹjan-njọ, ọ k'a hụn ụmụ a; o k'a tọ. Uche Osolobuẹ k'a nọ ẹka a gha ihun.

Izikẹlụ 44:15

“ ‘Kanị ndị nchụn-ẹjan, ndị Livaị ebọn Zadọkụ, kwọnkẹnmẹ ofufe ụlọ-nsọ m ogẹn ndị Izrẹlụ gi la m tọ, kpahu. Uwẹ k'a nọkunmẹ m, rụnnị m ọrụn ịchụn-ẹjan. Uwẹ k'e wuzo ihun m, e wẹhẹni m ụtọrọ lẹ ẹdeke anụ wẹ gi chụn ẹjan. Ya kẹ Osolobuẹ Nwọn Ihiẹn Ile ku.

Lẹvitikọsụ 17:6

Onyẹ nchụn-ẹjan e fe ẹdeke anụ hụ ye elu ukpo nchụn-ẹjan Osolobuẹ ọnụmụzọ Ọdụ-nsọ, dụn ụtọrọ a ọkụn n'ọ wụrụ ẹjan hụn ishin ẹ a sụọ Osolobuẹ ụsụọ.

Lẹvitikọsụ 4:26

O k'a nọ ukpo hụ dụn ụtọrọ ẹjan ahụn ile ọkụn n'o họnrin ẹnwụnrụn k'o dọn mẹ ụtọrọ ẹjan-ekele. Ẹnịna kẹ onyẹ nchụn-ẹjan k'a dọn gbarị isi onyẹ hụ, Osolobuẹ a gbagharị onyẹ hụ.

Lẹvitikọsụ 4:31

wepụha ụtọrọ a ile, kẹ wẹ dọn e wepụha ụtọrọ anụ wẹ gi ye oyiye ekele; onyẹ nchụn-ẹjan a nọ ukpo hụ wẹ n'a chụn ẹjan dụn a ọkụn n'o họnrin ẹnwụnrụn, ọ wụrụ ishin ọma hụn a sụọ Osolobuẹ ụsụọ. Ẹnịna kẹ onyẹ nchụn-ẹjan k'a dọn gbarị isi onyẹ hụ, Osolobuẹ a gbagharị a njọ.

Lẹvitikọsụ 8:25

Ọ nọ weri ụtọrọ ebulu hụ, kẹ hụn rị a ukun ọdụndụn kẹ ndị ile rịsọnmẹ elu ihiẹn rị a ẹfọ, ihiẹn ahụn mẹ ụtọrọ-ụtọrọ kpumẹ imegi ẹ, akụnrụn a ẹbụbụọ lẹ ụtọrọ rị elu wẹ lẹ ọrụ ẹka-nni ẹ.

Lẹvitikọsụ 9:24

Ọkụn nọ gha ebe Osolobuẹ rị bịa d'e ripụ ẹjan hụ w'a dụn ọkụn lẹ ụtọrọ ndị hụ rị elu ukpo nchụn-ẹjan. Ogẹn wẹ gi hụn ihiẹnni, wẹ ile nọ yi oro, kụ isi alị.

Matiu 22:37

Ọ nọ sị a, “ ‘Gi obi i ile, enwẹn i ile lẹ uche i ile nwọn ihiẹn-ọsụsụọ Di-nwọnni-ẹnyi wụ Osolobuẹ i.’